Luku 16:3 - FỊAFỊA BAỊBỤLỤ

³ Fịrịmẹnjịḅọ ḅe nwẹnị amịna ḅụụ ḅẹẹ, ‘Ị̀ sịḅịdaḅọ ḅe fịrị ḅụ ì sin ḅẹ tẹ. À tiye kọrị ḅẹ? Àrị ịnyọ nyana tẹ kiri soku ḅịa, kịnị ḅara ye ḅii pịkị ị̀ ḅụụ-jịrịmarị.

Luku 16:3 Iomraidhean Croise

Ẹsịta 6:6

Anieḅụ Emanị nwẹnị sọ-ḅo, tẹ amadaḅọ ḅe nwẹnị ọ̀ ḅẹẹ, “Tiye mịẹ kẹ anị ḅo ḅe tẹ amadaḅọ ḅe kụn kẹ pịrị ḅụụ-ḅẹlẹarị ḅọ ḅe pịrị na-iḅi?” Tẹ Emanị nwẹnị amịna ḅụụ ḅẹẹ, “Amadaḅọ ḅe kụn kẹ tụḅọ pịrị ḅụụ ḅẹlẹ ị̀ nẹngị ḅẹ”?

Egberima-Ẹkwẹn 13:4

Kọrịnama ḅụụ-lọkọ ḍumo kọn-arị ḅọ nyana ḅẹ ḍọkị ye ḍọkị ye sọ, gbala-gbala mḅọ anị nyana ḅịa. Kụrọma kọrịnama-kọrịarịḅọ mẹ mḅọ nyana ḅii-ye ḅii-ye nyana ḅa.

Egberima-Ẹkwẹn 15:19

Ị́ kọrịnama ḅụụ-lọkọ nyana wararị ḅẹḅẹ, í mu anga mu anga ye ị́ ḅụụ-fụkama ḅa, kụma ị́ kịnị mingirima-mingirima-a ḅẹḅẹ, ị́ ḅụụ-fụka nyana ḅịa.

Egberima-Ẹkwẹn 18:9

Kọrịnama ḅụụ-lọkọ nyana ḅọ mẹ, ye guluguluma ḅọ si ḅara mḅọ nwẹn siinm.

Egberima-Ẹkwẹn 19:15

Ị́ kọrịnama ḅụ ḅụụ-lọkọ ḅiiarị ḅẹḅẹ, ị́ nyana ḅa; mono ma-muu, kụma ḅuru ị́ tarị ḅa.

Egberima-Ẹkwẹn 20:4

Ḍụọ-kọrịḅọ tẹ kọrịnama ḅụụ-lọkọ ḅụ iḅi sakị amịna ḍụọ soku tẹlẹma ḍiḅi pịrị-a ḅọ soku-ḅẹ ye nyana ḅịa soku sakị ḅụ.

Egberima-Ẹkwẹn 29:21

Ị́ kala-sakị ḅụ ị́ fịrịmẹnjịḅọ ḅii-ye ḅii-ye kẹ ọ̀ pịrị tọrọkọ-tọrọkọ muarị ḅẹḅẹ, gbọrụ ene ḅụ ọ̀ gbọrsịḅị ị̀ nyana ye nyana ye ọkị ò nye sọma ḅa.

Ayịzaya 10:3

Tamụnọ ó fomuarị sakị ọ́ mịẹ ḅẹ ye tiye? Ori ala jụ simearị opu sịẹ kẹ opu ḅụụ-fụka ọkị-ḅo ọmịna ọgọnọ gbanarị sakị ọ́ mịẹ ḅẹ ye tiye? Ọ́ mangị tọ-anga mu tẹ ḅarasụa nyana ḅẹ? Ọmịna opu ngọ ma ọmịnị arị ḅọị ḅẹ anga tọ-anga?

Jerimaya 5:31

ịkịankoroapụ ḅarị jen ḍuko-a, iruo aị sikima tẹ agbamịẹapụ ma ịkịankoroapụ tọn ḅara tọn ḅara mie ịn kẹ ḅẹrẹtọn-arị, tẹ ì atomi ma ini na tụḅụrụ-aị ḍuko-a. Kụma anịmgba ḅo kunoma la sakị ịn mịẹ ḅẹ ye tiye?

Hosiya 9:5

Anịtẹso kẹ KỊNỊNYANAḄỌ ḅe kụn ḅẹ tẹ tọn wẹrị alalị ma ḅo sakị ini mịẹ ḅẹ ye tiye?

Matiyo 20:8

“Ene ḅoḅiri tẹso, ḍụọ nyanaḅọ ḅe nwẹnị ọ̀ fịrịmẹnjịapụ sịḅịdaḅọ sịn tẹ ọ̀ ḅẹẹ, ‘Kọrịnama kọrị apụ ma sịn tẹ ịna gbẹẹ aị kẹ ịn gbẹẹ. Kunoma ḅụ wa ọkọ apụ ḅụ saakị gbẹẹ ma mu wa tarị ọkọ apụ ma la.’

Makị 10:46

In ḅo Jeriko ama lam, tẹ Jizọsị na ò ḍukamẹnjịapụ ma na, gbọrụ opu tomina-ogbo na ama mẹ ḅụ mẹnjị pakarị ogbo ịn gbọrụ tọrụngbọ-pụụntẹ ye ḅiiḅọ, Batimịyọsị, Timiyọsị tụḅọ ḅe na bịamam, ori etela akaka lẹgị-sime wararị.

Luku 12:17

Ọ̀ nwẹnị saakị kuroma amịna ḅụụ pịrị tẹ ḅẹẹ, ‘Mịọkụ à ma fịaị ma kẹ koko ḅẹ anga nyana-a ḅara mẹ à tọ-ḅara mịẹ ḅẹ?’

Luku 16:2

Mie ḅụ ọ̀ nwẹnị ọ̀ sịn tẹ ọ̀ ḅẹẹ, ‘Ị́ ḅụụ à nwẹn naarị ye anie tiye? Ḅo ị̀ aị tẹ í ḍikiḍikiarị aị mamgba kịẹn tẹ saḅama ị̀ pịrịị, ị́ ḅarị ì ye ḍikiḍikiḅọ sọ ḅịa ẹrẹsị.’

Luku 16:20

Anị sakị ḅụ Lazarọsị nwẹn-sịn igoinḅọ sọ simem, ori oju mamgba ịnọ-ịnọ-ịnọ, tẹ ngọ-kọnḅọ ḅe warị ḅọkọ mie ini ọ̀ kẹ ḅo tẹ ọ̀ lẹgị lẹgị yee,

Luku 16:22

“Igoinḅọ ḅe nwẹnị fịị, tẹ enjẹlị apụ ò dogi-mu So-ḅio Ebira-amụ akaka lẹgịmam, So-ḅio ḅẹ alalị fị dẹbịlẹ suku. Ngọ-kọnḅọ ḅe sọ fịị tẹ ini ò ḍiḅim.

Luku 16:4

Mịọkụ à mịẹ ḅẹ ye à nimi tẹ, tẹ ị̀ kọrịnama mẹ ị̀ ḅara so sakị àrị ikiapụ nyana tẹ ị̀ da ịna awarị suu ḅa!’

Luku 18:4

Tọnwa-tọnwa ḅẹ asakị á nwẹn kẹ ọ̀ dama-mum, kụma ọ̀ ḅụụ ḅẹrẹ-a, anị ḅẹ kunoma ọ̀ nwẹnị ọ̀ ḅụụ ḅẹẹ, ‘Tomi-juḅẹye, à Tamụnọ ḍiki-ḅalafa-a, pịkị tomi kẹ ye-sịn-a ḅẹsọ,

Jọnị 9:8

Anịtẹso ori na kpeki tẹ anga apụ na, tẹrẹmẹ miemẹ mịẹ ḅụ ò ye ḅii, ḅii ḅara kẹ ori ẹrị tẹ apụ na, nwẹnị gbela, “Ḅieḅe anie lẹgị tẹ ye ḅii-ḅii ḅọ ḅe ori-a?”

Fịrịmẹnjịapụ 3:2

Tẹ anịanga, ịn kẹ “Iḅi Ogigo-ḅọkọ” sịn ḅọkọ mẹ akaka iyi kụra-ḅio amụ mẹnjị-a gbọrụḅọ ịn nwẹn dogi-mu koroma wararị. Ene-ḅaaene-ḅaaene ini ò dogi-mu anịanga koroma tẹ ọ̀ ḅọrọ Tamụnọ-warị mẹ ḅio sọ muarị apụ ḅara igbigi ḅii, ḅiim.

Fịrịmẹnjịapụ 9:6

Kụma saakị sịẹ tẹ opu ama mẹ ḅio sọ-muu, ị́ mịẹ ḅẹ ye in ḍuko ị́ pịrị ḅa.”

2 Tẹsalonịka 3:11

Wa gotẹ miemẹ ḍukoarị, wa naarị mịnẹ ọmịna ogboku Ja atomi emi tẹ ḅụụ-lọkọma kọrịnama pịrị aḍumo kọn-arị, tẹ gberie-sọ mịẹ ḍụkụ-a tẹ ja apụ amịẹaị tẹ in gboloma-a aị ḅụ ḅụụ kẹ suu ma ḅọrọarị.