Luku 16:22 - FỊAFỊA BAỊBỤLỤ

²² “Igoinḅọ ḅe nwẹnị fịị, tẹ enjẹlị apụ ò dogi-mu So-ḅio Ebira-amụ akaka lẹgịmam, So-ḅio ḅẹ alalị fị dẹbịlẹ suku. Ngọ-kọnḅọ ḅe sọ fịị tẹ ini ò ḍiḅim.

Luku 16:22 Iomraidhean Croise

Jobu 21:13

Lọkọlọkọ ḅụ ini ịna ene ma simem, tẹ dein ḅụ ini ideri ḍuḅu warị mum.

Egberima-Ẹkwẹn 14:32

Si-sịḅịḅio-sụa apụ ma ịna si amịẹaị mie ịna ḅịkị dogi-ḅoarị, kụma iḅi-apụ ma ịna gasịtẹ ḍumo mie ịn gbaịn ḅọrọmarị.

Nimi Tolumaḅọ 8:10

Anịtẹso ọkụma, arị ẹrị tẹ ịn si-sịḅịḅio-sụa ḅọ ḅe ḍiḅi tẹ; ịn nwẹnị sọsị ḅio fịafịa yọ mẹ sọ na, paka na, tẹ nwẹnị ini anga tẹ so opu ama mẹ ḅio ịn mịẹ tẹ aị kẹ ịn tokini ḅa. Miemẹ sọ ḅintẹ ḅara kẹ anị fieye nimi-a ye.

Ayịzaya 14:18

Tomikiri ḅụ simearị amadapụ mamgba ịna iḅi aḍuḅu ḅio koro-simearị,

Ayịzaya 22:16

“Ị́ kuromarị ị́yẹrị tụḅọ? Ị́ tọ kụrọ nyana, ḅarana ịkụ tụndụ mẹ akaka ḍuḅu sọkị ị́ ḅụụ pịrị?

Matiyo 18:10

“Ọmịnị ẹrị mịnẹ ọ́ mịna kala awọmẹ ma ḅẹ gbọrụḅọ sọ ḍiki-sima-a. À ḍuko ọ́ pịrịarị, So-ḅio ḅụ ịna enjẹlịapụ sakị mamgba ị̀ Ḍa So-ḅio simearị ḅọ ḅe tọrọkọ emi.

Matiyo 24:31

Opu ọdụ mẹ fie ḅa, tẹ ori ori enjẹlị apụ fịrịma pakama tẹ in tomikiri ḅẹ ini ịkọlị ma ḅụ ọ̀ sẹlẹ-ọkị tẹ atomi ma kobiri ḅo ḅa, tomikiri mẹ mu la anga, la anga ḅụ.

Matiyo 8:11

Ó nimi mịnẹ bebe tomikiri mẹ ḅụ tọnwa-apụ ḅo tẹ Ebira-amụ na, Ayịzịkị na, Jekọbụ na ḅụ sọ tẹ lẹgị tẹ ye fị ḅa, Tamụnọ Ama-da ḅo laa sakị.

Makị 8:36

Gbọrụḅọ bebe tomikiri mẹ nyana ọkị tẹ amịna ḍumo fama kụma mḅọ tọ sọye nyana? Anị sime-ḅara ḅụ gberie sọ ofori.

Luku 12:20

Kụma Tamụnọ ọ̀ ḅẹẹm, ‘Ị́yẹrị oḅori ḅọ! Mị gbọrụ ḍin í ḍumo ḅụ ị́ ḅara sin ḅa; anịsakị tụḅọ mịna aị mamgba tẹ í kobiri ḅụụ wẹrịma tẹ aị ma ọkị ḅẹ?’ ”

Luku 16:21

ò simearị ogbo ori ngọ-kọnḅọ ḅe dẹbịlẹ ḅụ kọsị-sara afịaị kolokolo fị ḅarị ḅoto. Obiri ma pịkị ḅo ori oju ḅẹ ịnọ ma mẹnị mẹnịm.

Jọnị 1:18

Jen sakị Tamụnọ ẹrị tẹ ḅọ ofori. Tamụnọ kpọkpọ gbọrụ Tụḅọ ḅe, tẹ Ḍaḅọ ḅe akaka emi ḅọ ḅe, ori mie mịẹtẹ wa Tamụnọ ḅe nimi tẹ ye.

Jọnị 13:23

Ò ḍukamẹnjịapụ ma ḅẹ gbọrụḅọ, tẹ Jizọsị ḅẹlẹma ḅọ ḅe, mie ori na palịya tẹ lẹgị ye.

Jọnị 21:20

Pita tọrụ pịkị ori ọḅụ ḍiki ḅarị sakị ori anị Jizọsị ḍukamẹnjị tẹ ọ̀ pịkị ḅẹlẹma ḅọ ḅe ẹrị tẹ. Anị ḅọ ḅe anie kunoma fịye mẹ sakị ḅụ Jizọsị sịrẹrẹ tẹ ò gbela ḅọ ḅe, “KỊNỊNYANAḄỌ tụḅọ ḅọrọ ị́ kẹ tomina ḅara-ḅio dẹrịma ḅẹ ḍọkịarị?”

Hiburu 1:14

Nwẹnị ọkọ kụma, enjẹlị ma ḅọrọ tọ apụ? Ini ma anie fịrịmẹnjị Tamụnọ pịrịarị atẹmẹ, tẹ ọ̀ kẹ fịrịma tẹ ḅarasụa ḅọrọma nyana ḅẹ apụ pịrịarị apụ.

Hiburu 2:14

Jizọsị kẹ ịn sịn-arị ḅara ḅụ, nwẹn ḅẹẹ awọmẹ ma tomii, meni na ọmbie na nyana apụ. Jizọsị ḅioju sọ ḅo ịn kịka tẹ ịna pembe tomḅọ sọm. Ò gotẹ miemẹ mịẹ ye, ori ọ̀ fịị ḅụ ḅọrọ tẹ Ekwesu ḅe, tẹ fịị kụrọ nyanaḅọ ḅe, ḅaa guluguluma ḅẹ ḅara,

Jemụsị 1:11

Ịrụa paka tẹ anị ḅẹ ọfịrị mẹmgba kẹ ḅịya sịn mẹ sarama tẹ anị dọkịmarị; anịtẹso anị ḅẹ fịlawa mẹ siin-koro tẹ anị ḅẹ iḅi mẹ gulugulumam. Anị gbọrụ ḅara mẹ mie ngọ-kọnḅọ mẹ gulugulu ḅarị ḅara, mḅọ amịna tuḅo kọn ma ḅọrọarị ogbo.

1 Pita 2:24

Kịrayịsị ḅarana ori oju ḅio wamịna asi ma dogi tẹ kẹ ẹngbẹsẹ-sịn mẹ mum, mịẹtẹ wa fịị si pịrị tẹ ḍumo karakara mịẹ pịrị ḅẹm. Ori oju kiri mẹ ḅẹ ịnọ ma ḅụ mie wa ḅọrọ tẹ gwọ ye.

Mịẹfinji 14:13

Anịtẹso à So-ḅio gbọrụ pọkọ naam, ḅẹẹ mịnẹ, “Miemẹ kẹẹ koromaa. Mịọkụ saakị tọrọkọ mu ḅioḅẹlẹ sime KỊNỊNYANAḄỌ ḅe fịrị mẹ ḅio sime tẹ fịị apụ ma pịrịm.” Tẹmẹ ḅe nwẹnị pakịrị, “Inn, karakaraye lamam! Ini ịna kụrọ kọrịnama mẹ ḅụ ḅioḅẹlẹ ịnyọsara ḅa, tẹ ịn mẹnjị fịrị mẹ dogi-ḅo ye mẹ ini na muarị ẹrẹsị.”