Luku 15:4 - FỊAFỊA BAỊBỤLỤ

⁴ “Ọmịna ḅụ gbọrụḅọ anana sọnọa asi nyana tẹ gberie fa kụma mḅọ tiye mịẹ ḅẹ? Mḅọ gberie fa sọnọa asi ma kẹ osuka fị anga mẹ ḅụ koroma tẹ mu fa gberie ḅe ḍọkị nwenii mḅọ ori ẹrị ḅa.

Luku 15:4 Iomraidhean Croise

Devidi-Anume 119:176

Àrị iri-faa tẹ anana ikele-ikele ḅara ikele-ikelearị; ọkọẹrẹsị ḅo tẹ ị̀ ḍọkị pakama-ḅo, yẹrị ị́ fịrịmẹnjịḅọ ḅe, amụ àrị í oloko ma ḍiki-tọrụsin-a ẹrẹsị.

Ayịzaya 53:6

Wamịnị-mgba iri-faa tẹ anana kịkam, wamịna ḅụ ọrụḅọ-ọrụḅọ amịna jụ dam. Kụma KỊNỊNYANAḄỌ ḅẹ fomuye mẹ ori ọgọnọ saram, wamịnị-mgba daa na-iḅi fomu-ḅara mẹ.

Jerimaya 33:13

Tụndụ ọgọnọ ḅẹ ama ma ḅio, tụndụ akaka ḅẹ lẹsẹrẹtẹ akiri ma ọgọnọ, Juda ḅẹ suku-jụ mẹ na, Benijamịnị ibe ḅụ na Jeruselemu ikelema-koro ḅẹ kala-ama ma ḅio na, Juda ḅẹ ama ma ḅio ḅụ anana-ḍikiḍikiapụ siin jen kẹ ịna anana kịẹn nimi ḅa. Yẹrị, KỊNỊNYANAḄỌ ḅe, ọkọ ḅẹẹm.”

Jerimaya 50:6

“Ị̀ atomi ma kịkarị ye anie anana ogbo tẹ ḍikiḍikiarị apụ ḍiki-tọrụsin tẹ tụndụ ma ọgọnọ iri-faa aị. Ini anana kịka tẹ ikele-ikele tẹ, gbọrụ tụndụ ḅụ so mu osi ye la, tẹ ini ịna sime-anga kẹ ḅioḅọrọma tẹ.

Izikẹlị 34:16

À fa tẹẹ aị ma ḍọkị ḅa, ikele-ikele so mu jen anga la tẹ aị ma kẹ pịkị-ḅo ḅa, yelatẹ aị ma ịnọ ma fịna ḅa, tẹ obiarị aị ma gwọ ḅa; kụma tim-timtẹ oju iḅi wararị aị ma à ḅaa guluguluma ḅa, yẹrị anie kuraye mịẹarị anana-ḍikiḍikiḅọ ẹrẹsị.

Izikẹlị 34:31

“Ọmịnị, ị̀ anana, à fịye kẹ pịrị fịarị anana-ogbo mẹ, anie ị̀ atomi ma, yẹrị ọmịna Tamụnọọ,” Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅarị.

Izikẹlị 34:4

Amụ ọmịnị ịnyọ ḅụụ ḅụ fa tẹẹ aị ma ḍikiḍiki-a, obiarị aị ma gwọ-a, yela aị ma ịnọ ma fịna-a, etela-iri tẹ aị ma kẹ pịkị-ḅo-a, anịanịa fa aị ma ḍọkị. Anie nakara ọ́ kụrọ-kụrọ ḅara kẹ arị na mịẹm.

Izikẹlị 34:8

Yẹrị anie ḍumo wararị Tamụnọ ḅe sakị goyegoye, ọmịnị í poki na-iḅim. Piri-ḅio-ḅẹ si anama ḅo ị̀ anana ma ogbo koro tẹ ịn ḅaa pẹịm, anana-ḍikiḍikiḅọ ofori ẹrẹsị. Ị̀ anana-ḍikiḍikiapụ ḅụụkụrọma tẹ anana ma ḍọkị-ḅoa. Ịna ḅụụ mie in ḍikiḍiki sime ye, ị̀ anana ma-a.

Matiyo 12:11

Jizọsị nwẹnị pakịrị, “Ọmịnị ọmịna ḅụụ kẹ tọnmaa. Ọmịna ḅụ gbọrụḅọ anana ḅịkị olulu ḅio koro kụma Ịnyọsara-Ene mẹ ḅụ, mḅọ tuuideri tẹ ọ̀ nụnụ pakama-ḅo ḅịa?

Luku 13:15

KỊNỊNYANAḄỌ ḅe nwẹnị ọ̀ pakịrị, “Ọmịnị mịẹ tomi ḍie apụ! Ọmịna ḅụ tụḅọ Ịnyọsara-Ene mẹ ḅụ amịna nambulo, anịanịa asụ, fima tẹ kẹ paka mu tẹ ò minji ḅuu ḅịa?

Luku 15:3

Mie ḅụ Jizọsị nwẹnị mị egberi mẹ gbaa ịn pịrị:

Luku 19:10

Fa apụ ḍọkị tẹ ịn ḅọrọma mie Tomḅọ Tụḅọ ḅe gotẹ ḅo ye.”

Romu 2:1

Ì ikiaḅọ, ị́ jen-apụ kọn, kọn ḅẹḅẹ, ḅọrọ tụḅọ-o, tụḅọ-o sọ, ị́ ḅarị gotẹ so ḅẹ ye nyana-a, í gotẹ ḅẹrẹ-ḅarasii pẹlẹ jen-apụ pịrị ye mẹ sọ mịẹarị sakị goyegoye ị́ pịkị ḅẹrẹ-ḅarasii pẹlẹ ị́ ḅụụ sọ pịrịarị.

1 Pita 2:25

Etela iri-faa tẹ anana anie ọ́ kịka yee, kụma mịọkụ Tamụnọ ọ́ kẹ pịkị ọmịna atẹmẹ Ḍikiḍikiḅọ, pịkị Kokoḅọ ḅe ḍukamẹnjị ḅẹ ḅo tẹẹ.