Luku 15:17 - FỊAFỊA BAỊBỤLỤ

¹⁷ Kunoma ḅụ ọ̀ nwẹnị naa-ḅo tẹ amịna ḅụụ ḅẹẹ, ‘Ị̀ ḍa ọkọ wararị kọrịnama kọrị apụ mamgba fịye fị furo ḅinma, ḅinma tẹ kọn ye nyana wararị, tẹ mịanga ḅuru ị̀ ḅaa ḅẹ-yearị!

Luku 15:17 Iomraidhean Croise

Devidi-Anume 119:59

Àrị ì ye-mịẹ-ḅara kẹ kuroma ḅụ suu tẹ, à minini tẹ mịnẹ àrị í ḍukom mịẹ ḅẹ aị ma ḍukamẹnjị.

Devidi-Anume 73:20

Yei KỊNỊNYANAḄỌ, ịn kịkarị ye dede-ḅio ḅụ kẹ ḅioḅọrọmarị ḍawọ; ị́ ị́ ḅụụ jike saakịmarị sakị ini ịmaịn-faarị.

Nimi Tolumaḅọ 9:3

Tomikiri mẹ ḅụ mịẹarị aị mamgba ḅụ, miemẹ anie gbọrụ siye: miemẹ anie gbọrụ fietẹ-ḅoye mie ḅo inweni-mgba pịrị ḅarị ye; tomina aḅioḅẹngbọ ḅụ si-aị na nọmụ na mie pịkị ḅin wararị ye, ịn ḍumo wararị sakị ḅụ; anịsakị miemẹ ḅọrọ-ḅọrọ anie fị.

Jerimaya 31:19

Wa ị́ ḅụụ ḅụ pịkị-som kụma ala-a wa pịkị-ḅo ḅiim. Ị́ wa fomu fama tẹso, wa sịḅị-tuum ḅioḅẹngbọ-si ḅụ. Wamịna ḅụụ-jịrịm, wamịna tọrụ pịkị tuum, wamịna asambịrịma sakị ḅụ wa si mịẹm ẹrẹsị.’

Kururu Owu-apọkọ 1:7

Jeruselemu á ḅụụ-fụka na árị akụ eneḅaka na ḅụ, á ḅụụ yela aị mamgba tẹ elemu sakị ḅụ á nyana aị ma kẹ ḅiokoromam. Árị atomi ḅịkị árị ọmụḅọ ḅe ḅara-ḅio sọ, tẹ ḅarasụa á pịrị ḅẹ gbọrụḅọ-sọ ofori sakị, ọmụḅọ ḅe á ḅụụ ḅioḅẹlẹ nyanam, á ḅịkị mẹ kombo ḅụ.

Izikẹlị 18:28

Ori ọ̀ mịẹarị ye lekiriarị tẹ si mịẹ dasịẹmarị, anie ḅụ karakaraye ḅụ ọ̀ fịị ḅịa, kụma ò ḍumo tọrọkọ mu ḅa.

Hosiya 2:7

Á mangị á ḅẹlẹmapụ ma ḍuka-mu ḅa, kụma árị inetẹ ịn la ḅịa. Árị ịn ḍọkị ḅa, kụma árị ịn ḍọkị ẹrị ḅịa. Anịtẹso á ḅẹẹ ḅa, “À pịkịma-so ị̀ tarị diḅọ ḍọkụma-mu ḅa — anị sakị ḅụ ye ị̀nịna iḅi mịọkụ nẹngịm.”

Luku 15:16

Ọ̀ sịn ḅara opuropo ma fịarị akịdị ḅụ ori sọ ye fị ḅarị ḅoto, kụma gbọrụḅọ-sọ ye kẹ ọ̀ pịrị fị-a.

Luku 16:23

Tẹ Ḍuḅu ḅio ḅụ ori opu akụye daarị ogbo ọ̀ nwẹnị tọrụ saakị tẹ ala-jụ ḅio Ebira-amụ ẹrị, Lazarọsị ori akaka lẹgị-sime wararị.

Luku 8:35

Tomi nwẹnị pakaye mẹ ḍiki ḅẹ tẹ mu. In ḅo Jizọsị la sakị ini oru ma ḅụụ ḅio sime-sime tomḅọ ḅe ẹrịm ò Jizọsị ḅụọ-suku lẹgị wararị, ọ̀ kapa sụa tẹ pịkị sịḅị ḅio kpaịntẹ ḅara sime wararị, tẹ inimgba nwẹnị ḅalafa.

Fịrịmẹnjịapụ 12:11

Anịtẹso Pita ọ̀ ḅụụ paka ye mẹ lekiri tẹ ḅẹẹm, “Mịọkụ mie à nimi tẹ ye mịnẹ, miemẹ karakara ye! KỊNỊNYANAḄỌ ḅe ori enjẹlị fịrịma ḅo Ẹrọdị kụrọ ḅara-ḅio na, Juu-ḅẹ-apụ ma ḅiim ị̀ ḅụụ paka ḅẹ aị na ḅio ị̀ pụkọ-pakamaḅo tẹ.”

Fịrịmẹnjịapụ 2:37

Tomi ma ḅo miemẹ naa sakị ịna aḅioḅẹngbọ kpọma ịna ḅụụ-fụkamam, tẹ ịn nwẹnị Pita na osi afịrịmẹnjịapụ ma na ḅẹẹ, “Mịna apụ, mịọkụ wa ndẹndẹ mịẹ ḅẹ?”

Ẹfisọsị 5:14

kẹ gotẹ ọkọ ḍukoarị, ḅẹẹ ye, ḅẹẹ ye, ịn banabana ḅara kẹ anị mịẹfinji tẹ ḅẹḅẹ anị bele sọ tẹ. Anie in gotẹ ḅẹẹ ye, “Saakịị, mono-ḅọ, tẹ fịị ḅụ saakịị, anịsakị Kịrayịsị ḅịya ị́ sarama ḅa.”