Luku 16:1 - FỊAFỊA BAỊBỤLỤ

¹ Jizọsị nwẹnị ò ḍukamẹnjịapụ ma ḅẹẹ, “Gbọrụ sakị gbọrụ ngọ-kọn ḅọ gbọrụ fịrịmẹnjịḅọ nyana tẹ ọ̀ nyana aị mamgba kẹ ọ̀ pịrị ḍikiḍikim. Kịnị nwẹnị ḅo ḍuko ọ̀ pịrị mịnẹ ò ye-ḍikiḍikiḅọ ḅe ori igbigi gulugulumarị.

Luku 16:1 Iomraidhean Croise

Suku-saakị 15:2

Kụma Ebiramụ nwẹnị ḅẹẹ, “yei KỊNỊNYANA-TAMỤNỌ, í tiye kẹ ị̀ pịrị ḅẹ, kẹ gotẹ ọkọ ḅẹẹarị, amụ à paa tụḅọ nyana-a? Ì ḍuu fị ḅarị ḅọ anie ḅị Damasịkọsị ḅẹ Ẹlịyeza ḅe”

Suku-saakị 43:19

Mie ḅụ ịn Josẹfụ warị mẹ ḅẹ fịrịmẹnjịḅọ ḅe dama-mu tẹ ori na ẹkwẹnm warị mẹ ḅẹ ḅọkọ mẹ akaka ḅụ,

1 Paka-aị 28:1

Devidi Jeruselemu ḅụ Izirẹlị ḅẹ kọrịnama kiri ḅẹ opu-apụ mamgba na, furo-furo ma ḅẹ kọrịnama kiri ḅẹ opu-apụ ma na, itu-itu ma ḅẹ ọmụ alapụ ma tẹ fịrịmẹnjị amadaḅọ ḅe pịrị apụ ma na, ḅẹrẹtọn kịnị maa ẹndẹ oyia asi finji-finji pịrịarị apụ ma na, ḅẹrẹtọn kịnị sonioa si, sonioa si pịrịarị apụ ma na, amadaḅọ ḅe na ori owiapụ-awọmẹ na nyana aị mamgba ḅẹ ḅio-koruapụ na, ini ḅẹ anana-ḍikiḍikiapụ ma na, kẹ mu amadaḅọ ḅe warị mẹ ḅẹ kọrịnama kiri ḅẹ opu-apụ na, opu atomi ma na, ḅiokpọtẹ ịnyọ nyana wararị ḅeri ḅẹrẹ naa-a apụ ma ḅụụ sụa tẹ sịn kobirim.

Egberima-Ẹkwẹn 18:9

Kọrịnama ḅụụ-lọkọ nyana ḅọ mẹ, ye guluguluma ḅọ si ḅara mḅọ nwẹn siinm.

Hosiya 2:8

Gbala-gbala á minini ḍụkụ-a mịnẹ yẹrị anie mgbọlị-fịye mẹ na, iru mẹ na, olivu-olo mẹ na, seleḅa mẹ na, golu mẹ na kẹ á pịrị tẹ á kẹ mu sunsin Balị pịrị ḅọ ḅee.

Matiyo 20:8

“Ene ḅoḅiri tẹso, ḍụọ nyanaḅọ ḅe nwẹnị ọ̀ fịrịmẹnjịapụ sịḅịdaḅọ sịn tẹ ọ̀ ḅẹẹ, ‘Kọrịnama kọrị apụ ma sịn tẹ ịna gbẹẹ aị kẹ ịn gbẹẹ. Kunoma ḅụ wa ọkọ apụ ḅụ saakị gbẹẹ ma mu wa tarị ọkọ apụ ma la.’

Luku 12:42

KỊNỊNYANAḄỌ ḅe nwẹnị pakịrị, “Ḅioḅẹngbọ kẹ ḅụụ ḅụ gbana na-iḅi, tẹ pịkị ye-nimi wararị fịrịmẹnjịḅọ ḅọrọ tụḅọ? Ori anie ọ̀ nyanaḅọ kẹ amịna warị ḍikiḍikiḅọ sọma, tẹ sakị laa sakị, laa sakị fịye ḍie osi afịrịmẹnjịapụ ma pịrị ḅarị ḅọ.

Luku 15:13

Boowa aḍin ḅọrọ tẹso, kalaḅọ ḅe nwẹnị ọ̀ la kiri mẹ dẹrị tẹ igbigi mẹ kẹ so iḅere-iḅerea anga simearị ama mu, tẹ arịmgba kẹ woso-woso ḍumo kọn fama.

Luku 15:30

Kụma ị́ aị mamgba ọkị mu ama mẹnjị ereme na fama, fama wararị tụḅọ ḅe ḅo gbọrụ sakị í tim-timtẹ nambulo ḅe ḅaa ọ̀ pịrị tẹ!’

Luku 16:19

“Gbọrụ sakị gbọrụ ngọ-kọnḅọ simem, tẹ kpọma ye la ḅụratẹ ḅiriaị ḅiri, ḅiri tẹ pịkị kpọma woso-woso ḍumo kọnm ene ḅaa ene, ḅaa ene.

Luku 16:2

Mie ḅụ ọ̀ nwẹnị ọ̀ sịn tẹ ọ̀ ḅẹẹ, ‘Ị́ ḅụụ à nwẹn naarị ye anie tiye? Ḅo ị̀ aị tẹ í ḍikiḍikiarị aị mamgba kịẹn tẹ saḅama ị̀ pịrịị, ị́ ḅarị ì ye ḍikiḍikiḅọ sọ ḅịa ẹrẹsị.’

Luku 19:20

“Jen fịrịmẹnjịḅọ ḅo tẹ ḅẹẹm, ‘Ị̀ nyanaḅọ, mie í golu igbigi, à pọkụtankịsị kẹ anị fịna tẹ kẹ ḅọịm.

Luku 8:3

Johana, Ẹrọdị warị ḅẹ opu fịrịmẹnjịḅọ, Suza nwẹn-sịn ḅọ ḅe ta ma na, Suzana na, pịkị ja ereme na ịn nyana aị kẹ ḅarasụa Jizọsị na ò ḍukamẹnjịapụ ma na pịrị pịrịm.

Tayịtọsị 1:7

Kẹ gotẹ ọkọ ḍukoarị, sọsị omongiḅọ mẹ mḅọ Tamụnọ atomi ḍikiḍikiarị sakị goyegoye, mḅọ ḅụụ ḅụ si ofori ḅara simee. Mḅọ opu ẹkwẹn kọn na owi ḅioḅẹngbọ na nyana ma, anịanịa iru ḅuu tọrụ-ḅaama, anịanịa kụrọ-kụrọ amịẹaị mịẹ, anịanịa igbigi kọn pọkọ-ḅẹngbọ sụa.

Jemụsị 4:3

Tẹ ó ḅiiarị sakị ọ́ nyana ḅo-a, ọ́ sụa tẹ kẹ ḅiiarị kuroma mẹ si wararị ẹrẹsị; ó ḅiiarị aị ma ọmịna tọrụ-ḅẹlẹ aị mie ọ́ kẹ mịẹarị.

1 Pita 4:10

Ọrụḅọ-ọrụḅọ, Tamụnọ kịrị-kịrị ḍiepịrị-aị ma ḅẹ ye-ḍikiḍikiḅọ ḅara ḅụ, Tamụnọ kẹ sikima mḅọ pịrị wararị ḍiepịrịye mẹ kẹ ja apụ iḅima ḅẹ kọrịnama kọrịị.