Luku 15:19 - FỊAFỊA BAỊBỤLỤ

¹⁹ à ḅarị jen kẹ ị́ tụḅọ fị na-iḅi-a; ị̀ kẹ ị́ ọkọarị kọrịnama-kọrịapụ ma ḅẹ gbọrụḅọ ḅara wẹrịị.’

Luku 15:19 Iomraidhean Croise

Suku-saakị 32:10

Jike-a ḅẹlẹma mẹmgba na iḅi mẹmgba na tẹ ị́ nyana yẹrị ị́ fịrịmẹnjịḅọ pịrị ye mẹ ḅẹ ịrụ-tẹịn ye sọ à nyana gbẹẹ-a, kẹ gotẹ ọkọ ḅẹẹarị, ị̀ mkpara kịngẹ mie à kẹ mị Jodanị mẹ saḅa ye tẹ mịọkụ à ḅo maa kpoo mịẹ tẹ.

Jobu 42:6

anịẹrẹsị arị ị̀ ḅụụ ḍiki-simam, tẹ ḅụọ-kuḅu na ọpọ ḅio ḅẹ afọn na ḅụ pịkịm si ḅụ.”

Devidi-Anume 84:10

Gbọrụ ḍin kẹ ị́ Warị ḅio sime mẹ iḅi ḍin maa ẹndẹ oyia asi finji kẹ jen anga ḅụ sime nẹngịm; à si-sịḅịḅio-sụapụ ma sime-ayọ ma ḅụ anga ḅarị nakara àrị ị̀ Tamụnọ ḅe warị mẹ ḅẹ ogigo ḅọkọ anga sịẹsimee.

Luku 15:18

À saakị tẹ ị̀ ḍa ḍọkụma-mu tẹ ḅẹẹ ḅa, Ḍa, à si kẹ Tamụnọ mịẹ tẹẹ, pịkị sọ,

Luku 15:20

Mie ḅụ ọ̀ nwẹnị saakị tẹ mẹnjị pịkịma so ọ̀ ḍa dama-mu. “Amụ ò ḅo warị kpeki-a ogbo ọ̀ ḍa nwẹnị ori ẹrị ala-jụ ḅụ. Anị gbọrụ kiri tụḅọ ḅe ọkụrụkụrụ ọ̀ ḅaa, tẹ ọ̀ nwẹnị mangị mu tẹ ḅẹlẹma ḅara ḅụ ekpe kẹ ọ̀ lama.

Luku 5:8

Sayịmọnị Pita mie ẹrị sakị, ò mu Jizọsị suku kparakị tẹ ḅẹẹm, “KỊNỊNYANAḄỌ, ị́ ḅụụ kẹ ì kpekima ma! Yẹrị si-ḅọọ!”

1 Kọrịntị 15:9

À gotẹ ọkọ ḅẹẹarị, fịrịmẹnjịapụ mamgba ḅụ yẹrị iderima tẹịnm, sụntẹ à kẹ ḅaa-ḅọkọ kẹ Tamụnọ sọsị mẹ ḍọkị ḅara ḅụ fịrịmẹnjịḅọ kẹ ị̀ sịn sọ na-iḅi-a.

1 Pita 5:6

Ọkọẹrẹsị, ọmịnị ọmịna ḅụụ iderimaa, Tamụnọ kụrọtẹ ḅara mẹ suku-ḅio ḅụ, mịẹtẹ ori iḅi sakị ḅụ ọ̀ nwẹnị ọ́ saakị-gelema ḅẹ ḅara.