Luku 14:23 - FỊAFỊA BAỊBỤLỤ

²³ Mie ḅụ ọ̀ nyanaḅọ ḅe fịrịmẹnjịḅọ ḅe ḅẹẹm, ‘Mẹnjị paka piri ọgọnọ ḅẹ etela ma na mẹnjị-ḅọrọ-anga ma na mu tẹ mịẹtẹ tomi sọ ḅo, mịẹtẹ ị̀ warị mẹ ḅin-jịkịjịkị ḅarị ḅara.

Luku 14:23 Iomraidhean Croise

Devidi-Anume 110:3

Í si kẹ ị́ tọn apụ na owu-sọ ḅarị ene ị́ atomi ma ḅarana ịna aḅụụ tọn pakama-ḅo tẹ owu mẹ sọ ḅa. Ị́ asawọ ma dede-funfun ḅẹ igirigi kịka tẹ ḅo ị́ la ḅa fịafịa atụndụ ma ọgọnọ ḅụ.

Devidi-Anume 98:3

Ò minini Izirẹlịapụ ma pịrịye mẹ ọ̀ mịẹm amịna ḅịḅị ḍima-a na kuno-a ḅẹlẹma nyana ịn pịrị na ḅụ. Anga, anga ḅụ simearị apụ mamgba owu wamịna Tamụnọ ḅe ḅara iḅi ye mẹ ẹrị tẹ.

Ayịzaya 11:10

Anị ene mẹ ḅụ, anie Devidi furo ḅụ ịwọma amadaḅọ sọ ḅọ ḅe elekima sọ sịẹ-sịẹ ma pịrị ḅa. In ḅo ori ama-daarị opu ama mẹ ḅio kobiri tẹ kụn kẹ ọ̀ pịrị ḅa.

Ayịzaya 27:13

Anị ene mẹ ḅụ, ọdụ fie tẹ Asiriya na Ijiputi na ḅụ Izirẹlịapụ mamgba sin pịkị-ḅo ḅa, kun-ḅara ḅio simearị apụ ma. In sunsin KỊNỊNYANAḄỌ ḅe pịrị ḅa Jeruselemu ḅụ; ọ̀ fịafịa tụndụ mẹ ọgọnọ.

Malakayị 1:11

Tomikiri mẹ ḅẹ gbọrụ ịkọlị ḅụ ọkị mu osi ịkọlị la tomi ị̀ kụn-arị. Anga-anga ḅụ ịn kụnụaị dọkịma ị̀ pịrị tẹ kẹ agba mịẹ-mịẹ ị̀ pịrịarị. Inimgba ị̀ kụn-arị!

Matiyo 21:43

“À ḍuko ọ́ pịrịarị, Tamụnọ Ama-da mẹ ḅụ simearị aboma ma, ini ọmịna ḅara arị ọkị tẹ kẹ saḅama karakara iḅi sịnmgbọlụ sụa ḅẹ apụ pịrị ḅa.

Matiyo 5:41

Tẹ ama ọkị tẹ ama koruarị ọmụapụ ḅẹ gbọrụḅọ nwẹnị ponoma ḅara kẹ ị́ ḅẹẹ mịnẹ ò nye dogi tẹ ori na gbọrụ tombi mẹnjị ḅẹḅẹ, ori na maa tombi mẹnjịị.

Luku 14:22

Ala-a kụma fịrịmẹnjịḅọ ḅe ḅo tẹ ḅẹẹ tẹ, ‘Ị̀ nyanaḅọ, àrị ị́ ḅẹẹ ḅara mịẹ tẹ, kụma kiri paa foo ja apụ pịrị wararị.’

Luku 14:24

À ḍuko ọmịnị-mgba pịrịarị mịnẹ tarị sịn apụ ma ḅẹ gbọrụḅọ-sọ ị̀ ḅoḅiri fịye mẹ kẹ ḅịḅị lama ḅịa!’ ”

Luku 24:29

kụma ini ọ̀ dasịẹmam; ini mẹẹ, “Wamịnị na sime; ene gbaịn ḅẹ tẹ, ala-a anị furu ḅa.” Mie ḅụ ọ̀ nwẹnị ini na sime ḅẹ mu.

Fịrịmẹnjịapụ 16:15

Tẹ árị na á warị ḅẹ apụ na minji sara tẹso, á nwẹnị wa ḅẹẹ, “Ó nimim à KỊNỊNYANAḄỌ ḅe minini wararị ḅẹḅẹ, ó ḅo ị̀ warị simee.” Tẹ árị ịgbanị nwenii tẹ wa nwẹnị mu.

Fịrịmẹnjịapụ 18:6

Ini ori na tụḅụrụ tẹ si ḅịḅị kẹ ọ̀ ḅẹẹ sakị, kẹ in ḍie mịnẹ ịn mịẹ ye mẹ ò gboloma-a ḅẹ ye ḅụ, ori ọ̀ kapa ḅẹ fọọn gugu sara tẹ ịn ḅẹẹm, “Ọ́ ḅọrọma-a ḅẹḅẹ, onyo mẹ ọmịna ọgọnọ emi. Yẹrị ị̀ ḅẹrẹ-a. Mịọkụ saakị tọrọkọ mu à so Ja asịẹ ḅẹ apụ ma dama-mu ḅa.”

Fịrịmẹnjịapụ 28:28

Ḍuko gbaịn ḅụ Pọlụ ḅẹẹm, “Ọkọẹrẹsị ó nimii mịnẹ, Tamụnọ ḅọrọma oku mẹ, ịn kẹ Ja asịẹ ḅẹ apụ ma fịrịma tẹ, tẹ ini anị poki ḅa.” [

Fịrịmẹnjịapụ 9:15

KỊNỊNYANAḄỌ ḅe nwẹnị ọ̀ ḅẹẹ, “Muu, gbala yẹrị ọ̀ sẹlẹ ọkị tẹ mịnẹ ori ị̀ fịrịmẹnjịḅọ sọọ, tẹ mịẹtẹ Ja asịẹ ḅẹ apụ na, ịna amadapụ na, Izirẹlịapụ na ị̀ ẹrẹ naa tẹ ì nimi ḅẹ ḅara.

Romu 10:18

Kụma à gbelarị: Izirẹlịapụ ma karakara ḅara ḅụ oku mẹ ịn naa-a? Anị sime-ḅara ḅụ ịn naam gbala Fịafịa Ḍiri mẹ ḅẹẹm: “Ịna pọkọ mẹ fie paka mu tomikiri mẹmgba kana-korom; ịna ẹkwẹn ma mu tomikiri ḅẹ ịkọlị ma lam.”

2 Kọrịntị 5:11

Wa KỊNỊNYANAḄỌ ḅe mangịma mẹ fiearị ye nimi wararị, ọkọẹrẹsị wa ḅụụkụrọma tẹ ja apụ daa-karakaramarị. Tamụnọ wamịna ḅụ nimi kọnma ye ofori, tẹ à ḅiokpọ wararị mịnẹ ọmịna aḅioḅẹngbọ ḅụ sọ ọmịnị ì nimi wararị.

2 Kọrịntị 5:20

Ọkọẹrẹsị, mịanga wa sime tẹ Kịrayịsị tọrụ ḍima tẹ ẹkwẹn-arị apụ ḅara ḅụ, gbala Tamụnọ ḅarana wamịna ḅịḅị ḅụ ọ̀ tẹkẹarị mịnẹ: sisi ó minini tẹ Tamụnọ si kẹ ọ̀ tọn apụ ḅụ ó ḍima ḅo ori ikiapụ sọmaa!

2 Kọrịntị 6:1

Wa Tamụnọ na gboloma tẹ kọrịarị kọrịnama mẹ ḅụ wa ọmịnị Tamụnọ ḍiki-ḅụụjịrị mẹ nyana tẹ apụ ma tẹkẹarị, ọ̀ ḍụkụ tẹ anị papaa fama.

Kọlọsị 1:23

Ye wẹrị tẹ sime-ḅara ḅụ, ọmịnị ọmịna minini mẹ, tẹ karakara suku mẹ ọgọnọ sịẹ wararị ye mẹ ọlọ kụrọmaa; ọ́ ḍụkụ tẹ gbọrụḅọ-sọ mịẹtẹ ọmịnị iḅi-oku mẹ naa sakị ọ́ nyana ḅiokpọ mẹ jikema. Mị iḅi-oku mẹ ḅẹ fịrịmẹnjịḅọ mie yẹrị Pọlụ sọ ye — mị iḅi-oku mẹ mie in ḍuko ḅẹḅọ-ḅẹḅọ pịrị tẹ ye mẹ tomikiri mẹ ḅụ.

Kọlọsị 1:28

Mie ḅụ wa Kịrayịsị ḅe ḍuko ḅẹḅọ-ḅẹḅọ pịrịarị wa nyana nimi mamgba ḅụ wa ịna ḅeri nụnụ tẹ pịkị ye kẹ in tolumarị, mịẹtẹ wa ọrụḅọ-ọrụḅọ kẹ ḍụḅa paka-ḅo tẹ si, siye nimi tẹ ḅọ ḅara kẹ Kịrayịsị na gbọrụ ḅụụ sime ḅụ Tamụnọ tọrọkọ ḅo ḅẹ ḅara ẹrẹsị.

2 Timoti 4:2

oku mẹ ḍukoo; ịgbanị mịnẹ ini anị ḍukoo — kura sakị-o, kura-a sakị-o — ẹkwẹn tomina aḅioḅẹngbọ pịkịị; in ḍiki-ịganịị; pịkị ịna ḅiokpọmaa, í ye-inema mẹmgba kẹ ye-tolumarị sakị.