Luku 15:32 - FỊAFỊA BAỊBỤLỤ

³² Kụma wa alalị fị tẹ ḅioḅẹlẹ na-iḅim, í iyimbere ḅe ọ̀ fịịm, kụma mịọkụ ọ̀ ḍumo tẹẹ; ọ̀ faam, kụma mịọkụ ọ̀ paka-ḅo tẹẹ.’”

Luku 15:32 Iomraidhean Croise

Devidi-Anume 51:8

Yee à ḍereku na ḅioḅẹlẹ na fiearị apọkọ ma naa; karakaraye ị́ ị̀ mgbe ma gbẹẹ-kọsịma tẹ sọ, à pịkị siin jen kẹ ḅioḅẹlẹ ḅa.

Ayịzaya 35:10

In ḅioḅẹlẹ kẹ mu Jeruselemu la ḅa; nume-suarị, oloku-oloku ḍerekuarị. In ḅioḅẹlẹ mu ḅẹẹ-sakị ḅẹẹ-sakị la ḅa, kururu na ḅioḅẹngbọ-si na ḅarị ịn la-a gbamasom.

Hosiya 14:9

Yee ye-nimiapụ mị yọọ kẹẹ koro wararị aị ma fiearị ye naa, tẹ yee ini arị ọkị ḅioḅẹngbọ suu. KỊNỊNYANAḄỌ ḅe etela ma kuram, tẹ karakara mịẹ atomi arị ḍiki angarị, kụma si-mịẹapụ pụmbụ tẹ ḅịkịarị ini arị kẹ ye-sịn-a ẹrẹsị.

Matiyo 18:11

Gbala Tomḅọ Tụḅọ ḅe ḅo fatẹ apụ ma ḅọrọma ḅẹ ḅom ẹrẹsị.

Luku 15:24

Gbala ḅie ị̀ tụḅọ ḅe ọ̀ fịịm, kụma mịọkụ ò ḍumo tẹ; ọ̀ faam, kụma mịọkụ ọ̀ paka-ḅo tẹ!’ Tẹ ịn nwẹnị saakị alalị mẹ fị.

Luku 15:31

Ḍaḅọ ḅe nwẹnị pakịrị, ‘Ị̀ tụḅọọ, sakị mamgba ị́yẹrị kọkọ ị̀ na emi, à nyana ye, nyana ye í nye.

Luku 7:34

Tomḅọ Tụḅọ ḅe ḅo tẹ fị-na-ḅuu-naarị, tẹ ọmịnị mẹẹ, ‘Ḅieḅe ḍikii! Fị ye fị ye pọkọ-ta-a ḅọ, iru ḅuuḅọ, ama-igbigi da apụ na ama sịkịtẹ apụ na ikiaḅọ!’

Romu 11:15

Kẹ gotẹ ọkọ ḅẹẹarị, Tamụnọ ịn sịkị ye mẹ ḅụ mie bebe tomikiri mẹ ḅọrọ tẹ Tamụnọ na fịya tẹ ori ikiapụ sọ yee. Nwẹnị ọkọ kụma, ndẹẹ anị sime ḅẹ ḅara ọ̀ pịkị ịn daa-ọkị sakị? Anị gbala kịka ḅarịye anie fịtẹ-ḅọ ḍumo tẹẹ!

Romu 3:19

Mịọkụ wa nimi tẹ mịnẹ Oloko mẹ ḅio kẹẹ koro wararị aị ma sime Oloko mẹ suku-ḅio sime apụ pịrịm. Miemẹ anie gbọrụḅọ sọ ḅarị kẹ gotẹ so aị nyana ḅịa ye Tamụnọ tomi mamgba kọn ḅarị sakị.

Romu 3:4

Gbala-gbala ọkọ sime ye ofori. Inweni-mgba iruo apụ sọ tẹ sọ, Tamụnọ rẹ ọ̀ ḅịḅị ḍima ḍima-a. Fịafịa Ḍiri mẹ ḅẹẹm, “Ị́ ẹkwẹn sakị tomi nimi ḅa ị́ karakaraye ḍukoarị; ini ị́ kọn sakị ị́ ḅẹrẹ-ḅaraiḅi nyana ḅa.”