Luku 15:30 - FỊAFỊA BAỊBỤLỤ

³⁰ Kụma ị́ aị mamgba ọkị mu ama mẹnjị ereme na fama, fama wararị tụḅọ ḅe ḅo gbọrụ sakị í tim-timtẹ nambulo ḅe ḅaa ọ̀ pịrị tẹ!’

Luku 15:30 Iomraidhean Croise

Paka-so 32:11

Kụma Mozizi KỊNỊNYANAḄỌ ọ̀ Tamụnọ ḅe tẹkẹm, “Yei KỊNỊNYANAḄỌ ị́ kụrọ ịganị mẹ tiegotẹ Ị́ atomi ma tẹ Ijiputi ama mẹ ḅio ị́ opu kụrọ na, kụrọtẹ opu ḅara na kẹ pakama-ḅo apụ ma da-paka tẹ ọfịrị ịn dọkịma ḅẹ?

Paka-so 32:7

KỊNỊNYANAḄỌ ḅe nwẹnị Mozizi ḅẹẹ, “Ideri-muu, kẹ gotẹ ọkọ ḅẹẹarị, ị́ atomi inima tẹ ị́ Ijiputi ama ḅụ pakama-ḅo apụ ma ịna aḅụụ sima tẹ.

Egberima-Ẹkwẹn 29:3

Í nimi kẹ ye-sịn-arị ḅẹḅẹ ị́ ḍa ị́ kẹ ḅụụ-tọn ḅa. Igbigi fama sẹfị-ereme pịrị mẹ anie oḅori fa.

Makị 12:44

Kẹ gotẹ ọkọ ḍukoarị, osi apụ mamgba ịn nyana sara aị ḅụ ini inetẹ pakama ḅẹ aị mịẹ ịn kẹ sụa ye; kụma árị, árị igoin la ḅara ḅụ, á nyana ye mẹmgba kẹ sụam. Á nyana tẹ kẹ anga ḅẹ ye mẹmgba mie á kẹ sụa ye.”

Luku 15:29

Kụma ọ̀ nwẹnị ọ̀ ḍa pakịrị, ‘Ị́yẹrị sọ ḍikii, mịna akụra mamgba à nwẹn kẹ omoni fịrị mẹnjị ị́ pịrị tẹ, jene-jene amụ àrị ị́ ḅịḅị kan-a. Í tiye kẹ ị̀ pịrị tẹ? Gbọrụ oḅori tụḅọ kịngẹ sọ amụ ị́ kẹ ị̀ pịrị tẹ à kẹ ì ikiapụ na alalị fị-a!

Luku 15:31

Ḍaḅọ ḅe nwẹnị pakịrị, ‘Ị̀ tụḅọọ, sakị mamgba ị́yẹrị kọkọ ị̀ na emi, à nyana ye, nyana ye í nye.

Luku 15:32

Kụma wa alalị fị tẹ ḅioḅẹlẹ na-iḅim, í iyimbere ḅe ọ̀ fịịm, kụma mịọkụ ọ̀ ḍumo tẹẹ; ọ̀ faam, kụma mịọkụ ọ̀ paka-ḅo tẹẹ.’”

Luku 18:11

“Farịsiiḅọ ḅe nwẹnị sikima ḅele tẹ tẹkẹ, ‘Tamụnọ, àrị ịmịẹtẹ kẹ ị́ ḅẹẹm, mịnẹ à ja tomi sime-ḅara sime-a — opu pọkọ-ḅẹngbọ sụa, ja apụ mingirima, anịanịa sẹfị ma ḅọrọ. Ịmịẹtẹ mịnẹ àrị anịanga simearị ama-igbigi da ḅọ ḅe na kịka-a.