Luku 17:10 - FỊAFỊA BAỊBỤLỤ

¹⁰ Anie anị pịkị sime ọ́ pịrị ḅara. In tọn ọ́ pịrị aị mamgba ọ́ nwẹn mịẹ fama tẹ ḅẹḅẹ, ọ́ ḅẹẹ, ‘Wamịnị fịrịmẹnjịapụ, sime wa pịrị kọrịnama mie wa kọrị ye.’ ”

Luku 17:10 Iomraidhean Croise

Ayịzaya 6:5

À ḅẹẹm, “Gbọrụ ḅiokpọ sọ ị̀ ḅụụ ofori! À fa tẹẹ. Àrị ẹkwẹn pakama-ḅoarị ẹkwẹn mamgba si-aị famam, tẹ si-aị si-aị ẹkwẹn-arị atomi ogboku mie à pịkị angarị ye. Tẹ anịsọ, à ḅarana ị̀ atọrụngbọ kẹ Amadaḅọ ḅe ẹrị tẹẹ, Kụrọmamgba nyana KỊNỊNYANAḄỌ ḅe!”

Ayịzaya 64:6

Wamịnị-mgba si-mịẹapụ sọ tẹ, wa mịẹ tẹ kẹ iḅi tẹịn ye sịn-arị aị ma ḅụrụtẹ aị famam; wamịna asi ma ẹrẹsị wa ḅo samụnọtẹ ịnyịnya tẹ fẹrụ kẹ fiin soarị aị kịkarị.

Jerimaya 32:23

Kụma in ḅo mị amakiri mẹ anga tẹ anị kẹ ịna nye sọma sakị ini ị́ tọn koroma aị ma poki tẹ mịẹ-a, anịanịa í tolumaye ḍiki anga. Ị́yẹrị tọn ịn pịrịm ịn mịẹ nwẹn ḅẹẹ aị ma ḅẹ gberie-sọ ịn mịẹ-a. Tẹ mie ḅụ ị́ fịị-gulugulu ọkị-ḅo ịna ọgọnọ gbanam.”

Matiyo 25:30

Ḅie gberie ḅụ sọ ofori fịrịmẹnjịḅọ ḅe kịngẹ kụma, ọmịnị ò sukuruma etela pakama, ò mu kanakana ḅio sime; anịanga ḅụ ori owu-owu tẹ aka farị ḅa.’

Luku 17:11

Jizọsị so Jeruselemu muarị sakị Sameriya na Galili na ogboku ḅẹ agara ḅụ mie ọ̀ ḅọrọ ye.

Luku 17:9

Fịrịmẹnjịḅọ ḅe ịn tọn ọ̀ pịrị ye mịẹ kụma ị́ ịmịẹtẹ kẹ ọ̀ ḅẹẹ na-iḅi?

Romu 11:35

Jen sakị ọ̀ ḅara ḅụ ye ḅọlọ tẹ ḅọ emi, mịẹtẹ ori anị kẹ mḅọ gbẹẹ ḅẹ ḅara?”

Romu 3:12

Tomi mamgba Tamụnọ ḅụ mangị-so tẹ; inimgba etela-iri tẹ; kuraye mịẹarị ḅọ ofori, kpọkpọ gbọrụḅọ-sọ ofori.

Filimọnị 1:11

Sakị ḅẹ gbọrụ sakị ḅụ, kẹ mịẹ-mịẹ ye ofori ḅara ọ̀ nwẹn sime ị́ pịrịm, kụma mịọkụ ọ̀ kẹ ye mịẹ, mịẹ ḅara ọ̀ nwẹn sime ị́yẹrị na yẹrị na pịrị tẹ.