Luku 16:23 - FỊAFỊA BAỊBỤLỤ

²³ Tẹ Ḍuḅu ḅio ḅụ ori opu akụye daarị ogbo ọ̀ nwẹnị tọrụ saakị tẹ ala-jụ ḅio Ebira-amụ ẹrị, Lazarọsị ori akaka lẹgị-sime wararị.

Luku 16:23 Iomraidhean Croise

Devidi-Anume 16:10

ị́ fị kụrọ ḅụ ị̀ gbaịn ḅọrọmarị ẹrẹsị. Anịsakị ị́ ḅẹlẹmarịḅọ mẹ ị́ mḅọ kẹ gbin kuroma so Ḍuḅu ḅio pịrị ḅịa.

Devidi-Anume 49:15

Kụma Tamụnọ ị̀ pụkọ-pakamaḅo ḅa; ori ị̀ ḅọrọma ḅa fị kụrọ mẹ ḅio.

Devidi-Anume 86:13

Í kuno-a ḅẹlẹma mẹ ị̀ ḅụ ḍụḅa ḅakam! Ḍuḅu ḅio ḅụ sọ ị́ ị̀ ḅọrọma tẹẹ.

Devidi-Anume 9:17

Fị sime si-sịḅịḅio-sụapụ mamgba pịrịm, pịkị Tamụnọ sịkị tẹ apụ mamgba sọ.

Egberima-Ẹkwẹn 15:24

Ye-nimiapụ iwo mu ḍumo la ḅẹ etela mẹnjịarị, ideri-mu fị la-la etela-a.

Egberima-Ẹkwẹn 5:5

Árị ị́ kẹ fị ḅio su ḅa; á mẹnjịarị etela mẹ anie fị etela.

Egberima-Ẹkwẹn 7:27

Ị́ á warị muarị ḅẹḅẹ, ị́ mẹnjị fị simearị etela sọ tẹẹ. Anị anie pẹlẹma ḅọrọ mu ala-a fịị laarị anga.

Egberima-Ẹkwẹn 9:18

Á ḅara-ḅio sọ tẹ apụ ma nimi-a mịnẹ á warị mu-apụ mu-apụ fị-fịịm, anịsakị tarị sọ-mu tẹ apụ ma mịọkụ ideri mu ḍuḅu ḅio sọ tẹẹ.

Ayịzaya 14:15

Kụma anie nakara, ini ị́ sịn iderima-ḅo ḍuḅu ḅio ḅụ pokolo-tẹịn yọ lama tẹẹ.

Ayịzaya 14:9

Ḍuḅu mẹ tẹlẹmarị anị alụa! kẹ Babịlonịya ḅẹ amadaḅọ ḅe ḅẹẹ ḅarị ḅara. Tomikiri ḅụ kụrọ nyana sime apụ ma atẹmẹ ma amịna aḅụụ jikemarị. Amadapụ atẹmẹ ma ịna emine ma ḅụ saakịarị.

Matiyo 11:23

Tẹ Kepanọmụ, kịngẹ kụma í ḅiim ị́ ị́ ḅụụ saakị-gelema mu so la! Nimi mịnẹ ini ị́ kẹ gbin iderima-ḅo ḍuḅu ḅio suu ḅa. Í ḅio ḅụ kọrị tẹ ḅụụ-buama-aị nwẹnị Sọdọmụ ḅụ kọrịm namịna mimgbe anị fa-a tẹ sime ḅo mịmgba mẹ sọ la tẹ!

Matiyo 18:9

Tẹ ị́ gbọrụ tọrụngbọ mịẹtẹ ị́ ị́ nyana minini famarị ḅẹḅẹ, anị sọkị sin tẹ kẹ wakị ngumaa! Ị́ gbọrụ tọrụngbọ kẹ ḍumo ḅio sọ-mu iḅi ị́ maa atọrụngbọ nyana wararị tẹ ini ị́ kẹ ẹlị fịnị ḅio gbin suu nẹngịm!

Matiyo 23:33

Ọmịnị ododo amẹẹ, pịkị ododo furo ḅẹ awọmẹ! Ndẹẹ ọ́ mịẹtẹ ḅẹrẹ-ḅarasii ḅụ so tẹ ẹlị ḅio sọ ḅịa ḅara?

Matiyo 5:22

Kụma mịọkụ yẹrị ọ́ ḅẹẹarị: ḅẹḅọ-ḅẹḅọ tẹ ịganị nyana mḅọ mịnaḅọ pịrị-ḅọ pịrị-ḅọ, ini mḅọ kẹ ḅẹrẹkọn ḅo ḅa, tẹ “Ị́yẹrị papaa tomḅọ” kẹ mḅọ mịnaḅọ sịnḅọ-sịnḅọ ini mḅọ kẹ Ama-kobiri (kịnị atesi oyi finji lẹgị lẹgịm) mẹ tọrọkọ ḅo ḅa, anịsakị “papaa, oḅori tomḅọ” kẹ ịn mḅọ mịnaḅọ sịn-arị ḅọ mẹ amịna ḅụụ kẹ ẹlị fịnị akaka sịẹma tẹ.

Matiyo 5:29

Ọkọ ẹrẹsị, ị́ ama-ḅara ḅẹ tọrụngbọ mịẹtẹ í si mịẹarị ḅẹḅẹ, anị sọkị sin tẹ kẹ wakị nguma! Í oju ḅẹ gbọrụ pakịrị ḅarị ofori iḅi ini í bebe oju mẹ kẹ ẹlị ḅio gbin suu nẹngị lamam.

Matiyo 8:29

Oru sịḅị ḅio sime atomi ma Jizọsị ẹrị gbọrụ sakị ini oloku pakama tẹ ọ̀ ḅẹẹm, “Ị́yẹrị Tamụnọ Tụḅọ, wamịnị na ị́ na tọ mie ye nyana gboloma? Ị́ wa kẹ tọrụsiẹrịma tẹrẹmẹ Tamụnọ tomikiri mẹ kọn ḅarị karakara ene mẹ la ḅẹ ḅo tẹ?”

Luku 16:24

Mie ḅụ ọ̀ nwẹnị oloku pakama, ‘Ḍa Ebira-amụ! Sisi paa ì ḍiki sịḅị-jịrị tẹ Lazarọsị fịrịma tẹ ọ̀ ḅara-tụngbalị kẹ minji gbọn tẹ kẹ ị̀ ḅẹlẹ deinma, gbala opu akụ ḅio àrị emi mị kọrị fịnị mẹ ḅio!’

Luku 16:28

anịanga ị̀ sọnọa amịnapụ emi, tẹ ọ̀ paa mu ịna ḅeri nụnụ, anieofori in ḅofa ḅo mị akụ mẹ da.’

Luku 8:28

Ò Jizọsị ẹrị tẹso, ọ̀ nwẹnị kararama-oloku, tẹ mu Jizọsị ḅụọ suku ọ̀ ḅụụ sẹma-kiri-gbin tẹ oloku, “Jizọsị, Geletẹịn Tamụnọ ḅe Tụḅọ, í tiye kẹ ị̀ mịẹ ḅẹ ḍọkịarị? Sisi, àrị ị́ tẹkẹm, ị̀ kẹ tọrụsiẹrịma ma!”

1 Kọrịntị 15:55

“Fịị, ndẹẹ í owu-ḅara-iḅi mẹ? Fịị, ị́ kẹ ye kẹ kịnị lama ḅẹ kụrọ mẹ ndẹẹ anị?”

2 Pita 2:4

Enjẹlị tẹ si mịẹ apụ ma sọ, Tamụnọ papaa ḅara kẹ ịn wẹrịso-a, kụma ori ịn kẹ ẹlị ḅio, ikoli kẹ ini ịkasị koromam, kanakana ḅio, tẹ ini anịanga sime tẹ Ḅẹrẹkọn Ene mẹ koruarị.

Mịẹfinji 20:10

Anịtẹso Si-ḅọ ḅe tẹ ịn toluma ḅo mị ḅụụ-fụka mẹ ḅio suu ḅọ ḅe kịnị ọ̀ kẹ mu ọpọlị kọrị ḅara kọrịarị fịnị tọrụ ḅio gbin suum, anie ịn kịnị-ḅaaḅa opu nama ḅe na iruo ịkịankoroḅọ ḅe na kẹ tarị gbin suu tẹ anga mẹ; tẹ ini akụye da ḅa eneḅaka na ḍin na ḅụ, nwenii mu ḅẹ sakị, ḅẹ sakị la ḅa.