Luku 17:1 - FỊAFỊA BAỊBỤLỤ

¹ Jizọsị nwẹnị ò ḍukamẹnjịapụ ma ḅẹẹ, “Mịẹtẹ tomi si mịẹ ḅẹ aị paka-a so ḅịa, kụma arị pakama ḅarị ḅọ mẹ mḅọ tẹkẹlẹtẹ!

Luku 17:1 Iomraidhean Croise

Matiyo 16:23

Jizọsị nwẹnị vuunma pịkị Pita da tẹ ọ̀ ḅẹẹ, “Ekwesu, ị̀ ḅụụ ḅụ ini ị́ fọnọ ḅelemaa! Ị́ ì etela kikiarị ḅọ sọ tẹ, í kuromarị aị ma Tamụnọ ḅara ḅo-a, kụma tomḅọ ḅara ḅom.”

Matiyo 18:7

Anị kpọma ḅalafama ye sọ tomikiri mẹ pịrịm, mịnẹ mịẹtẹ tomi in nyana minini fama ḅẹ aị pakarị! Anie anị pịkị paka ḅarị ḅara sakị mamgba, kụma tẹkẹlẹ sime mịẹtẹ mịna aị ma pakarị ḅọ mẹ pịrịm!

Luku 16:31

Kụma Ebira-amụ nwẹnị ḅẹẹ, ‘In Mozizi na Ịkịankoro apụ ma na ḍukoarị ye naa-a ḅẹḅẹ, fịtẹ-ḅọ saakị tẹ mu ḍuko ḅarịye sọ ịna ḅụụ ye mịẹ ḅịa.’ ”

Romu 14:13

Ọkọẹrẹsị, ó yee wa jụmọ-jụmọ sọkịrị wẹrịso, tẹ anie nakara ḍụkụ tẹ ị́ ḅụụ ḅo ye jụmọ da-mu si ḅio suu ma.

Romu 16:17

Ị̀ amịnapụ, arị ọ́ tẹkẹm ó tomi kẹ ogbo-ogbo puu tẹ tomina minini pịkị iḅoarị apụ na, ọ́ tarị ḍawọ aị ma na tụḅụrụ wararị aị tolumarị apụ na ẹbị lamaa. Ọmịnị ịna ḅụ ḅụụ ḅelemaa!

1 Kọrịntị 10:32

Ḅụụ-fụka kẹ ja apụ pịrị ḅịa ḍumo kọn, anị ḅọrọ Juu-ḅẹ-apụ-o, Ja asịẹ ḅẹ apụ-o, Tamụnọ sọsị mẹ-o.

1 Kọrịntị 11:19

(Piki-pikiye-ofori ḅara ḅụ, ọ́ pakịrị-pakịrị puu tẹ ọmịna ogboku ḅụ, miemẹ mịẹ tẹ karakara ịgbanịarị apụ ma paka-ḅo giregire tẹ).

1 Kọrịntị 8:13

Ọkọẹrẹsị, ḅịḅị-ḅio sụa fị fịye mie tẹ ị̀ mịnaḅọ siye mịẹarị ḅẹḅẹ, à ḅarị jen kẹ nama pẹị ḅịa, mịẹtẹ ị̀ mịnaḅọ ḅe ḅarị mu siye ḅio sọ ḅịa ḅara.

1 Timoti 4:1

Tẹmẹ ḅe ḍuko giregirema wararị mịnẹ mu ma mu sakị Ja atomi mininiye mẹ ḅụ ḅara-siin ḅa; iruo atẹmẹ ḍuko ye mie in poki tẹ oru amẹẹ atoluma-aị ḍukamẹnjị ḅarịye.

Mịẹfinji 2:14

Kụma à ḍuko ị́ ọgọnọ gbana ḅẹ boowa kala aị emi: ị́ ogboku simearị ja apụ Balamụ tolumaye mẹ ḍukamẹnjịarị, anie Balakị toluma tẹ ori Izirẹlịapụ ma da irima tẹ ini ịn kẹ oru pịrị tẹ fịye fị tẹ, pịkị sẹfị ma-ḅọrọ ḅọ ḅe.

Mịẹfinji 2:20

Kụma à kẹ ị́ ọgọnọ gbanarị ye anie, ị́ anị amịna ḅụụ kẹ Tamụnọ ọkị-ḅo ḅọ sịn-arị, Jezibẹlị nwẹn-sịn ẹrẹḅọ ma wẹrịso tẹ árị á ḅụụ ḅẹlẹ ye, ḅẹlẹ ye mịẹarị. Á tolumarị ye ḅụ árị ị̀ afịrịmẹnjịapụ ma da irima mu sẹfị amịẹaị ḅụ suuarị, pịkị ịn kẹ oru gbin tẹ fịye fị ḅụ na.