Luku 15:13 - FỊAFỊA BAỊBỤLỤ

¹³ Boowa aḍin ḅọrọ tẹso, kalaḅọ ḅe nwẹnị ọ̀ la kiri mẹ dẹrị tẹ igbigi mẹ kẹ so iḅere-iḅerea anga simearị ama mu, tẹ arịmgba kẹ woso-woso ḍumo kọn fama.

Luku 15:13 Iomraidhean Croise

Devidi-Anume 73:27

Piki-pikiye-ofori ḅara ị́ ḅụ mangị-so apụ ma ịn fịị fa ḅa; ḅioḅẹngbọ-kẹ-sịrẹrẹ-niḅi-a ḅara kẹ ị́ na mịẹ apụ ma ị́ ịn ḅaa guluguluma ḅa.

Egberima-Ẹkwẹn 18:9

Kọrịnama ḅụụ-lọkọ nyana ḅọ mẹ, ye guluguluma ḅọ si ḅara mḅọ nwẹn siinm.

Egberima-Ẹkwẹn 21:17

Sakị mamgba opu igbigi la aị nyana ḅẹ ḍọkị na, iru ḅuu na, iḅi afịaị na mịẹ tẹ í gbala-gbala ngọ-kọn ḅịa.

Egberima-Ẹkwẹn 21:20

Ye-nimiapụ ngọ-kọn na opu ḅara kẹ ye-mịẹ ḍumo na kọn-arị, kụma apantu amẹẹ ma ini igbigi mẹ nyana ḅo sakị na ini anị fama sakị na gbọrụ sakị.

Egberima-Ẹkwẹn 27:8

Warị koroma-so wararị tomḅọ ḅe kịkarị ye amịna warị ḅụ ḅele-fa wararị feni.

Egberima-Ẹkwẹn 28:7

Asambịrịma tomḅọ tẹ oloko mẹ kokoarị ḅọ anie sịḅịḅio nyanaḅọ. Gberie ḅụ sọ iḅi-a apụ na ikia-sọarị ḅọ amịna ḍaḅọ tọrụ-tuuarị.

Egberima-Ẹkwẹn 29:3

Í nimi kẹ ye-sịn-arị ḅẹḅẹ ị́ ḍa ị́ kẹ ḅụụ-tọn ḅa. Igbigi fama sẹfị-ereme pịrị mẹ anie oḅori fa.

Egberima-Ẹkwẹn 6:26

Tomḅọ inetẹ fịturu-kpo la ḅẹ ye kẹ ama-mẹnjị-ẹrẹḅọ nyana ḅa, kụma sẹfị ḅụ mḅọ nyana-ye nyana-ye ḅọrọ tẹ faa ḅa.

Ayịzaya 1:4

Yei, si amịẹaị mịẹarị sịẹ, ọ́ fa tẹẹ! Ọmịnị anie ḅụrụ-kọsịtẹ si-mịẹapụ. Ọmịna asi ma ọ́ jịjịma tẹ iku ọ́ ḅaa ḅẹ-yearị! Ọ́ KỊNỊNYANAḄỌ, Izirẹlịapụ tẹkẹarị Fịafịa Tamụnọ ḅe sịkị tẹ ọḅụ kẹ ò gbin tẹ.

Ayịzaya 22:13

Anie nakara, ọ́ ḍẹrị, ḍẹrị tẹ tiim. Ọmịnị anana na opu anama na ḅaa pẹị tẹ iru ḅuum. Ọ́ ḅẹẹm, “Wa paa fị-na-ḅuu-na ḅarị ya! Ḅaa ḅụ wa fịị tẹ apụ sọ ḅarị sakị.”

Ayịzaya 30:11

Ọ́ wamịna etela ḅụ ḅelee, tẹ wa mẹnjị-ḅọrọarị anga kiki wa pịrị ma. Wa ọmịna Izirẹlị tẹkẹarị Fịafịa Ḅọ ḅe gboloma ye naa ḅẹ ḍọkị-a.”

Ayịzaya 56:12

Mịna iru ḅuu apụ ma ḅẹẹarị, ‘Ó yee wa iru kalịye ḅuu wa, tẹ wa inetẹ nyana ḅẹ ye mẹmgba ḅuu siin! Ḅaa ḅụ wa iḅi mịmgba wa sime-ḅara nẹngị ḅarịya!’ ”

Jerimaya 2:13

kẹ gotẹ ọkọ ḍukoarị ì atomi maa asi mịẹ tẹẹ: ini ị̀ ḅụ pịkị so tẹẹ, ḍumo-pịrịarị ngụngụḅa minji ḅe, tẹ minji koko olulu soku tẹ, paịn-paịn-sararị olulu ma tẹ gbala-gbala inetẹ minji ọlọ wẹrị-a aị ma.

Jerimaya 2:31

Izirẹlịapụ, ọmịnị à ḍukoarị ye pokii. Ọmịna ḅụ arị ịkpa kịka tẹ, kanakana tẹ siye dogi-ḅo ḅẹ amakiri kịka tẹ? Ọkọ-a kụma, tiye ẹrẹsị ọ́ ḅẹẹarị mịnẹ ọmịnị ọmịna ḅụụ-ḅẹlẹ ḅẹ ḅara mịẹ ḅa, mịnẹ ọ́ ḅarị jen kẹ pịkị ị̀ dama-ḅo ḅịa?

Jerimaya 2:5

KỊNỊNYANAḄỌ ḅe mẹẹ: Ọmịna elemu aḍapụ ma tọ ḅẹrẹ ḍuko ị̀ ọgọnọ gbana? Tiye ịn mịẹ tẹ ini ọḅụ kẹ ì gbin tẹ mẹnjị-so? Ịn sunsin ye-ḅụ-sọ-a oru-afụḅara pịrịm tẹ ini ma ḅioju sọ nwẹnị ḅo papaa ḅara sime.

Mayịka 6:3

KỊNỊNYANAḄỌ ḅe mẹẹ, “yei ị̀ atomi, à tiye kẹ ọ́ mịẹ? À tọ-ḅara kẹ ḅụụ-palịmaye sọ ọ́ pịrị? Ọmịnị ị̀ pakịrịị!

Luku 15:12

Kalaḅọ ḅe nwẹnị ọ̀ ḍa ḅẹẹ, ‘Ḍa, ị́ ngọ ḍie tẹ ị̀ la kiri kẹ ị̀ pịrịị mịọkụ.’ Mie ḅụ tomḅọ ḅe nwẹnị ori ngọ ḍie ori maa awọmẹ ma pịrị.

Luku 15:14

Ọ̀ ḅara sime ye, sime ye fa tẹso, opu ḅuru-ḅa nwẹnị anị ama mẹ gbaịn, anị sakị ọ̀ ḅara gberie-sọ ḅarị kọn-a.

Luku 15:30

Kụma ị́ aị mamgba ọkị mu ama mẹnjị ereme na fama, fama wararị tụḅọ ḅe ḅo gbọrụ sakị í tim-timtẹ nambulo ḅe ḅaa ọ̀ pịrị tẹ!’

Luku 16:1

Jizọsị nwẹnị ò ḍukamẹnjịapụ ma ḅẹẹ, “Gbọrụ sakị gbọrụ ngọ-kọn ḅọ gbọrụ fịrịmẹnjịḅọ nyana tẹ ọ̀ nyana aị mamgba kẹ ọ̀ pịrị ḍikiḍikim. Kịnị nwẹnị ḅo ḍuko ọ̀ pịrị mịnẹ ò ye-ḍikiḍikiḅọ ḅe ori igbigi gulugulumarị.

Luku 16:19

“Gbọrụ sakị gbọrụ ngọ-kọnḅọ simem, tẹ kpọma ye la ḅụratẹ ḅiriaị ḅiri, ḅiri tẹ pịkị kpọma woso-woso ḍumo kọnm ene ḅaa ene, ḅaa ene.

Ẹfisọsị 2:13

Kụma mịọkụ, ọmịnị ala-jụ sime, sime apụ ma, Kịrayịsị fịị ọ́ kẹ ḅo kpekima tẹ, ọ́ Kịrayịsị Jizọsị na gbọrụ ḅụ sime tẹẹ.

Ẹfisọsị 2:17

Mie ḅụ Kịrayịsị ḅo tẹ dein Iḅi Oku mẹ ḍuko kịnị mamgba pịrịm-o ḍuko ọmịnị Ja asịẹ ḅẹ apụ tẹ Tamụnọ ḅụ ḅele fa sime apụ ma pịrị, pịkị ḍuko Juu-ḅẹ-apụ tẹ ó kpeki sime apụ pịrịị.

2 Pita 2:13

tẹ ịn kẹ kịnị ẹrịmatẹ tọrụsiẹrị mẹ mie ini sọ kẹ gbẹẹ-ye sọma tẹ ẹrị ḅarịye. Ịna tọrụ-ḅẹlẹ simearị anga anie, ene ḅaka fịafịa ogbo ḅụ ịna oju ḅẹ meni mẹ ḅiiarị in mịẹ ḅẹ aị ma mịẹ furo ḅinma; ịn ḅụụ-jịrịma ye na ḅụụ-sima ye na sọ ọ́ pịrị wararị, ọmịnị ini na ḅara gboloma ye fịarị ye mẹ, tẹ anị sakị mẹmgba ḅụ ịn kẹ oḅori kẹ kịnị sịn ḅẹ aị ḅẹ aḅọkọ mie ịna ḅioḅẹlẹmarị!