Luku 16:14 - FỊAFỊA BAỊBỤLỤ

¹⁴ Farịsiiapụ ma miemẹ naa fama sakị in Jizọsị mịẹ sima ḅara kẹ ye mịẹm, ini igbigi ḅẹlẹmam ẹrẹsị.

Luku 16:14 Iomraidhean Croise

Devidi-Anume 119:51

Opu amịẹaị mịẹ apụ ma sakị mamgba ì ḍiki iderimarị, kụma amụ àrị í Oloko ḅụ ḅụụ-ḅelema-a.

Ayịzaya 53:3

Wa ò ḍiki-sima tẹ ọ̀ sịkịm; ọ̀ tọrụsiẹrị na akụ na da alamam. Tọrụngbọ kịngẹ sọ kẹ ò ḍiki ḅọ ofori Wa ò ḍiki-tọrụsinm, ori gberie-sọ gberie-a ye ọkụ.

Ayịzaya 56:11

Fị ye fị ye pọkọ-ta-a obiri amẹẹ mie ịn kịkarị, anie kẹ ịn pịrị tẹ gbala-gbala ini na iḅi-iḅi ye ofori apụ. Mịna sịḅịdapụ ma in yefieye naa-a. Ịna ḅụ ọrụḅọ-ọrụḅọ amịna ḅụụ-ḅẹlẹ ye mịẹarị tẹ mḅọ na iḅi ḅẹ ye ḍọkịarị.

Jerimaya 6:13

Ḅẹḅọ-ḅẹḅọ, opu na kala na kura-a ḅọkọ kẹ ngọ kọn ḅẹ ḍọkịarị; ịkịankoroapụ na agbamịẹapụ ma sọ tomi ma inomarị.

Jerimaya 8:10

Mie ḅụ àrị ịna aḍụọ ma kẹ ịwọ apụ pịrị nyana ḅa, tẹ ịna sime-ereme kẹ ja owiapụ pịrị ḅa. Ḅẹḅọ-ḅẹḅọ, opu na kala na, mingirima ḅọkọ ḅụ ḅọrọ tẹ igbigi mịẹ ḅẹ ḍọkịarị. Ịkịankoroapụ na agbamịẹapụ na kịngẹ sọ tomi ma inomarị.

Izikẹlị 33:31

“Mie ḅụ ị̀ atomi gbii-gbiima paịn sọ-ḅoarị ị́ nyana tẹ ḍuko ḅẹ ye naa ḅẹ ḅara, kụma ị́ ịn ḅẹẹm mịẹ ḅẹ ḅara ịn mịẹ-a. Ini ị́ ẹkwẹn ma kẹ ye ḅụ sọ-a anume ḅara ọkị tẹ paa ịna pọkọ-sịkịrịtẹ etela ma ḅụ mẹnjịarị.

Matiyo 23:13

“Ọmịnị Oloko Tolumapụ na, Farịsiiapụ na, ọ́ tẹkẹlẹtẹ ḅara ḍikii! Mịẹ tomi ḍie apụ! Ḅọrọ sọ-mu Tamụnọ Ama-da suku-ḅio simearị atomi sọ ḅọkọ mẹ, ọ́ sọ-mu ḅẹ apụ ma tọrọkọ anị gbaịn tẹ; ọ́ sọ-mu ḍụkụ-a, kụma ọ́ pịkị ḍụkụ tẹ ḅụụkụrọma sọ-mu ḅẹ ḍọkịarị apụ ma sọ sọ-mu mu-a!

Matiyo 9:24

ori mẹẹ, “Ọrụḅọ-ọrụḅọ mịanga pakaa! Ẹrẹḅọtụḅọ ma á fịị-a — mono mie á monoarị ye.” Anịtẹso inimgba nwẹnị ọ̀ ḍẹrị.

Luku 12:15

Tẹ ọ̀ nwẹnị paa ẹkwẹn inimgba pịrị, “Nyana ye, nyana ye ḅụụ na-iḅi-a ḍumo ḅụ ọ́ kpọma ḅụụ ẹbị lamaa, kẹ gotẹ ọkọ ḍukoarị, tomḅọ karakara ḍumo mẹ mḅọ nyana sara aị ḅụ ofori, mḅọ ngọ-kọn la ḅara, la ḅara sọ.”

Luku 20:47

Ini ma anie diapụ-fịtẹ-ereme ma sime-ḅara ḍiki tẹ ịn nyana aị fọịn ọkị tẹ nwẹnị nangwọ atẹkẹ kọn-kọn ịn pịrịarị apụ. Ḅo ịn la ḅarị fomu-ḅara sii ḅaka lama ḅa!”

Luku 23:35

Tomi ma sịẹ tẹ ḍikiarị sakị Juu-ḅẹ-apụ ma ḅẹ sịḅịdapụ ma ḅịḅị kpọọ, kpọọ Jizọsị pịrịarị, “Ọ̀ ja apụ ḅọrọma ḅọrọmam nwẹn ḅẹẹ-a; ori Mẹsaya ḅe tẹ Tamụnọ sẹlẹ-ọkị tẹ ḅọ ḅe ḅẹḅẹ, yee ori amịna ḅụụ ḅọrọma!”

Luku 8:53

Ini ẹrị ḅara ḅụ tụḅọ ma fịị tẹ gotẹ, inimgba nwẹnị ọ̀ ḍẹrị.

2 Timoti 3:2

Tomi ịna ḅụụ ngẹrị bala ḅa, fị-ye fị-ye pọkọ-ta-a, ḅụụ-boma na ḅụụ-gelema na; ịn ja apụ mịẹ-sima ma ḅọrọ ḅa, ini ịna ḍapụ-na-iyingiapụ-na ḅịḅị poki ḅịa, ịmịẹtẹ ḅẹẹ ḍịn-a, Tamụnọ etela kẹ ye-sịn-a;

Hiburu 11:36

Ja apụ ini in kombo tẹ in fomum, osi apụ ini ikoli kẹ ini ịkasị tẹ ịn fọnọ mu ikoli-warị ḅio koromam.