Luku 17:3 - FỊAFỊA BAỊBỤLỤ

³ Ọkọẹrẹsị ọmịnị ọ́ mịẹarị ye ḅụ ẹbị nyana-a. “Ị́ mịnaḅọ si mịẹ-mịẹ, ò ḍiki-ịganịị, ori anị ḅụ pịkịm ḅẹḅẹ wẹrịso ọ̀ pịrịị.

Luku 17:3 Iomraidhean Croise

Devidi-Anume 141:5

Ẹbịsịya iḅi tomḅọ ori iḅi-yemịẹ-ḅara ḅụ ì fomu tẹ ì ḍiki ịganị ḅa, kụma gbala-gbala à si-mịẹapụ ḅara ḅo kụn ọkị ḅịa, sakị mamgba àrị ịna si amịẹaị ma kẹ Tamụnọ tẹkẹarị ẹrẹsị.

Paka-so 34:12

Ọmịnị ọmịna aḅụụ ẹbị, anieofori ó ḅofa ó muarị ama mẹ ḅio angarị apụ ma na ḅịḅị-kẹ-ogbosọ nyana; anieofori anị ḅofa ḅo ḍiein sọ ọ́ pịrị.

Egberima-Ẹkwẹn 17:10

Sịḅịḅio nyanaḅọ mẹ gbọrụ ḍiki-ịganị ḅụ ḍawọ ḅoarị ye sakị sọnọa si kẹ oḅori-ḅọ fomu tẹrẹmẹ ọ̀ ḍawọarị ye nẹngịm.

Egberima-Ẹkwẹn 27:5

Kịnị nimi ḅara kẹ da karakarama ẹkwẹn kọn tomḅọ pịrị, iḅi gbala-gbala ḅịḅị-fie-a tẹ mḅọ ọkị mịnẹ ị̀ mḅọ bala-a nẹngịm.

Egberima-Ẹkwẹn 9:8

Gbala-gbala iḅiọkụ ḅụụ-gelemarị tomḅọ mịẹ-irima ye ḅụ ọ̀ karakarama ma; ori anị gotẹ í ḍiki-ḅioḅu ḅa. Kụma í ye-nimi tomḅọ karakaramarị kụma, ori ị́ kụn ḅa.

Lẹvitikọsị 19:17

“Ó ḅioḅẹngbọ, ḅioḅẹngbọ kẹ ọmịna mịnaḅọ ḍiki-ḅioḅu ma, kụma ọmịnị, ọmịnị na kpeki tẹ angarị ḅọ na ḅịḅị-ọkịyaa, anieofori ó ḅofa mḅọ gotẹ si mịẹ.

Matiyo 18:21

Anịtẹso Pita ḅo Jizọsị la tẹ ò gbelam, “KỊNỊNYANAḄỌ, ị̀ mịnaḅọ nwẹnị si kẹ ị̀ mịẹ-mịẹ-mịẹarị ḅẹ kụma, nda sakị à nwẹn kẹ wẹrịso ọ̀ pịrị ḅẹ? Sọnọma sakị mụnọọ?”

Luku 21:34

“Ọmịnị ẹbị nyana-a! Anie ofori tẹ ọ́ fị-na-ḅuu-na ngẹrị kẹ mịẹ-mịẹye sọma tẹ, pịkị mị tomikiri ḅẹ ḅalaḅala kọn-arị ogbo, ḅiotọn-a ḅara ḅụ anị Ene mẹ ḅofa ḅo ó kun sịẹma,

Ẹfisọsị 5:15

Ọkọẹrẹsị, ọmịnị ó ḍumo kọn-arị ḅara ẹbịị. Ó gberie-sọ nimi-a apụ ḅara kẹ ḍumo kọn ma, kụma ye-nimiapụ ḅara.

Ditẹrọnọmị 4:15

Anịẹrẹsị ọmịnị iḅi ḅara kẹ ḅụụ ẹbị nyana ọmịna aḅụụ pịrị. Anị ene mẹ tẹ KỊNỊNYANAḄỌ ḅe Orẹbụ ḅụ kọrị fịnị mẹ ogboku ẹkwẹn ọ́ pịrị sakị mẹ ḅụ ó ye kịka gberie-sọ ẹrị-a ḅẹẹ-sakị,

Ditẹrọnọmị 4:23

Ọmịnị ọmịna aḅụụ ẹbị, anieofori ó ḅofa KỊNỊNYANAḄỌ ọmịna Tamụnọ ḅe ọḅọkụ mẹ tẹ ori ọmịnị na fị ye mẹ kẹ ḅioḅọrọma, tẹ ḅẹẹye-ḅẹẹye kịkama tẹmẹ ọmịna aḅụụ pịrị, aniemẹ tẹ KỊNỊNYANAḄỌ ọmịna Tamụnọ ḅe kẹ tọn-tọnye sọma ọ́ pịrị tẹ ye mẹ.

Ditẹrọnọmị 4:9

Ọ́ paa ḅụụ ẹbị nyana, tẹ ọmịna tẹmẹ kẹ ọkọ wẹrịị, anieofori ó ḅofa arị aị ma tẹ ọ́ tọrụngbọ kẹ ẹrị tẹ aị ma kẹ ḅioḅọrọmatẹ arị ḅofa ọmịna ḍumo ene mamgba ḅụ ọmịna ḅioḅẹngbọ ḅụ so; ọ́ mịẹtẹ ọmịnị na, ọmịna afuro ḅẹ apụ na arị nimi,

Hiburu 12:15

Ọmịnị ọḅụ pịkị Tamụnọ ḍiki-ḅụụjịrị mẹ gbin mẹ ẹbịị. Yee gbọrụḅọ-sọ akụarị sịn sọ tẹ so-paka tẹ anị ḅẹ akụ mẹ ḅo tọnwa-apụ sima ma.

Jemụsị 5:19

Ị̀ amịnapụ, ọmịna ḅụụ ḅẹ gbọrụḅọ karakara mẹ ḅụ ḅele tẹ jụmọ mḅọ sịn pịkị-ḅo ḅoo,

2 Jọnị 1:8

Ọkọẹrẹsị, ọmịnị ẹbịị, mịẹtẹ ọmịna ogboku wa kọrị tẹ kọrịnama mẹ papaa fa ọ́ pịrị ye sọ ḅịa ḅara; anie nakara, ó ḅintẹ ḅara kẹ Tamụnọ kẹ ọ́ wẹrịma iḅi aị ma nyana ḅarị ḅara.