Luku 16:16 - FỊAFỊA BAỊBỤLỤ

¹⁶ “Mozizi Oloko mẹ na ịkịankoroapụ ma kẹẹ aị ma na kụrọ nyana nwenii Minji-sara Jọnị ḅo sakị lam; anịngẹ-kụraḅio Tamụnọ Ama-da mẹ ḅẹ Iḅi Oku mẹ ịn nwẹn ḍukoarị, tẹ ọrụḅọ-ọrụḅọ amịna ḅụụ sukuruma suuarị.

Luku 16:16 Iomraidhean Croise

Matiyo 10:7

Ó mu tẹ ịn ḅẹẹ, ‘Tamụnọ Ama-da mẹ ḅo kpeki tẹẹ!’

Matiyo 15:11

Tomḅọ mịẹ tẹ mḅọ Tamụnọ tọrọkọ fịafịaḅọ sọarị ye, mḅọ kẹ ḅịḅị-ḅio sụa fịarị ye-a; anie nakara mḅọ ḅịḅị-ḅio paka-ḅoarị ye rẹ mie mḅọ kẹ Tamụnọ tọrọkọ fịafịaḅọ sọmarị.”

Matiyo 21:32

Kẹ gotẹ ọkọ ḅẹẹarị, Minji-sara Jọnị ḅo tẹ ọ́ ḅọrọ ḅarị karakara etela kẹ ó ḍie sakị ọmịnị ò minini ḍụkụ-a; kụma ini ama-igbigi da apụ ma na ama-mẹnjị-ereme ma na ò mininim. Ọ́ tọrụngbọ kẹ miemẹ ẹrị sakị sọ ọmịnị ọmịna akuroma ḍima tẹ ò minini-a.”

Matiyo 3:2

Ọ̀ kọn ẹkwẹn mẹ ḅẹ sịḅị anie, “Ọmịnị ọmịna asi ḅụ pịkị tẹ Tamụnọ ḍọkụma-muu, gbala Tamụnọ Ama-da mẹ ḅo laa ḅẹ tẹ.”

Matiyo 4:17

Anị sakị ḅụ mie Jizọsị saakị ori oku mẹ ḍuko tomi pịrị tẹ ḅẹẹ ye: “Ọmịnị ọmịna asi ḅụ ḅara-siin tẹ pịkịị, gbala Tamụnọ Ama-da mẹ ḅo kpeki tẹ ẹrẹsị.”

Matiyo 4:23

Jizọsị mu Galili ikelema-koro ḅụ sime ama-awarị ma ḅio ye-toluma tẹ pịkị Tamụnọ ama-da tẹ ḅẹrẹtọn-arị mẹ ḅẹ Iḅi Oku mẹ ḍuko ma-ḅọrọm, tẹ pịkị kịrị-kịrị ḅụụ kụrọ-a apụ na obi apụ na gwọm.

Makị 1:14

Ịn Jọnị kun ikoli suu tẹso, Jizọsị Galili mu tẹ Tamụnọ ḅara ḅo Iḅi-Oku mẹ ḍukom.

Makị 1:45

Kụma tomḅọ ḅe so tẹ saakị ọ̀ la anga, la anga paka ye mẹ ḍuko wasam. Paka ye ḍuko ḅụ, ori anị kẹ ẹkwẹn la ḅara mịẹtẹ Jizọsị ḅarị inetẹ ama ori ẹrị ḅẹ ḅara kẹ ama mẹ sọ mu-a. Paka ye ḍuko ḅụ, ọ̀ paka mu ḅụụ-yaụ-anga ḅụ simem, tẹ tomi nwẹnị anga anga ḅụ sime tẹ ò dama-ḅo.

Luku 10:11

‘Ọmịna ama mẹ ḅẹ onwin tẹ wamịna aḅụọ oḅolo ye sọ wa gugu sara ọ́ pịrị tẹẹ! Kụma ọ́ kẹ ḅiokoromaa mịnẹ Tamụnọ Ama-da mẹ ḅo ó kpeki tẹẹ!’

Luku 10:9

tẹ ama mẹ ḅio sime obiapụ gwọ, tẹ ḍuko tomi ma pịrịị, ‘Tamụnọ Ama-da mẹ ḅo ó kpeki tẹẹ!’

Luku 16:29

“Ebira-amụ nwẹnị ḅẹẹ, ‘Ị́ amịnapụ ma Mozizi na Ịkịankoro apụ ma na nyana wararị, ịna ḅeri nụnụ; ị́ amịnapụ ma, ịn mịẹ na-iḅi ye anie Mozizi na Ịkịankoro apụ ma na ḅịḅị poki.’

Luku 16:31

Kụma Ebira-amụ nwẹnị ḅẹẹ, ‘In Mozizi na Ịkịankoro apụ ma na ḍukoarị ye naa-a ḅẹḅẹ, fịtẹ-ḅọ saakị tẹ mu ḍuko ḅarịye sọ ịna ḅụụ ye mịẹ ḅịa.’ ”

Luku 9:2

Anịtẹso ọ̀ nwẹnị ịn fịrịma pakama mịnẹ in mu Tamụnọ Ama-da mẹ gbolomaye ḍuko tomi pịrị tẹ pịkị obi apụ gwọọ.

Jọnị 1:45

Filipu nwẹnị Natanịyẹlị ẹrị tẹ ọ̀ ḅẹẹ, “Mozizi Oloko ḍiri mẹ na ịkịankoroapụ ma na ḅụụ ḅụ ye kẹẹ koroma wararị ḅọ ḅe wa ori ẹrị tẹ. Nazarẹtị ḅẹ Josẹfụ tụḅọ Jizọsị ḅe anie ori.”

Jọnị 11:48

Wa ò ḍiki-tọrụsin tẹ ọ̀ mị-ḅara mịẹ ma-mu kụma, ḅẹḅọ-ḅẹḅọ ò minini ḅa, tẹ Romu ḅẹ ḅẹrẹtọn-apụ ma papaa anị wẹrịso ḅịa, ịn ḅo wamịna Tamụnọ-warị mẹ kaan-sara tẹ pịkị wamịna sịẹ mẹ fama ḅa!”

Jọnị 12:19

Anịtẹso Farịsiiapụ ma nwẹnị jụmọ-jụmọ ḅẹẹ, “Ọmịnị ẹrị tịya, wa mịẹ pakama ḅoarị gberie-sọ ofori ḅara! Bebe tomikiri mẹ ò ḍukamẹnjịarị ḅara ḍikii!”

Jọnị 5:4

gbala sakị sakị ḅụ KỊNỊNYANAḄỌ ḅe enjẹlị ḍaḅa mẹ koro tẹ minji mẹ jikema-jikemam. Minji mẹ ọkọ kẹ jikema tẹ tarị koro ḅọ, koro ḅọ mḅọ kọn obi sime-ḅara, sime-ḅara sọ anị gwọm.

Fịrịmẹnjịapụ 3:18

Iḅere-iḅerea kụra-ḅio Tamụnọ ịkịankoroapụ ma ḅụụ ḅọrọ tẹ ḍukom mịnẹ ọ̀ Mẹsaya ḅe tọrụsiẹrị ḅa, tẹ ọ̀ mịẹtẹ anị mị-ḅara paka tẹ.