Luku 16:25 - FỊAFỊA BAỊBỤLỤ

²⁵ “Kụma Ebira-amụ ḅẹẹm, ‘Ị̀ tụḅọọ, kẹ ḅiokoroma mịnẹ í ḍumo wararị sakị iḅi aị mamgba ị́ aị famam, tẹ Lazarọsị si-aị mamgba nyanam, kụma mịọkụ ori tọrụ-ḅẹlẹ nyana tẹ mịanga, akụ daarị.

Luku 16:25 Iomraidhean Croise

Jobu 22:18

Anịsọ ori iḅi aị kẹ ịna awarị ḅinmam kụma si-sịḅịḅio-sụaḅọ ḅe nimi mẹ ị̀ ḅụụ ḅelem.

Devidi-Anume 17:14

mị ḍumo ḅụ in ḅiiarị aị mamgba nyana tẹ apụ ma ḅara-ḅio ị̀ ḅọrọma-a. Ị́ kẹ koko ịn wẹrịma atọrụsiẹrị ma kẹ in fomuu; yee kirikọn-aị ma sime ịna awọmẹ pịrị, ini na iḅi ḅẹ ḅara jaị pịkị sime ịna afuro ḅẹ apụ pịrị!

Devidi-Anume 49:11

Ịna aḍuḅu ma ḅo ịna sime ayọ sọ gbamaso tẹ; anịanga mie in sakị mamgba sime ḅarịye, karakaraye sakị ḅẹ gbọrụ sakị ḅụ ini ịna ḅara-kuḅu ḅẹ akiri nyanam ḅẹ sọ.

Devidi-Anume 73:7

ịna aḅioḅẹngbọ si ọsụma, ọsụma sararị, tẹ ịna akuroma ḅụ ịn tọn tẹ mịẹ ḅẹ si-sịḅịḅio amịẹaị nwẹnị mẹnjịma-mẹnjịmarị.

Kururu Owu-apọkọ 1:7

Jeruselemu á ḅụụ-fụka na árị akụ eneḅaka na ḅụ, á ḅụụ yela aị mamgba tẹ elemu sakị ḅụ á nyana aị ma kẹ ḅiokoromam. Árị atomi ḅịkị árị ọmụḅọ ḅe ḅara-ḅio sọ, tẹ ḅarasụa á pịrị ḅẹ gbọrụḅọ-sọ ofori sakị, ọmụḅọ ḅe á ḅụụ ḅioḅẹlẹ nyanam, á ḅịkị mẹ kombo ḅụ.

Danẹlị 5:30

Anị gbọrụ ḍin mẹ ḅụ ịn nwẹnị Bẹlịsaza, Babịlonịya amadaḅọ ḅe ḅaam,

Matiyo 27:63

tẹ ḅẹẹm, “Wa nyanaḅọ, wa kẹ ḅioḅọrọmaa, mịnẹ anị iruoḅọ ḅe ḍumo wararị sakị ọ̀ ḅẹẹm, Tẹra ḍin ḅọrọ tẹso, Tamụnọ fịị ḅụ ị̀ saakịma ḅa.

Makị 9:45

Tẹ ị́ ḅụọ mịẹtẹ í í minini famarị ḅẹḅẹ, anị pẹlẹ-siin! Ị́ gbọrụ ḅụọ ofori ḅara kẹ ḍumo ḅio sọ iḅi ị́ maa aḅụọ nyana tẹ ini ị́ kẹ ẹlị ḅio gbin suu nẹngịm. [

Luku 16:20

Anị sakị ḅụ Lazarọsị nwẹn-sịn igoinḅọ sọ simem, ori oju mamgba ịnọ-ịnọ-ịnọ, tẹ ngọ-kọnḅọ ḅe warị ḅọkọ mie ini ọ̀ kẹ ḅo tẹ ọ̀ lẹgị lẹgị yee,

Luku 16:23

Tẹ Ḍuḅu ḅio ḅụ ori opu akụye daarị ogbo ọ̀ nwẹnị tọrụ saakị tẹ ala-jụ ḅio Ebira-amụ ẹrị, Lazarọsị ori akaka lẹgị-sime wararị.

Luku 16:26

Anie sikima wamịnị na ọmịnị na ogboku opu olulu emi, anie mịẹtẹ saḅa mu jụmọ-jụmọ la-la ọkụ ofori!’

Luku 6:24

Kụma mịọkụ ngọ-kọn wararị apụ ọ́ tẹkẹlẹ tẹẹ; ọmịna tọrụ-ḅẹlẹ ọ́ nyana fama tẹẹ!

Jọnị 16:33

À miemẹ ḍuko ọ́ pịrị tẹ, mịẹtẹ ọmịnị ị̀ ḅụ oḅolo sime tẹ dein nyana ḅarị ḅara. Tomikiri ḅẹ atomi ọ́ kẹ tọrụsiẹrịma ḅa. Kụma ó ḅiokpọọ! À tomikiri mẹ nẹngịma tẹ!”

Fịrịmẹnjịapụ 14:22

Ịn nwẹnị ịnyọ kẹ minini apụ ma pịrị tẹ ịna ḅiokpọma mịnẹ ịn karakara ḅara kẹ mininiye mẹ ḅụ sịẹ kụrọọ. In ye kẹ in toluma tẹ ḅẹẹm, “Mịẹ ḅara mịẹ ḅara sọ, tọnwa ḅụụ-fụka ḅio mie wa tolu-ḅọrọ mu Tamụnọ Ama-da yọ mẹ sọ ḅarịye.”

Romu 8:7

Anie ḅụ, tomḅọ si sime-ḅara ḅẹrẹtọn tomḅọ pịrịarị ḅẹḅẹ, mḅọ Tamụnọ na fịya-a ḅọ sọ tẹ, mḅọ Tamụnọ oloko koko koko-a, karakaraye ḅụ mḅọ inetẹ koko ḅịa.

Ditẹrọnọmị 28:17

Ọmịna kana mẹ na, ọmịna fịye tẹlẹma ye mẹ na, woritẹ ḅara sime ḅa.

Filipayị 3:19

Ẹlị ḅio mie ịna kunoma, kẹ gotẹ ọkọ ḍukoarị, ịna meni-oju mẹ sọlịmarị aị mie ịn kẹ ịna tamụnọ sọma wararị. Ịna ḅụụ-jịrịma na-iḅi ye mie ịn kẹ ḅụụ-tọn-arị ye, tẹ sime mị tomikiri mẹ pịrị aị ngẹrị mie in kuromarị.

1 Tẹsalonịka 3:3

mịẹtẹ ọmịna ḅụụ ḅẹ gbọrụḅọ-sọ mịna ḅaa-ḅọkọ ma kẹ ọ́ ḍọkịm ẹrẹsị ọḅụ da ḅịa ḅara. Ọmịnị sọ nimi ḅara ḅụ ọkọ sime-ḅara kẹ ḅaa-ḅọkọ kẹ wa ḍọkị mẹ anie Tamụnọ ḅii ḅara.

Hiburu 11:25

Tamụnọ atomi ma na sọ tẹ tọrụsiẹrịarị ọ̀ ḅụụ-ḅẹlẹ, boowa kala-sakị kẹ si ḅụ sime tẹ tọrụ-ḅẹlẹ nẹngịm.

1 Jọnị 2:15

Ó tomikiri mẹ ḅẹlẹma ma, anịanịa sime tomikiri mẹ pịrị aị ma ḅẹ gberie-sọ. Ó tomikiri mẹ ḅẹlẹmarị ḅẹḅẹ, ọ́ ḅarị Ḍaḅọ ḅe ḅẹlẹma-a.

Mịẹfinji 7:14

À nwẹnị pakịrị, “Ị̀ nyanaḅọ, à nimi-a. Ị́yẹrị nimim.” Ọ̀ nwẹnị ị̀ ḅẹẹ, “Mịna atomi ma anie ye ḅụụ la-a ḅara kẹ ḅalafama opu ḅaa-ḅọkọ ḅio tolu-ḅọrọ tẹ apụ ma. Ini ịna vọrọrọ-akapa ma kẹ Anana Tụḅọ ḅe ọmbie mẹ ḅio sikiri tẹ arị pịna-pịna tẹ.