Luku 15:22 - FỊAFỊA BAỊBỤLỤ

²² Kụma ḍaḅọ ḅe nwẹnị ọ̀ fịrịmẹnjịapụ sịn tẹ ḅẹẹ, ‘Ọ́ fọnya mu iḅitẹịn kapa mẹ kẹ ḅo ọ̀ sụa, ó gulu kẹ ọ̀ ḅara-tụngbalị sụa, pịkị okuro kẹ ori aḅụọ sụa.

Luku 15:22 Iomraidhean Croise

Suku-saakị 41:42

Anịtẹso Fero nwẹnị ọ̀ ḅara-tụngbalị ḅụ amadaḅọ elekima simearị gulu sịn tẹ kẹ Josẹfụ ḅara-tụngbalị sụa, tẹ nwẹnị iḅi lọkọ-ḅịtẹ kẹ gbin wararị opu akapa kẹ ò ḅirima, tẹ golu-golu pọkọsụaye kẹ ọ̀ pọkọ sụa;

Ẹsịta 3:10

Anieḅụ amadaḅọ ḅe nwẹnị ọ̀ ḅara-tụngbalị ḅụ ori elekima emi gulu sin tẹ anị kẹ Emanị, Amẹdata owiḅọtụḅọ, Egagị ḅẹ ḅọ tẹ Juu-ḅẹ-apụ ma na fịya-a ḅọ ḅe pịrị.

Ẹsịta 8:2

Amadaḅọ ḅe nwẹnị ọ̀ ḅara-tụngbalị elekima emi gulu mẹ tẹ ori Emanị ḅara ọkị ye mẹ kẹ Mọdịkaya pịrị. Ẹsịta nwẹnị Emanị warị mẹ kẹ Mọdịkaya pịrị ḍikiḍiki.

Devidi-Anume 132:16

Àrị árị agbamịẹapụ ma kọrịarị aị mamgba boma ḅa, tẹ árị atomi ma nume su-su tẹ ḍereku oloku kọn ḅa.

Devidi-Anume 132:9

Yee ị́ agbamịẹapụ ma sakị mamgba kuraye mịẹ; yee ị́ atomi ma ḍereku oloku kọn.

Devidi-Anume 18:33

Ọ̀ mịẹ tẹ ị̀ ḅụọ kụrọ kiri sịẹarị, tụḅara ọkụ; tụndụ ma ọgọnọ ḅụ ọ̀ ḍụkụ tẹ ye ị̀ la-a.

Devidi-Anume 45:13

Amadaḅọ ada ma ama-da opu warị mẹ ḅio emi — árị iḅi ye ḅakam. Á sụa wararị vọrọrọ-kapa mẹ golu-golu iri mie ịn kẹ anị ḍori yee.

Sọlọmọnị Ḅẹlẹtẹịn Nume 7:1

Ị́yẹrị ḅọrọ tọ-ḅara sime ḅụụ-ḅẹlẹma ẹrẹḅọ mọ! Ị́ aḅụọ-kuḅu anda kọnma-a, gbaịn-a okuro ḅụ! Ị́ aḅụọ-furo ma ḅẹ fongolo mẹ kịkarị ye aka-ḍịnḅọ kọrị kọrịnama ọkụ.

Ayịzaya 61:10

Jeruselemu ḍerekuarị KỊNỊNYANAḄỌ ḅe kọrị tẹ ye mẹ ẹrẹsị. Á kịkarị ye owiḅọ sime ḅẹ tẹ ḅirima ẹrẹḅọ. Tamụnọ ḅọrọma na owu-ḅara-iḅi na kẹ kapa sọma tẹ kẹ á sụa tẹẹ.

Luku 15:21

Tẹ tụḅọ ḅe nwẹnị ḅẹẹ, ‘Ḍaa, à si kẹ Tamụnọ mịẹ tẹẹ, pịkị ị́yẹrị sọ. À ḅarị jen kẹ ị́ tụḅọ fị na-iḅi-a.’

Luku 15:23

Anịtẹso ó mu tim-timtẹ nambulo ḅe ọkị tẹ ḅaa, tẹ wa alalị fị tẹ tii kọn.

Romu 13:14

Kụma KỊNỊNYANAḄỌ Jizọsị Kịrayịsị owuna-aị ma ọkị ḅiri, tẹ ḅarị tomḅọ si sime-ḅara kẹ ye sịn tẹ anị ḅii ye, ḅii ye mịẹ ma.

Romu 3:22

Jizọsị Kịrayịsị ḅụụ minini nyana anie Tamụnọ kẹ kịnị kẹ karakara ḅụ wẹrịarị. Kịrayịsị minini apụ mamgba Tamụnọ ọkọ mịẹ ịn pịrịarị, gbala-gbala ọ̀ kịrị pakama-a.

Romu 8:15

Kẹ gotẹ ọkọ ḍukoarị, Tamụnọ kẹ ọ́ pịrị Tẹmẹ ḅe ọ́ kẹ omoni sọma tẹ ọmịna Tẹmẹ-naịn-naịnma ḅẹ ḅọ-a; anie nakara Tẹmẹ ḅe rẹ ọ́ kẹ Tamụnọ awọmẹ sọmarị, tẹ Tẹmẹ ḅe kụrọ ḅụ wa oloku pakama tẹ Tamụnọ naa ḅa, “Ḍaa, ị̀ Ḍa.”

Galesiya 3:27

Ó minji sara tẹ Kịrayịsị na gbọrụ ḅụ simem, tẹ mịọkụ ḅo, ye ḍuko-ḍuko ḅara, ḅụ, Kịrayịsị ḅe ḅioju ḍumo mẹ kẹ kapa sọma sụa tẹ.

Ẹfisọsị 6:15

tẹ ọmịna okuro ma nwẹnị karakara sime dein Iḅi Oku mẹ ḍuko wasama aị sọ.

Ditẹrọnọmị 33:25

Ị́ ẹngbẹsẹ ma ikulele na, ojo na sọ ḅa; ị́ ịnyọ, ị́ ene ma sime la ḅara la ḅa.

Mịẹfinji 19:8

Ini á sụa ḅẹ fịafịa, yori-yoritẹ iḅi kapa kẹ á pịrị sụa ḅẹm. (Nwẹn ḅẹẹ fịafịatẹ yori-yoritẹ iḅi kapa mẹ anie Tamụnọ atomi ma iḅi amịẹaị ma.)

Mịẹfinji 2:17

“Ọkọẹrẹsị, í ḅeri nyana tẹ kẹ ye naarị ḅẹḅẹ, Tẹmẹ ḅe ḍuko sọsị ma pịrịarị ye mẹ pokii! “Owu-ḅara-iḅi mẹ nyana apụ ma à ḅọị wararị mana mẹ ḅẹ aị kẹ ịn pịrị fị ḅa. À pịkị pịna-pịna ḍụḅarị, tẹ ịwọ ẹrẹ anị ḅụ kẹẹ wararị ye, anie anị nyana wararị ḅọ sikima tẹ gbọrụḅọ-sọ inetẹ nimi, nimi-a ye, mẹ kẹ ịna ḅụ ọrụḅọ-ọrụḅọ pịrị ḅa.

Mịẹfinji 3:18

Ọkọẹrẹsị àrị ị́ ḅẹẹarị, ị̀ ḅara golu fẹẹ, iḅi golu, mịẹtẹ ị́ ngọ-kọn ḅarị ḅara. Pịna-pịna ḅịtẹ sọ fẹẹ tẹ kẹ ị́ ḅụụ ḅirimaa, tẹ kẹ ị́ paụ mẹ kikimaa. Olo sọ fẹẹ tẹ kẹ ị́ atọrụngbọ tan, mịẹtẹ í ye ẹrị ḅarị ḅara.

Mịẹfinji 6:11

Ịn pịna-pịnatẹ vọrọrọ-kapa kẹ ịna aḅụụ ọrụḅọ-ọrụḅọ pịrị tẹ ḍuko ịn pịrịm, mịnẹ ịn kẹlẹ ịnyọsara alama ḅa, nwenii tẹ ịna pembema fịrịmẹnjịapụ na, mịnapụ na tẹ tomikiri ḅẹ apụ ma ini ịn ḅaa ḅara kẹ ḅaa ḅarị apụ ma kịẹn-ḅịḅị kara sakị la ḅa.

Mịẹfinji 7:9

Mie ḅọrọ tẹso, à ḍiki tẹ ḅakatẹ inweni-ogbo ẹrịm — inetẹ arị atomi mamgba kịẹn fama ḅẹ ḅọ ofori! Tomi kịrị-kịrị na, furo goyegoye na, sịẹ goyegoye na, ẹkwẹn-ḅịḅị goyegoye na ḅụ in ḅom, tẹ pịna-pịnatẹ vọrọrọ-akapa sụa tẹ emine mẹ na, Anana Tụḅọ ḅe na tọrọkọ sịẹsimem, tẹ ini eneme ọrọrọ ọlọ wararị ịna aḅara ḅụ.