Luku 15:5 - FỊAFỊA BAỊBỤLỤ

⁵ Ọ̀ fa ye ḅe ẹrị sakị, opu ḅioḅẹlẹ ḅụ ori ọ̀ kẹ apana ọgọnọ gbana

Luku 15:5 Iomraidhean Croise

Ayịzaya 62:12

Ịn kẹ ịn sịn ḅarị ye: “Tamụnọ Fịafịa Atomi, KỊNỊNYANAḄỌ Ḅe Ḅọrọma Tẹ Apụ.” Ịn kẹ Jeruselemu sịn ḅarị ye: “Ḍọkị Pakama-ḅotẹ Ama, Tamụnọ Sịkị-a Opu Ama Mẹ.”

Ayịzaya 62:5

Asatụḅọ kpaịntẹ iriawọ-tụḅọ ọkị simearị ḅara kịka ḅara ḅụ ị́ tẹmẹḅọ ḅe í sime ḅa. Ẹrẹḅọ simearị owiḅọ ò simearị ẹrẹḅọ ma ḅụ ḅioḅẹlẹ nyana ḅara, Anị ḅara mie ị́ Tamụnọ ḅe ị́ ḅụ ḅioḅẹlẹ ḅarị ḅara.

Ayịzaya 63:9

ịna tọrụsiẹrị mamgba ḅụ. Enjẹlị-a, kụma KỊNỊNYANAḄỌ ḅe ḅioju mie ịn ḅọrọma ye. Ọ̀ ḅẹlẹma na sịḅị-kụrụkụrụ na ḅụ ori ịn pụkọ-pakamaḅom. Sakị mamgba ori ịn balarị ḅọrọtẹ sakị ḅụ sọ,

Izikẹlị 18:23

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe gbelarị, ‘Ó kuromarị tọrụ-tọrụ kẹ si tomḅọ mẹ ḍiki tẹ mḅọ fịị mẹ ị̀ ḅioḅẹlẹmarị aro? Ẹn-ẹn, anie nakara àrị ẹrị ḅẹ ḅiim mḅọ si-ḅụ-pịkị tẹ ḍumo.’ ”

Izikẹlị 33:11

Ḍuko ịn pịrị mịnẹ, piki-pikiye-ofori ḅara ḅụ, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe anie ḍumo wararị Tamụnọ ḅee ẹrẹsị, si-mịẹapụ fịị ị̀ ḅioḅẹlẹma ḅịa. Anie nakara ini ịna asi ḅụ ḅara-siin tẹ ḍumo mie à ḅiiarị ye. Izirẹlị, ọmịnị ọ́ mịẹarị siye mẹ dasịẹmaa. Ó tiye gotẹ fịị ḅẹ-ḅiiarị?

Mayịka 5:4

Ò ḅo sakị, KỊNỊNYANAḄỌ ḅe ịnyọ mẹ ḅụ, KỊNỊNYANAḄỌ ọ̀ Tamụnọ ḅe ẹrẹ mẹ ḅẹ ama-da opu mẹ ḅụ, ọ̀ sịẹ sime tẹ ḅẹrẹtọn ori atomi pịrị ḅa. Anịsakị mị sakị mẹ, ò gburo-gburo mu tomikiri mẹ ḅẹ akunoma ma la ḅa, tẹ ori atomi kpaịn tẹ gberie-sọ ḅụụ la-a ḅara kẹ anga ḅa.

Mayịka 7:18

Yei KỊNỊNYANAḄỌ, ị́ kịka jen tamụnọ ofori; ị́ atomi ma ḅụ fịị-a tẹ ḍumo apụ ma, í si-wẹrịso ịn pịrị famam. Ị́ ịganị ḅụ sime gbamaso-a; kụma í jike-a ḅẹlẹma kẹ wa ḍie mẹ, ị́ ḅụụ-ḅẹlẹ ye sọm.

Zẹfanaya 3:17

KỊNỊNYANAḄỌ ị́ Tamụnọ ḅe ị́ na emi; Ọ̀ kụrọ owu-ḅara-iḅi kẹ ị́ pịrịarị. KỊNỊNYANAḄỌ ḅe í ḍiki tọrụ-ḅẹlẹ ḅa, tẹ ọ̀ ḅẹlẹma ḅụ ori ịwọ ḍumo kẹ ị́ pịrị ḅa. Ori í gotẹ nume-su tẹ ḍereku ḅa.

Luku 15:32

Kụma wa alalị fị tẹ ḅioḅẹlẹ na-iḅim, í iyimbere ḅe ọ̀ fịịm, kụma mịọkụ ọ̀ ḍumo tẹẹ; ọ̀ faam, kụma mịọkụ ọ̀ paka-ḅo tẹẹ.’”

Luku 15:4

“Ọmịna ḅụ gbọrụḅọ anana sọnọa asi nyana tẹ gberie fa kụma mḅọ tiye mịẹ ḅẹ? Mḅọ gberie fa sọnọa asi ma kẹ osuka fị anga mẹ ḅụ koroma tẹ mu fa gberie ḅe ḍọkị nwenii mḅọ ori ẹrị ḅa.

Luku 15:6

tẹ kẹ so warị mu ḅa. Anịtẹso ori ori ikiapụ na ori na kpeki tẹ anga apụ na sin kobiri tẹ ịn ḅẹẹ ḅa, ‘Ì ḅioḅẹlẹ lamarị, ị̀ anana fa ye ḅe paka-ḅo tẹ. Ó yee wa anị gotẹ tii kọn!’

Luku 19:9

Jizọsị nwẹnị ọ̀ ḅẹẹ, “Mịmgba ḅọrọma ḅo mị warị la tẹ; ḅieḅe sọ kọkọ Ebira-amụ furo-ḅẹ-ḅọ.

Luku 23:43

Jizọsị nwẹnị ọ̀ ḅẹẹ, “À minini ị́ pịrịm, mịmgba na ị̀ na Paradayịsị ḅio sọ ḅa.”

Jọnị 15:11

“À miemẹ ḍuko ọ́ pịrị tẹ, mịẹtẹ ị̀ ḅioḅẹlẹ mẹ ọmịna ḅụụ ḅio sọ tẹ ọmịna ḅioḅẹlẹ mẹ bebe ye sọ ḅarị ḅara.

Ẹfisọsị 2:10

Tamụnọ wa kẹ wa simearị ḅara mẹ wẹrịm, tẹ Kịrayịsị Jizọsị na gbọrụ ḅụ sime ḅụ, ọ̀ wa tẹmẹ tẹ kẹ iḅi amịẹaị ḍumo pịrị tẹẹ, anie ọ̀ tẹlẹma wẹrị wa pịrị tẹ wa mịẹ ḅẹ aị ma.

Ẹfisọsị 3:7

Tamụnọ karakara ḍiepịrịye mie mịẹtẹ àrị iḅi oku mẹ ḅẹ fịrịmẹnjịḅọ sọ yee, anie ọ̀ kụrọ mẹ kọrịarị kọrịnama mẹ ḅụ ọ̀ ḅọrọ tẹ kẹ ị̀ pịrị ye mẹ.

1 Tẹsalonịka 1:5

Kẹ gotẹ ọkọ ḍukoarị, wa Iḅi-Oku mẹ kẹ ḅo ọ́ pịrị ye mẹ, ẹkwẹn-ḅịḅị ḅụ kịngẹ-a, kụma kụrọ na, Fịafịa Tẹmẹ ḅe na, busunutẹ ḅara kẹ anị ḅẹ karakara mẹ minini na ḅụ. Wa ọmịnị na simearị sakị wa anga ḅara ó nimi wararị; ọmịnị iḅi mie wa gotẹ anị ḅara anga ye.

2 Timoti 2:26

Anịtẹso ịn naa-ḅo tẹ ịna karakara kuroma ḅụ sọ tẹ Ekwesu ḅe ḍiein mẹ ḅio pụkọ-pakaḅo ḅarị ḅara, anie in kuun-sịẹma tẹ ini ọ̀ ḅịḅị pokiarị ye mẹ ḅio.

Hiburu 12:2

Ó yee wa tọrụ kẹ Jizọsị ọgọnọ gbana; ọ̀ ḅụụ mie wamịna minini mẹ saakị tẹ pịkị mu kunomaye. Ori, ori ẹngbẹsẹ-sịn mẹ gotẹ ọḅụ da-a! Anie nakara, tọrọkọ-jụ sime ọ̀ pịrị ḅioḅẹlẹ mẹ ẹrẹsị ẹngbẹsẹ-sịn ọgọnọ ḅẹ fịị ḅụụ-jịrị mẹ ọ̀ kẹ ye-sịn-a, tẹ mịọkụ Tamụnọ ọ̀ kẹ amịna emine mẹ ḅẹ ama-ḅara anga lẹgịma tẹ.

1 Pita 1:5

Arị sime ọ́ pịrịm, ọmịnị minini ḅụ Tamụnọ kụrọ mẹ wẹrị kpaịnma ḅọrọma pịrị wararị apụ ma, anie Tamụnọ tẹlẹma wẹrị wararị tẹ kunoma sakị mẹ ḅụ ọ̀ mịẹfinji ḅarịye mẹ.