Luku 17:14 - FỊAFỊA BAỊBỤLỤ

¹⁴ Jizọsị ḅo ịna ẹrị tẹso, ọ̀ nwẹnị ịn ḅẹẹ, “Ó mu ḅụụ kẹ agbamịẹapụ ma ḍie tẹ ini ó pekele-ḍiki.” Ini ọkọ kẹ muarị ogbo ịna oju nwẹnị fịafịa.

Luku 17:14 Iomraidhean Croise

2 Amadapụ 5:14

Anieḅụ ọ̀ nwẹnị mu Ịlayịsa wẹrịtẹ ḅẹẹ ḅara ḅụ, sọnọma asakị kẹ Jodanị tọrụ mẹ ḅụ jaankoro; tẹ ori oju-meni nwẹnị ḅo tarị anị sime-ḅara sime tẹ kalatụḅọ oju-meni kịka tẹ ọ̀ nwẹnị welewele.

Ayịzaya 65:24

Ini ị̀ tẹkẹarị sakị ịna ḅịḅị amụ tuu-a ogbo arị ịna atẹkẹ pakịrị ḅa.

Matiyo 3:15

Kụma Jizọsị ọ̀ pakịrịm, “Yee anị mị-ḅara sime mịọkụ ḅụ. Gbala mị ḅọkọ ḅụ mie wa ḅọrọ tẹ Tamụnọ ḅiiarị wa mịẹ ḅẹẹ aị mamgba mịẹ fama ḅarịye.” Mie ḅụ Jọnị nwẹnị kẹ ọ̀ sara.

Luku 5:14

Jizọsị nwẹnị tọn ọ̀ pịrị mịnẹ ò ḍuko kịnị pịrị ma, kụma ọ̀ da-da mu ḅụụ kẹ agbamịẹḅọ ḅe ḍie, tẹ ori ò pekele-ḍiki fama tẹ ḅẹḅẹ, ọ̀ nwẹnị Mozizi tọn koroma agba mẹ mịẹ, tẹ tomi nimi mịnẹ ọ̀ fịafịa tẹ.

Jọnị 11:10

Kụma mḅọ ḍin ḅụ mẹnjịarị ḅẹḅẹ mḅọ pụmbụarị, mḅọ ḅarị bele nyana-a ẹrẹsị.”

Jọnị 2:5

Jizọsị iyingi ma nwẹnị fịrịmẹnjịapụ ma ḅẹẹ, “Ori ọ́ ḅẹẹ ye, ḅẹẹ ye ọ́ mịẹ.”

Jọnị 9:7

tẹ ḅẹẹ, “Mu tẹ Silohamụ nwẹn-sịn ḍaḅa mẹ ḅio ị́ tọrụ sịkịrịị.” (Mị ẹrẹ mẹ fiearị ye anie “Fịrịmam.”) Mie ḅụ tomḅọ ḅe mu tẹ ọ̀ tọrụ sịkịrị tẹ ye ẹrịma pịkịma-ḅom.