Luku 15:24 - FỊAFỊA BAỊBỤLỤ

²⁴ Gbala ḅie ị̀ tụḅọ ḅe ọ̀ fịịm, kụma mịọkụ ò ḍumo tẹ; ọ̀ faam, kụma mịọkụ ọ̀ paka-ḅo tẹ!’ Tẹ ịn nwẹnị saakị alalị mẹ fị.

Luku 15:24 Iomraidhean Croise

Suku-saakị 45:28

Tẹ Izirẹlị nwẹnị ḅẹẹ, “Iḅi tẹ; ì owiḅọtụḅọ Josẹfụ paa ḍumo wararị; à mu ori ẹrị tẹrẹmẹ à fịị ḅa.”

Ayịzaya 35:10

In ḅioḅẹlẹ kẹ mu Jeruselemu la ḅa; nume-suarị, oloku-oloku ḍerekuarị. In ḅioḅẹlẹ mu ḅẹẹ-sakị ḅẹẹ-sakị la ḅa, kururu na ḅioḅẹngbọ-si na ḅarị ịn la-a gbamasom.

Ayịzaya 66:11

Ị́ á lọkọlọkọ ḅẹ iḅi fị ḅa, gbala kalatụḅọ iyingiḅọ kuḅu ḅio emi ye ọkụ.

Izikẹlị 34:16

À fa tẹẹ aị ma ḍọkị ḅa, ikele-ikele so mu jen anga la tẹ aị ma kẹ pịkị-ḅo ḅa, yelatẹ aị ma ịnọ ma fịna ḅa, tẹ obiarị aị ma gwọ ḅa; kụma tim-timtẹ oju iḅi wararị aị ma à ḅaa guluguluma ḅa, yẹrị anie kuraye mịẹarị anana-ḍikiḍikiḅọ ẹrẹsị.

Izikẹlị 34:4

Amụ ọmịnị ịnyọ ḅụụ ḅụ fa tẹẹ aị ma ḍikiḍiki-a, obiarị aị ma gwọ-a, yela aị ma ịnọ ma fịna-a, etela-iri tẹ aị ma kẹ pịkị-ḅo-a, anịanịa fa aị ma ḍọkị. Anie nakara ọ́ kụrọ-kụrọ ḅara kẹ arị na mịẹm.

Matiyo 8:22

Jizọsị nwẹnị pakịrị, “Ị́yẹrị ì ḍuka ḅoo; wẹrịso tẹ fịtẹ-apụ ma ịna fịtẹ-apụ ma ḍiḅi.”

Makị 8:22

In ḅo Bẹtịsayịda lam, anịanga ḅụ kịnị nwẹnị tọrụngbọ-pụụntẹ gbọrụ owiḅọ kẹ Jizọsị dama-ḅo tẹ ọ̀ tẹkẹ mịnẹ ọ̀ ḅara kẹ ọ̀ lamaa.

Luku 10:19

Ó pokii! À kụrọ kẹ ọ́ pịrị tẹ ọ́ kẹ ododo na akpị na ọgọnọ sịẹ mẹnjịị, tẹ pịkị kẹ Ekwesu kụrọ mẹ nẹngịmaa, tẹ gberie-sọ ye kẹ ọ́ lama ḅịa.

Luku 15:23

Anịtẹso ó mu tim-timtẹ nambulo ḅe ọkị tẹ ḅaa, tẹ wa alalị fị tẹ tii kọn.

Luku 15:25

“Anị sakị omongiḅọ ḅe piri-ḅio emi. Ọ̀ pịkịma ḅo warị kpeki tẹso, ọ̀ nwẹnị in su-na-sẹkị-naarị ye mẹ naa.

Luku 15:32

Kụma wa alalị fị tẹ ḅioḅẹlẹ na-iḅim, í iyimbere ḅe ọ̀ fịịm, kụma mịọkụ ọ̀ ḍumo tẹẹ; ọ̀ faam, kụma mịọkụ ọ̀ paka-ḅo tẹẹ.’”

Luku 15:4

“Ọmịna ḅụ gbọrụḅọ anana sọnọa asi nyana tẹ gberie fa kụma mḅọ tiye mịẹ ḅẹ? Mḅọ gberie fa sọnọa asi ma kẹ osuka fị anga mẹ ḅụ koroma tẹ mu fa gberie ḅe ḍọkị nwenii mḅọ ori ẹrị ḅa.

Luku 19:10

Fa apụ ḍọkị tẹ ịn ḅọrọma mie Tomḅọ Tụḅọ ḅe gotẹ ḅo ye.”

Luku 9:60

Jizọsị nwẹnị pakịrị, “Yee fịtẹ-apụ ma ịna fịtẹ-apụ ma ḍiḅi. Ị́yẹrị paa mu Tamụnọ Ama-da mẹ gboloma oku mẹ ḍuko wasamaa.”

Jọnị 11:25

Jizọsị nwẹnị á ḅẹẹ, “Yẹrị anie fị-ḅụ-saakị ḅee, pịkị ḍumo ḅee. Ì minini ḅọ, minini ḅọ mḅọ ḍumo ḅa; mḅọ ḅọrọ fịị sọ,

Jọnị 5:21

Ḍaḅọ ḅe fịtẹ-apụ ma saakịma tẹ in ḍumoarị ḅara, anị gbọrụ ḅara mẹ mie Tụḅọ ḅe sọ ḍumo kẹ ò ḅiotọn apụ pịrịarị ḅara.

Romu 11:15

Kẹ gotẹ ọkọ ḅẹẹarị, Tamụnọ ịn sịkị ye mẹ ḅụ mie bebe tomikiri mẹ ḅọrọ tẹ Tamụnọ na fịya tẹ ori ikiapụ sọ yee. Nwẹnị ọkọ kụma, ndẹẹ anị sime ḅẹ ḅara ọ̀ pịkị ịn daa-ọkị sakị? Anị gbala kịka ḅarịye anie fịtẹ-ḅọ ḍumo tẹẹ!

Romu 12:15

Ó ḅioḅẹlẹarị apụ na sọ tẹ ḅioḅẹlẹẹ; tẹ owuarị apụ na sọ tẹ owuu.

Romu 6:11

Anị gbọrụ ḅara ḅụ, ọmịnị sọ ọkịị mịnẹ ọ́ fịị si pịrị tẹ, kụma ọ́ Kịrayịsị na gbọrụ ḅụ sime tẹ ḍumo Tamụnọ pịrị wararị.

Romu 6:13

Ọ́ pịkị ḍụkụ tẹ si ọmịna ḅụ ḅẹ gbọrụ pakịrị sọ ọkị mu si amịẹaị ḅio suu ma. Anie nakara ọmịnị ọmịna aḅụụ mamgba saakị Tamụnọ pịrịị, anie fịị ḅụ ḅọrọ ḅo ḍumo ḅio sọ tẹ apụ ḅara ḅụ, tẹ ọmịna bebe oju mẹ sịkị karakara mịẹ pịrịị.

Romu 8:2

Gotẹ ọkọ ḅẹẹarị, Kịrayịsị Jizọsị ḅụ, Tẹmẹ ḅe kẹ ḅo wararị ḍumo pịrị oloko mẹ, si na fịị na oloko mẹ ḅụ ị̀ fima tẹ.

1 Kọrịntị 12:26

Oju mẹ ḅẹ gbọrụ pakịrị tọrụsiẹrịarị ḅẹḅẹ, osi apakịrị mamgba anị na sọ tẹ tọrụsiẹrịarị; ịn gbọrụ pakịrị tokinim ḅẹḅẹ, osi apakịrị mamgba anị na sọ tẹ ḅioḅẹlẹarị.

Ẹfisọsị 2:1

Ọmịna ḅịḅịpoki-a na ọmịna asi na gotẹ, ḅọrọtẹ sakị mẹ ḅụ ọ́ tẹmẹ ḅụ fịịm.

Ẹfisọsị 2:5

mịẹtẹ wa ḅịḅịpoki-a ḅụ tẹmẹ ḅụ fịị wararị ogbo ọ̀ wa kẹ Kịrayịsị ḅụ sụa ḍumomam. Tamụnọ ḍiki-ḅụụjịrị ḅụ mie ọ́ ḅọrọma ye.

Ẹfisọsị 5:14

kẹ gotẹ ọkọ ḍukoarị, ḅẹẹ ye, ḅẹẹ ye, ịn banabana ḅara kẹ anị mịẹfinji tẹ ḅẹḅẹ anị bele sọ tẹ. Anie in gotẹ ḅẹẹ ye, “Saakịị, mono-ḅọ, tẹ fịị ḅụ saakịị, anịsakị Kịrayịsị ḅịya ị́ sarama ḅa.”

Kọlọsị 2:13

Sakị ḅẹ gbọrụ sakị ḅụ, ọmịna asi gotẹ tẹmẹ ḅụ ọ̀ fịịm, anie ọmịnị Ja asịẹ ḅẹ apụ tẹ Oloko mẹ nyana-a ẹrẹsị. Kụma mịọkụ Tamụnọ ọ́ kẹ Kịrayịsị ḅụ sụa tẹ ḍumo ḅụ suu tẹ. Tamụnọ wamịna asi mamgba wẹrịso wa pịrịm;

1 Timoti 5:6

Kụma amịna ḅụụ kẹ tomikiri ḅẹ tọrụ-ḅẹlẹ pịrị tẹ diḅọ-fịtẹ-ẹrẹḅọ ma, á fịị tẹ simearị kụra-ḅio iḅerea, á ḍumoarị nwẹn ḅẹẹ sọ.

Judu 1:12

Mịna atomi ma, ó ḅo gboloma fịye fị ḅẹ tẹ kobiri wararị anga ḅụ ịn ḅụụ-jịrịma ye sọ ọ́ pịrịarị. Ini ngẹrị ye goyegoye fị sin ḅẹ ḅara mie ịn mịẹarị, ịn ja apụ bala-a. Ịn kịkarị ye, kpiti So-tọrụ tẹ fẹrụ kan so tẹ ḅarị eene koroma-a ye. Ịn kịkarị ye mgbọlụ sụa-a sịn, anị ḅẹ sakị ḅo la sọ, gbala suku na, suku na nụnụ pakama-ḅo tẹ kiri ọgọnọ sime tẹ kpatụ fịtẹ sịn.

Mịẹfinji 3:1

“Mị ḍiri mẹ kẹẹ tẹ kẹ Sadisi ḅẹ sọsị mẹ ḅẹ enjẹlị ḅe fịrịmaa: “Mie Tamụnọ sọnọma atẹmẹ ma na, sọnọma lolia ma na nyana ḅọ ḅe kẹ fịrịma oku mẹ. Ị́ mịẹarị ye mẹ à nimi wararị; ị́ fịị wararị tẹ kịnị mamgba ḍumo wararị ḅọ kẹ ị́ sịn-arị ye mẹ à nimim!