Luku 16:2 - FỊAFỊA BAỊBỤLỤ

² Mie ḅụ ọ̀ nwẹnị ọ̀ sịn tẹ ọ̀ ḅẹẹ, ‘Ị́ ḅụụ à nwẹn naarị ye anie tiye? Ḅo ị̀ aị tẹ í ḍikiḍikiarị aị mamgba kịẹn tẹ saḅama ị̀ pịrịị, ị́ ḅarị ì ye ḍikiḍikiḅọ sọ ḅịa ẹrẹsị.’

Luku 16:2 Iomraidhean Croise

Nimi Tolumaḅọ 12:14

Kẹ gotẹ ọkọ ḅẹẹarị, Tamụnọ wa mịẹ ye goyegoye kẹ ḅẹrẹkọn ḅo ḅa, anị ḅọị ḅara ḅọị ḅara sọ, anị ḅọrọ iḅiye-o, anịanịa siye sọ.

Matiyo 12:36

“Ọmịnị inetẹ nimi ḅa mịnẹ Ḅẹrẹkọn Ene ḅụ ọrụḅọ-ọrụḅọ mḅọ gotẹ mḅọ kọn sara papaa ẹkwẹn ma kọn ye ḍuko ḅa.

Matiyo 20:8

“Ene ḅoḅiri tẹso, ḍụọ nyanaḅọ ḅe nwẹnị ọ̀ fịrịmẹnjịapụ sịḅịdaḅọ sịn tẹ ọ̀ ḅẹẹ, ‘Kọrịnama kọrị apụ ma sịn tẹ ịna gbẹẹ aị kẹ ịn gbẹẹ. Kunoma ḅụ wa ọkọ apụ ḅụ saakị gbẹẹ ma mu wa tarị ọkọ apụ ma la.’

Luku 12:20

Kụma Tamụnọ ọ̀ ḅẹẹm, ‘Ị́yẹrị oḅori ḅọ! Mị gbọrụ ḍin í ḍumo ḅụ ị́ ḅara sin ḅa; anịsakị tụḅọ mịna aị mamgba tẹ í kobiri ḅụụ wẹrịma tẹ aị ma ọkị ḅẹ?’ ”

Luku 12:42

KỊNỊNYANAḄỌ ḅe nwẹnị pakịrị, “Ḅioḅẹngbọ kẹ ḅụụ ḅụ gbana na-iḅi, tẹ pịkị ye-nimi wararị fịrịmẹnjịḅọ ḅọrọ tụḅọ? Ori anie ọ̀ nyanaḅọ kẹ amịna warị ḍikiḍikiḅọ sọma, tẹ sakị laa sakị, laa sakị fịye ḍie osi afịrịmẹnjịapụ ma pịrị ḅarị ḅọ.

Luku 16:1

Jizọsị nwẹnị ò ḍukamẹnjịapụ ma ḅẹẹ, “Gbọrụ sakị gbọrụ ngọ-kọn ḅọ gbọrụ fịrịmẹnjịḅọ nyana tẹ ọ̀ nyana aị mamgba kẹ ọ̀ pịrị ḍikiḍikim. Kịnị nwẹnị ḅo ḍuko ọ̀ pịrị mịnẹ ò ye-ḍikiḍikiḅọ ḅe ori igbigi gulugulumarị.

Luku 16:3

Fịrịmẹnjịḅọ ḅe nwẹnị amịna ḅụụ ḅẹẹ, ‘Ị̀ sịḅịdaḅọ ḅe fịrị ḅụ ì sin ḅẹ tẹ. À tiye kọrị ḅẹ? Àrị ịnyọ nyana tẹ kiri soku ḅịa, kịnị ḅara ye ḅii pịkị ị̀ ḅụụ-jịrịmarị.

Romu 14:12

Wamịnị-mgba, ọrụḅọ-ọrụḅọ mḅọ amịna ḍumo kọn ḅara ḍuko Tamụnọ pịrị ḅa.

1 Kọrịntị 1:11

Kẹ gotẹ ọkọ ḍukoarị, ị̀ amịnapụ, Kilohẹ warị ḅẹ apụ ḅẹ ja apụ tẹ mịanga ḅo apụ, gberie-sọ kikima-a ḅara kẹ ḍuko ị̀ pịrịm mịnẹ ọ́ kamụ-sọ-sọ-sọarị ọmịna ogboku.

1 Kọrịntị 4:2

Ọkọ sime fịrịmẹnjịḅọ ḅe ḅara ịn ḅiiarị kpọkpọ gberie anie, mḅọ ḅioḅẹngbọ-kẹ-sịrẹrẹ-niḅi ḅara sime amịna sịḅịdaḅọ pịrịị.

1 Kọrịntị 4:5

Anie mịẹ tẹ, sakị mẹ amụ la-a ogbo ọ́ ḅẹrẹ-ḅarasii pẹlẹ gbọrụḅọ-sọ pịrị ma. Kunoma ḅẹrẹkọn mẹ koru mu KỊNỊNYANAḄỌ ḅe sakị la, tẹ mịọkụ kanakana ḅio kikima wararị aị mamgba, ori ọkị-ḅo bele ḅio sara fama tẹ, pịkị tomina ḅioḅẹngbọ jụ ḅio simearị akuroma mamgba pakama-ḅo fama ḅa. Anị ḅo ọkọ la sakị ọrụḅọ-ọrụḅọ Tamụnọ ḅara mḅọ la tokini nyana ḅa.

2 Kọrịntị 5:10

Kẹ gotẹ ọkọ ḍukoarị, wamịnị-mgba Kịrayịsị tọrọkọ paka-ḅo tẹ ọ̀ wa kọn ḅa. Ọrụḅọ-ọrụḅọ mḅọ ọkị gbẹẹ ye ọkị ḅa, anie mḅọ meni-oju mẹ ḅụ ḅẹ ḍumo ḅụ sime sakị mḅọ mịẹ ye, mịẹ ye sime-ḅara, iḅiye-o, siye — ó.

1 Timoti 4:14

Tẹmẹ ḍiepịrịye tẹ ị́ ḅụụ ḅio ḅụ simearị ye mẹ kẹ gbin koroma tẹ anị papaa fama, anị ḍiepịrịye mẹ tẹ ịkịankoroapụ ma Tamụnọ ẹkwẹn kọn tẹ omongiapụ ma ịna aḅara kẹ ị́ ọgọnọ gbana sakị ị́ nyana ye mẹ.

1 Timoti 5:24

Ja apụ asi giregire paka tẹ kịnị ẹrịarị, tẹ ịn kẹ mu ḅẹrẹkọn laarị; kụma osi apụ asi ma kịnị kpekele ẹrị-a.

1 Pita 4:10

Ọrụḅọ-ọrụḅọ, Tamụnọ kịrị-kịrị ḍiepịrị-aị ma ḅẹ ye-ḍikiḍikiḅọ ḅara ḅụ, Tamụnọ kẹ sikima mḅọ pịrị wararị ḍiepịrịye mẹ kẹ ja apụ iḅima ḅẹ kọrịnama kọrịị.

1 Pita 4:5

Kụma ini ịn kẹ ịna aḍumo ma kọn-arị ḅara mẹ ḍuko Tamụnọ pịrị ḅa, anie ḍumo wararị apụ na fịtẹ-apụ na kọn ḅẹ tẹ tẹlẹma wararị ḅọ ḅe.

Mịẹfinji 20:12

Tẹ à nwẹnị fịtẹ-apụ ma ẹrị, opu na kala na emine mẹ tọrọkọ sịẹsime wararị. Ḍiri finji finji sara wararị, tẹso ịn nwẹnị jen gbọrụ ḍiri finji, anie ḍumo wararị apụ ḍiri mẹ. Ịn nwẹnị fịtẹ-apụ ma kọn, ịn mịẹ tẹ ḍiri ma ḅio kẹẹ koro wararị aị ma mie in ḍiki tẹ ịn kọn yee.