Luku 15:21 - FỊAFỊA BAỊBỤLỤ

²¹ Tẹ tụḅọ ḅe nwẹnị ḅẹẹ, ‘Ḍaa, à si kẹ Tamụnọ mịẹ tẹẹ, pịkị ị́yẹrị sọ. À ḅarị jen kẹ ị́ tụḅọ fị na-iḅi-a.’

Luku 15:21 Iomraidhean Croise

Jobu 33:27

tẹ tomina tọrọkọ nume-suu tẹ ḅẹẹ, ‘À si mịẹm, tẹ kuraye mẹ pịkị iḅom, tẹ ini anị kẹ ị̀ gbẹẹ-a;

Devidi-Anume 143:2

Yẹrị ị́ fịrịmẹnjịḅọ ḅe kẹ ḅẹrẹkọn ḅo ma, ị́ tọrọkọ si mịẹ-a ḅọ ofori.

Devidi-Anume 51:4

Ị́yẹrị mie à si kẹ mịẹ yee; ị́yẹrị kịngẹ — tẹ ị́ kẹ si sịn ye mie à mịẹ yee. Mie ḅụ ị́ kura ḅẹrẹ kọn ị̀ pịrịm, ị́ pẹlẹ ị̀ ḅara sima ḅẹrẹ mẹ ḅụ aḍụa ofori.

Jerimaya 3:13

Ị́yẹrị paa minini mịnẹ í siye mịẹ tẹẹ, mịnẹ ị́ kọngọ kụrọma KỊNỊNYANAḄỌ ị́ Tamụnọ pịrị tẹẹ. Ḍuko pakama mịnẹ ịwọ sịn goyegoye suku ị́ ị̀ ḅẹlẹma kẹ jen asịẹ ḅẹ atamụnọ pịrị tẹẹ, ị́ ị̀ tọn-aị ma mịẹ-a. Yẹrị KỊNỊNYANAḄỌ ḅe ọkọ ḅẹẹm.”

Izikẹlị 16:63

Mịẹ-irima-aị mamgba tẹ ị́ mịẹ tẹ aị ma à wẹrịso ị́ pịrị ḅa, kụma ị́ arị kẹ ḅiokoroma tẹ ḅụụ-jịrị ḅaka tẹ ḅarị ị́ ḅịḅị sọ finji ḅịa.” Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅẹẹm.

Luku 15:20

Mie ḅụ ọ̀ nwẹnị saakị tẹ mẹnjị pịkịma so ọ̀ ḍa dama-mu. “Amụ ò ḅo warị kpeki-a ogbo ọ̀ ḍa nwẹnị ori ẹrị ala-jụ ḅụ. Anị gbọrụ kiri tụḅọ ḅe ọkụrụkụrụ ọ̀ ḅaa, tẹ ọ̀ nwẹnị mangị mu tẹ ḅẹlẹma ḅara ḅụ ekpe kẹ ọ̀ lama.

Luku 15:22

Kụma ḍaḅọ ḅe nwẹnị ọ̀ fịrịmẹnjịapụ sịn tẹ ḅẹẹ, ‘Ọ́ fọnya mu iḅitẹịn kapa mẹ kẹ ḅo ọ̀ sụa, ó gulu kẹ ọ̀ ḅara-tụngbalị sụa, pịkị okuro kẹ ori aḅụọ sụa.

Romu 2:4

Anịanịa, ori iḅi-yemịẹ-ḅara na, ò kiri foofoma mẹ na, ò ye inema mẹ na ị́ tọrụ-ḅaarị ḅoto. Í nimi lama wararị, Tamụnọ amịna iḅi ḅụ ị́ mịẹ tẹ í si ḅụ pịkị ḅẹ ḅara kẹ í ḍiearị.

1 Kọrịntị 8:12

Tẹ mị-ḅara ḅụ, ị́ kẹ Kịrayịsị ḍukamẹnjị amịnapụ mịẹarị siye mẹ, tẹ kẹ ịna tẹmẹ kpọ-a ḅioḅẹngbọ mẹ lamarị ye mẹ, ḅo ị́ kẹ Kịrayịsị mịẹ si sọ tẹẹ.