Luku 17:16 - FỊAFỊA BAỊBỤLỤ

¹⁶ Ọ̀ nwẹnị Jizọsị ḅụọ-suku amịna ḅụụ sẹma-kiri-gbin, tẹ ịmịẹtẹ kẹ ọ̀ ḅẹẹ. Tomḅọ ḅe Sameriya ḅẹ ḅọ.

Luku 17:16 Iomraidhean Croise

Suku-saakị 17:3

Anịtẹso Ebiramụ ọ̀ tọrụkuḅu kẹ ḅịkị kiri-ḅio korom; tẹ Tamụnọ nwẹnị ọ̀ ḅẹẹ,

Matiyo 10:5

Jizọsị mịna oyi maa fịrịmẹnjịapụ finji ma fịrịma pakamam, ọ̀ mị oloko mẹ sụa ịn pịrị tẹso: “Ja asịẹ ḅẹ apụ na Sameriya ḅẹ apụ na ama ma ọ́ laa ma.

Matiyo 2:11

Ịn warị mẹ sọ mu sakị ịn tụḅọ ḅe na, ò iyingi Meri na ẹrị tẹ kparakị tẹ sunsin ọ̀ pịrịm. Anịtẹso ịn nwẹnị ngọ pakama-ḅo ḍie ọ̀ pịrị. Ịn kẹ ọ̀ pịrị ngọ ma anie golu na, ye la lamatẹ kụnụaị anie ịn kẹ fịranịkịnịsẹnịsị na, maa na sịn aị.

Makị 5:33

Ẹrẹḅọ ma nimim á ḅụụ ḅio mịẹ ye mẹ, anie ḅụ á nwẹnị ḅalafa ḅụ oju-sẹkịma ḅo ọ̀ ḅụọ-suku kparakị tẹ ye paka ḅara, paka ḅara ḍuko ọ̀ pịrị.

Luku 17:17

Jizọsị nwẹnị ḅẹẹ, “Oyi apụ mie gwọ ye, ndẹẹ kirikọn eseni apụ ma?

Luku 5:8

Sayịmọnị Pita mie ẹrị sakị, ò mu Jizọsị suku kparakị tẹ ḅẹẹm, “KỊNỊNYANAḄỌ, ị́ ḅụụ kẹ ì kpekima ma! Yẹrị si-ḅọọ!”

Jọnị 4:9

Ẹrẹḅọ ma nwẹnị pakịrị, “Ị́yẹrị Juu-ḅẹ-ḅọ, yẹrị Sameriya ḅẹ ḅọ ḅẹ sakị, ndẹẹ í inetẹ ị̀ ḅara minji ḅii ḅuu ḅẹ ḅara?” (Juu-ḅẹ-apụ Sameriya ḅẹ apụ kẹ minji ḅuu tẹ so tẹ kọpụ na bọlị na kẹ ḅuu ḅuu-a.)

Jọnị 5:23

mịẹtẹ kịnị mamgba ịn kẹ Ḍaḅọ ḅe kụn-arị gbọrụ ḅara kẹ Tụḅọ ḅe kụn ḅẹ ḅara. Tụḅọ ḅe kụn-a ḅọ, kụn-a ḅọ pịkị Ḍaḅọ ḅe tẹ ọ̀ kẹ fịrịma ḅọ ḅe sọ kụn-a.”

Jọnị 8:48

Ịn nwẹnị Jizọsị gbela, mịnẹ Sameriya ḅẹ ḅọọ, tẹ oru pịkị ị́ ḅụụ ḅio emi mẹ “Wa karakaraye ḍuko-a?”

Fịrịmẹnjịapụ 1:8

Kụma Fịafịa Tẹmẹ ḅe ḅo ọmịna ọgọnọ gbana sakị, kụrọ ọmịna ḅụụ ḅio ḅin tẹ, ó Jeruselemu ḅụ na, Judiya ḅụ na, Sameriya ḅụ na, bebe tomikiri mẹ ḅụ na ị̀ ḅụụ ḅẹ aḅẹrẹ ma ḍuko-ḍuko tomi pịrị ḅa.”

1 Kọrịntị 14:25

tẹ ò ḅioḅẹngbọ suku-ḅio ḅọị wararị aị ma paka-ḅo tẹ ọ̀ kparakị tẹ Tamụnọ tẹkẹ, tẹ amịna si go tẹ ḅẹẹ ḅa, “Karakaraye mịanga Tamụnọ ọmịna ogboku emi!”

Mịẹfinji 19:10

Àrị ọ̀ ḅụọ-suku ḅịkị koro tẹ ọ̀ tẹkẹ ḅẹ-yearị ogbo ori ị̀ ḅẹẹm, “Ọkọ mịẹ ma! Yẹrị sọ kọkọ, ị́yẹrị na ị́ amịnapụ ma na, inimgba tẹ Jizọsị kẹ tomi ḍie karakara mẹ minini tẹ ọlọ-sịẹma wararị apụ ma, pembema fịrịmẹnjịḅọ. Sunsin Tamụnọ pịrịị!” Gbala Jizọsị mịẹfinji karakara mẹ anie ịkịankoroapụ ma tẹmẹ jikearị ye.

Mịẹfinji 4:10

si inia omongiapụ finji ma nwẹnị emine mẹ ọgọnọ lẹgị ḅọ ḅe tọrọkọ iḅo tẹ sunsin ọ̀ pịrịarị, anie ḍumo mu ḅẹẹ-sakị ḅẹẹ-sakị laarị ḅọ ḅe. Ini ịna ama-da sun ma kẹ emine mẹ tọrọkọ gbin koroma tẹ ḅẹẹarị,

Mịẹfinji 5:14

Tamụnọ tẹmẹ tẹ ḍumo wararị ini aị ma nwẹnị pakịrị, “Amẹnị!” Tẹ omongiapụ ma nwẹnị ḅịkị-koro tẹ sunsin Tamụnọ pịrị.