Luku 17:21 - FỊAFỊA BAỊBỤLỤ

²¹ Gbọrụḅọ sọ ḅẹẹ ḅịa, ‘Ḍiki mịanga!’ anịanịa, ‘Anịanga!’ kẹ gotẹ ọkọ ḅẹẹarị, ọmịna ḅụụ ḅio mie Tamụnọ Ama-da mẹ simearị ye.”

Luku 17:21 Iomraidhean Croise

Matiyo 12:28

Gbala-gbala, Bẹlịzibulu-a, kụma Tamụnọ Tẹmẹ ḅee, ori mie kụrọ kẹ ị̀ pịrị tẹ à kẹ oru dee, dee pakamarị, tẹ miemẹ ḍukoarị mịnẹ Tamụnọ Ama-da mẹ ḅo ọ́ la kụra-ḅio iḅerea.

Makị 13:21

“Anịẹrẹsị, gbọrụḅọ ọ́ ḅẹẹ mịnẹ, ‘Ḍikii, ḅie Mẹsaya ḅe!’ anịanịa ‘Ḍikii, anịanga ori emi!’ ḅẹẹm ḅẹḅẹ, ọmịnị mḅọ minini ma.

Luku 17:23

‘Ọmịnị anịjụ ḍikii!’ anịanịa ‘Mịanga ḍikii!’ kẹ ọ́ ḅẹẹ ḅẹ apụ paka ḅa. Kụma ó minini tẹ paka anị ḍọkụma-mu ma.

Luku 21:8

Jizọsị mẹẹ, “Ọmịnị ẹbịị, ó mininitẹ kịnị oḅori kẹ ọ́ sịn ma. Tọnwa apụ ị̀ ẹrẹ kẹ ḅo tẹ ḅẹẹ ḅa, ‘Yẹrị anie Kịrayịsị ḅee!’ Ịn pịkị ḅẹẹ ḅa, ‘Sakị mẹ laa tẹ!’ Kụma ọmịnị ịn ḍuka-mu ma.

Jọnị 1:26

Jọnị nwẹnị pakịrị, “Minji kịngẹ mie à kẹ tomi sararị ye, kụma ọmịna ogboku ó nimi-a gbọrụḅọ sịẹ wararị.

Jọnị 18:36

Jizọsị nwẹnị ḅẹẹ, “Ị̀ ama-da mẹ mị tomikiri ḅẹ ama-da-a; ị̀ ama-da mẹ nwẹnị mị tomikiri ḅẹ ye namịna, mimgbe ì ḍukamẹnjịapụ ma owu paka tẹ Juu-ḅẹ ḅẹrẹtọn-apụ ma ḅarị ị̀ ọkị-a so tẹ. Gbala-gbala ị̀ ama-da mẹ mị tomikiri ḅẹ ye-a!”

Romu 14:17

Tamụnọ Ama-da mẹ anị fị-na-ḅuu-na gboloma-a, kụma Fịafịa Tẹmẹ ḅe ḅara ḅo karakara mịẹ na, dein na, ḍereku na mie anị ḅio simearị.

Kọlọsị 1:27

Tamụnọ tọn ḅara anie, ọ̀ mịẹtẹ ori atomi ma ọ̀ tọn wẹrịtẹ kikima sime ye mẹ nimi, anie ọ̀ kẹ tomi mamgba pịrị ḅẹ tẹ kikima wararị ngọ mẹ na ebube na. Tẹ kikima wararị ye mẹ anie, Kịrayịsị ọmịna ḅụụ ḅio emi, anie fiearị ọmịnị sọ, sọ tẹ Tamụnọ ebube mẹ nyana ḅa.