Luku 16:9 - FỊAFỊA BAỊBỤLỤ

⁹ Tẹ Jizọsị nwẹnị paa ẹkwẹn tọrọkọ mu, “Ọkọẹrẹsị à ḍuko ọ́ pịrịarị, ó tomikiri ḅẹ ngọ mẹ kẹ ikia ọlọ ḅụụ pịrịị, mịẹtẹ anị ḅarị ọmịna ḅara ofori sakị ini ọ́ da sime-gbamaso warị ḅio suu ḅarị ḅara.

Luku 16:9 Iomraidhean Croise

Devidi-Anume 73:26

Ịnyọ ị̀ kuroma na ị̀ meni-oju mẹ na ta ḅa; kụma Tamụnọ anie ị̀ ịnyọ à nyana tẹ ḅii ḅẹ ye mamgba, ḅẹẹ-sakị ḅẹẹ-sakị ḅụ, anie ori.

Egberima-Ẹkwẹn 14:24

Ye-nimiapụ ma ini ngọ kẹ gbẹẹ-ye ḅụ ịn pịrịarị, kụma oḅori-sọarị atomi ma ịna oḅori-sọ mie kịnị kẹ ịn nimiarị ye.

Egberima-Ẹkwẹn 19:17

Í ye kẹ igoin-apụ pịrịarị sakị anị kịkarị ị́ ye Tamụnọ ḅọlọarị, tẹ KỊNỊNYANAḄỌ ḅe anị kẹ ị́ gbẹẹ ḅa.

Egberima-Ẹkwẹn 23:5

Í igbigi inetẹ fiin so ḅa, gbala anị pamba-sụa tẹ igo kịka tẹ fiin som pembe ḅara.

Nimi Tolumaḅọ 11:1

Ị́ igbigi kẹ igoniapụ tuḅo ḅụ suu, anịsakị mịna ene ma ḅẹ gbọrụ ene ḅụ ị́ sọye mịẹ ḅa.

Ayịzaya 57:16

À ḍumo kẹ ì atomi pịrịm, tẹ à ḅarị ḅẹrẹ kẹ ịna sịḅị sịn tọrọkọ-tọrọkọ mu ḅịa, anịanịa ịganị ịn pịrị mu ḅẹẹ-sakị ḅẹẹ-sakị la, anị nwẹnị ọkọ kụma mimgbe ịn fịị tẹ, anie yẹrị ḍumo kẹ pịrịtẹ gbọrụ atomi ma.

Danẹlị 4:27

Ọkọẹrẹsị, Gburo-gburo Opuḅọ, à kẹ í ḅeri nụnụ ḅarịye mẹ daa-ọkị. Ḅarị si mịẹ ma, karakara ye mịẹẹ, tẹ ḍiki-ḅụụjịrị nyana igoin-apụ pịrịị. Anịsakị í lolo tọrọkọ-tọrọkọ mu ḅa.”

Matiyo 19:21

Jizọsị nwẹnị ọ̀ ḅẹẹ, “Ị́ kara-gbasị ḅẹ ḅiiarị ḅẹḅẹ, ị́ nyana aị mamgba dẹrị tẹ igbigi mẹ kẹ igoin-apụ ma pịrịị, anịsakị í So-ḅio ngọ nyana ḅa; anịtẹso ḅo tẹ ì ḍukamẹnjịị.”

Matiyo 6:19

“Ọmịnị ngọ tan kpolima ọmịna ḅụụ wẹrịma ma mị tomikiri ḅụ, anie akarakaraḅa na, asarị na, ye gulugulumarị, tẹ furu apụ pịkị kan sọ tẹ ye furu, furu anga mẹ.

Matiyo 6:24

Gbọrụḅọ-sọ inetẹ gbọrụ sakị ḅụ omoni-sọ maa sịḅịdapụ pịrị ḅịa; ọ̀ gbọrụḅọ ḍiki-ḅioḅu tẹ osi-ḅọ ḅẹlẹma ḅa; ọ̀ sịḅị-tuu gbọrụḅọ pịrị tẹ osi-ḅọ ḍiki-sima ḅa. Ọmịnị inetẹ Tamụnọ na igbigi na kẹ pii-pii ḅẹẹ ḅara kẹ fịrịmẹnjị pịrị ḅịa.

Luku 11:41

Kụma ọ́ tarị ọmịna kọpụ ma na ẹfẹrẹ ma na ḅio sime aị ma kẹ igoin-apụ pịrịị, anịsakị ye goyegoye, anị mịẹ-mịẹ ḅara ḅụ, fịafịa ọ́ pịrị ḅa.

Luku 12:33

Ọ́ nyana aị mamgba ọ́ dẹrị tẹ kẹ igoin-apụ pịrịị. Ọ́ kan kan-a akpa tẹlẹma ọmịna ḅụụ pịrịị, tẹ ọmịna ngọ ma kẹ So-ḅio ḅụụ wẹrịmaa, anịanga arị fa ḅịa, tẹ furuḅọ sọ inetẹ furu ḅịa ẹrẹsị; akarakaraḅa sọ inetẹ arị sima ḅịa.

Luku 14:14

Anị sakị ini ma ini inetẹ ị́ gbẹẹ ḅịa sakị í ḅo boma ḅa. Iḅi apụ fị-ḅụ-saakị ḅẹ ene mẹ ḅụ Tamụnọ kẹ ị́ gbẹẹ ḅa.”

Luku 16:11

Tomikiri ḅẹ ngọ sọ ọ́ wẹrị kpaịnma-a sakị ndẹẹ ini inetẹ karakara ngọ kẹ ọmịna ḅara sụa ḅarị ḅara?

Luku 16:13

“Gbọrụ fịrịmẹnjịḅọ sọ gbọrụ kiri maa apụ omoniḅọ sọ ḅịa, mḅọ gbọrụḅọ ḍiki-ḅioḅu tẹ osi-ḅọ ḅẹlẹma ḅa; mḅọ sịḅị-tuu gbọrụḅọ pịrị tẹ osi-ḅọ ḍiki-sima ḅa. Ọmịnị inetẹ gbọrụ kiri sunsin Tamụnọ na igbigi na pịrị gboloma ḅịa.”

Luku 16:4

Mịọkụ à mịẹ ḅẹ ye à nimi tẹ, tẹ ị̀ kọrịnama mẹ ị̀ ḅara so sakị àrị ikiapụ nyana tẹ ị̀ da ịna awarị suu ḅa!’

Fịrịmẹnjịapụ 10:31

Ọ̀ nwẹnị ḅẹẹ, ‘Kọnilọsị, Tamụnọ ị́ tẹkẹ naa tẹ, pịkị ị́ kẹ mịẹ ḅẹ ọkụ ofori apụ mịẹarị iḅi mẹ sọ ẹrị tẹ.

Fịrịmẹnjịapụ 10:4

Ḅalafa ḅụ ọ̀ nwẹnị tọrụ finji gegema tẹ enjẹlị ḅe ḍiki tẹ ḅẹẹ, “Ị̀ Nyanaḅọ, tiye paka?” Enjẹlị ḅe nwẹnị ọ̀ pakịrị, “Tamụnọ ị́ atẹkẹ naa tẹ; ḅarasụa mịẹ ḅẹ ọkụ ofori apụ pịrị akọrịnama ma tẹ ị́ kọrịarị aị ma sọ ori ẹrị tẹ, tẹ arị ó ḅioḅẹlẹmarị ọ̀ pịkị tẹlẹma tẹ í boma ḅẹ tẹ.

2 Kọrịntị 4:17

Mịọkụ mie wa daarị ḅọrọ so ḅarị ḅụụ-fụka kalịye mẹ, opu sime-gbamaso ebube, tẹ ḅụụ-fụka mẹ nẹngị lama ḅarị ye kẹ ḅo wa pịrị ḅa.

Judu 1:21

tẹ ọmịna ḅụụ wẹrị kpaịnma, tẹ Tamụnọ ḅẹlẹma mẹ sakị mamgba ọmịnị na sime, tẹ tọrụ kẹ wa Nyanaḅọ Jizọsị Kịrayịsị ḅe, ori ọkụrụkụrụ ḅụ ḅo tẹ sime gbamaso ḍumo kẹ ọ́ pịrị ḅẹ ene mẹ ḍikii.