Luku 15:16 - FỊAFỊA BAỊBỤLỤ

¹⁶ Ọ̀ sịn ḅara opuropo ma fịarị akịdị ḅụ ori sọ ye fị ḅarị ḅoto, kụma gbọrụḅọ-sọ ye kẹ ọ̀ pịrị fị-a.

Luku 15:16 Iomraidhean Croise

Jobu 30:4

Ịkpa mẹ ḅio ḅẹ asịn ma ịn nwẹn soku-soku fịm, jen-a jen-a ọfịnye sịn mẹ ḅẹ ḅẹlẹ-a akuno ma sọ ịn fịm.

Devidi-Anume 142:4

Àrị ị̀ akaka ḍiki sakị, ḅarasụa ị̀ pịrị ḅẹ gbọrụḅọ-sọ àrị ẹrị-a gbọrụḅọ-sọ ofori ị̀ gbaịn ḅọrọma. Ị̀ balarị gbọrụḅọ-sọ ofori.

Devidi-Anume 73:22

nama oḅori-sọ ḅara à nwẹn kẹ oḅori-sọm; arị ị̀ naa ḍin-a.

Ayịzaya 44:20

Ọ̀ fọọn kẹ fịye sọma tẹ fịarị; Ori oḅori akuroma ma ọ̀ da irima mu ọ̀ ḅarasụa nyana ḅẹ yọ saḅa tẹẹ. Ò minini ḍụkụ ḅịa mịnẹ ori ọlọ-sịẹma wararị oru-fụḅara mẹ gbala-gbala tamụnọ-a, ḅọkọ-ḅọkọ mamgba ḅụ.

Ayịzaya 55:2

Tiye ẹrẹsị ó furo ḅin ḅịa ye gotẹ igbigi famarị? Tiye ẹrẹsị ọmịnị ọ́ kọrị ḅo igbigi kẹ papaa fama tẹ ḅuru paa ọ́ tarịarị? Ọmịnị ì poki tẹ à ḍukoarị ye mịẹ; anịsakị ó ḅioḅẹlẹ ḅara kẹ fịye mamgba ḅụ iḅitẹịn fịye fị ḅa.

Ayịzaya 57:3

Ọmịnị si-mịẹapụ, ó ḅoo ini ọ́ kọn mịangaa! Ọmịnị iḅi arịapụ na, sẹfị-apụ na, ama-mẹnjị-ereme na nẹngị-a.

Kururu Owu-apọkọ 4:5

Inima tẹ iḅi afịaị kẹ alalị fị apụ ma, etela ma ḅụ fịị-faa tẹẹ; inima tẹ ịn ḅụụ-ḅẹlẹma ḅara kẹ ḍikiḍiki pakama-ḅo apụ ma, fọọn-fọọn-fọọn sara ọgọnọ ḅụ ḅọlọlọ tẹẹ.

Hosiya 12:1

Izirẹlịapụ ma mịẹ arị ye goyegoye, dee-dee ḅụ ọkị mu ḍin la, kẹ mịẹ ye ḅụụ sun-suu ye ofori pịkị ye guluguluma ye. Mbasị na gbiri-gbiri-gbiri na ịna ogboku ḅaka tẹẹ. Ini Asiriya na ọḅọkụ fị tẹ Ijiputi na ọḅụ mẹnjịarị.

Matiyo 7:6

“Ị́ ḅụụ yela ye kẹ koroma obiri amẹẹ ma pịrị ma, ịn mịẹ ḅarịye anie pịkị tẹ owu kẹ ị́ paka. Yela lama tẹ pọkọ sụa aị kẹ opuropo amẹẹ ma tọrọkọ koroma ma, ịn mịẹ ḅarịye anie ḅụọ kẹ arị nanga kiri pịrị.

Luku 15:15

Mie ḅụ anị ama ḅẹ gbọrụḅọ nwẹnị kọrịnama kẹ ọ̀ pịrị mịnẹ ò mu opuropo ma ḍikiḍiki ọ̀ pịrịị ọ̀ ḍụọ ḅio.

Luku 15:17

Kunoma ḅụ ọ̀ nwẹnị naa-ḅo tẹ amịna ḅụụ ḅẹẹ, ‘Ị̀ ḍa ọkọ wararị kọrịnama kọrị apụ mamgba fịye fị furo ḅinma, ḅinma tẹ kọn ye nyana wararị, tẹ mịanga ḅuru ị̀ ḅaa ḅẹ-yearị!