Luku 16:13 - FỊAFỊA BAỊBỤLỤ

¹³ “Gbọrụ fịrịmẹnjịḅọ sọ gbọrụ kiri maa apụ omoniḅọ sọ ḅịa, mḅọ gbọrụḅọ ḍiki-ḅioḅu tẹ osi-ḅọ ḅẹlẹma ḅa; mḅọ sịḅị-tuu gbọrụḅọ pịrị tẹ osi-ḅọ ḍiki-sima ḅa. Ọmịnị inetẹ gbọrụ kiri sunsin Tamụnọ na igbigi na pịrị gboloma ḅịa.”

Luku 16:13 Iomraidhean Croise

Matiyo 4:10

Anịtẹso Jizọsị nwẹnị pakịrị, “Ekwesu, mịanga ini ị́ fọnọ ḅelemaa! Fịafịa Ḍiri mẹ ḅẹẹm, ‘KỊNỊNYANAḄỌ ị́ Tamụnọ ḅe tẹkẹ tẹ fịrịmẹnjị ori ngẹrị pịrịị.’ ”

Matiyo 6:24

Gbọrụḅọ-sọ inetẹ gbọrụ sakị ḅụ omoni-sọ maa sịḅịdapụ pịrị ḅịa; ọ̀ gbọrụḅọ ḍiki-ḅioḅu tẹ osi-ḅọ ḅẹlẹma ḅa; ọ̀ sịḅị-tuu gbọrụḅọ pịrị tẹ osi-ḅọ ḍiki-sima ḅa. Ọmịnị inetẹ Tamụnọ na igbigi na kẹ pii-pii ḅẹẹ ḅara kẹ fịrịmẹnjị pịrị ḅịa.

Luku 11:23

“Ị̀ jụ ofori ḅọ ị̀ na tụḅụrụarị, ị̀ na kobiri-a ḅọ à kobiri tẹ aị ma gala-galamarị.

Luku 14:26

“Ị̀ dama-ḅo ḅọ, ḅo ḅọ inetẹ ì ḍukamẹnjịḅọ sọ ḅịa, mḅọ ị̀ ḅẹlẹma mḅọ ḍaḅọ na, iyingiḅọ na, taḅọ na, awọ na, owiapụ-amịnapụ na, eremịna amịnapụ na, mḅọ ḅụụ ḅioju sọ na nẹngị sikima.

Luku 16:12

Anị sakị ọmịnị inetẹ jụmọ nye kpaịnma-a kụma tụḅọ ó soku-ḅẹ ye kẹ ọ́ pịrị ḅe?

Luku 16:9

Tẹ Jizọsị nwẹnị paa ẹkwẹn tọrọkọ mu, “Ọkọẹrẹsị à ḍuko ọ́ pịrịarị, ó tomikiri ḅẹ ngọ mẹ kẹ ikia ọlọ ḅụụ pịrịị, mịẹtẹ anị ḅarị ọmịna ḅara ofori sakị ini ọ́ da sime-gbamaso warị ḅio suu ḅarị ḅara.

Luku 9:50

Jizọsị Jọnị na osi ò ḍukamẹnjịapụ ma na ḅẹẹm, “Ọmịnị ọ̀ dasịẹma ḅẹ ḍọkị ma, ọmịnị na tụḅụrụ-aḅọ anie ọmịna jụ ḅẹ ḅọ ẹrẹsị.”

Jemụsị 4:4

Ọmịnị sunsin Tamụnọ pịrị sịkịtẹ atomi! Ó nimi-a mịnẹ ḅẹlẹma nyana tomikiri ḅẹ si-aị pịrị anie Tamụnọ na fịya-a? Tomikiri ḅẹ si-aị ḅẹlẹmaḅọ ḅẹlẹmaḅọ, mḅọ Tamụnọ na fịya-a ḅọ sọ tẹẹ.

Jọsụwa 24:15

Anịsakị ọmịnị ma nwẹnị fịrịmẹnjị KỊNỊNYANAḄỌ ḅe pịrị ḅẹ ḅịa ḅẹḅẹ, mịmgba ọmịnị ọ́ fịrịmẹnjị pịrị ḅẹ ḅọ sẹlẹẹ, ọmịnị ọmịna aḍapụ ma Tọrụ mẹ saḅa ye-yọ ḅụ fịrịmẹnjị pịrị oru-afụḅara ma; anịanịa ọmịnị angarị Amọrayịtị apụ ma ama mẹ ḅẹ oru-afụḅara ma ḅoto; kụma yẹrị na ị̀ warị ḅẹ apụ na, KỊNỊNYANAḄỌ ḅe mie wa fịrịmẹnjị pịrị ḅarịye.”