Luku 17:26 - FỊAFỊA BAỊBỤLỤ

²⁶ Noha sakị ḅụ ye sime-ḅara anie Tomḅọ Tụḅọ ḅe ene ma ḅụ sọ anị sime ḅarị ḅara.

Luku 17:26 Iomraidhean Croise

Suku-saakị 6:5

KỊNỊNYANAḄỌ ḅe nwẹnị ẹrị mịnẹ tomikiri mẹ ḅụ tomi asi-sịḅịḅio mẹ ḍụḅa tẹ, anịsakị tomi kuroma ḅụ ịn mịẹ ḅẹ tẹ sakị mamgba ịna aḅioḅẹngbọ simearị aị goyegoye, si-aị sikima jen ofori.

Suku-saakị 6:7

Mie ḅụ KỊNỊNYANAḄỌ ḅe nwẹnị ḅẹẹ, “Tomi ma tẹ à tẹmẹ tẹ apụ ma, tomikiri mẹ ḅụ arị ịn ọfịn siin ḅa, anị tomḅọ-o, piri-ḅio-ḅẹ nama-o, ikiriarị aị-o, So-tọrụ fiin-arị afeni-o, à gbala ịn tẹmẹ ye mẹ ḅụ tiye-ì-gbo ḅẹẹ tẹ ẹrẹsị.”

Suku-saakị 6:8

Kụma KỊNỊNYANAḄỌ ḅe ḅụụ-ḅẹlẹ nyanam Noha ḅụ.

Ayịzaya 22:13

Anie nakara, ọ́ ḍẹrị, ḍẹrị tẹ tiim. Ọmịnị anana na opu anama na ḅaa pẹị tẹ iru ḅuum. Ọ́ ḅẹẹm, “Wa paa fị-na-ḅuu-na ḅarị ya! Ḅaa ḅụ wa fịị tẹ apụ sọ ḅarị sakị.”

Luku 17:22

Anịtẹso ọ̀ nwẹnị ò ḍukamẹnjịapụ ma ḅẹẹ, “Sakị ḅo ḅa tẹ ó ḅii ḅa ọ́ paa Tomḅọ Tụḅọ ḅe sakị mẹ ḅẹ gbọrụ ene kịngẹ ẹrị, kụma ọmịnị ẹrị ḅịa.

Luku 17:24

So ḅalapụ tẹ anị ḅẹ bele mẹ puu saḅa-ḅọrọ ḅara anie Tomḅọ Tụḅọ ḅe ḅo ḅẹ ene mẹ sọ sime ḅarị ḅara.

Luku 17:27

Ọrụḅọ-ọrụḅọ fị-na-ḅuu-nam, owiapụ na ereme na simem, nwenii tẹ Noha arụ mẹ ḅụkụlọ tẹ opu minji mẹ ḅo inimgba ḅaa famam.

Luku 17:7

“Ọkịị mịnẹ ọmịna ḅụ ḅẹ gbọrụḅọ fịrịmẹnjịḅọ ọkọ tẹ ọ̀ ḍụọ kọrịarị, anịanịa anana ḍikiḍikiarị. Tẹ ọ̀ kọrịnama kọrị fama tẹ ḅo warị la kụma ọ́ ḅọrọ ọ̀ ḅẹẹ ḅẹ mịnẹ ọ̀ fọnya ye tẹ ḅo ye fị?

Luku 18:8

À ḍuko ọ́ pịrịarị, ori iḅi ḅẹrẹkọn ịn pịrị ḅa, sakị fama-a ḅara. Kụma Tomḅọ Tụḅọ ḅe ḅo ḅarị sakị tomikiri ḅụ ò gbeke minini nyana apụ ḍọkị-ẹrị ḅẹ?”

Hiburu 11:7

Minini mịẹtẹ Noha tọrọkọ-jụ ḅo ḅarị sakị ḅẹ aị, tẹ ori inetẹ ẹrị ḅịa aị ma ḅụ Tamụnọ kẹ ò ḅeri nụnụ ye mẹ naa ye. Ọ̀ nwẹnị Tamụnọ ḅịḅị poki, tẹ arụ ịkasị tẹ kẹ ọ̀ ḅụụ na ọ̀ warị-suku na ḅọrọma. Anị dogi-ḅo ye anie, tomikiri mẹ ḅẹrẹ-ḅarasii ḅụ sọm, tẹ Noha nwẹnị Tamụnọ ḅara ḅụ minini ḅụ ḅọrọ tẹ ḅo, ḅo karakara mịẹ mẹ nyana.

2 Pita 2:5

Elemu sakị ḅẹ tomikiri mẹ sọ Tamụnọ papaa ḅara kẹ anị wẹrịso-a, kụma ori opu minji kẹ ḅo Tamụnọ nimi-a atomi ma tomikiri mẹ gbaịnm; ọ̀ ḅọrọma apụ anie Noha, tẹ karakara mịẹ ḍuko ḅọ ḅe na, ja sọnọma apụ na ngẹrị.

2 Pita 3:6

anịsakị pịkị minji ḅụ, anie opu minji mẹ ḅụ, mie elemu tomikiri mẹ ḅọrọ tẹ gulugulu fa ye.