Luku 14:21 - FỊAFỊA BAỊBỤLỤ

²¹ “Fịrịmẹnjịḅọ ḅe nwẹnị arịmgba ḍuko ọ̀ nyanaḅọ ḅe pịrị. Ịganị ḅụ ọ̀ nwẹnị fịrịmẹnjịḅọ ḅe ḅẹẹ, ‘Fọnya ama ḅio ḅẹ etela ma na, ọpọkụrụ ma na mu tẹ igoin-apụ na, ngụrọ-kọnapụ na, tọrụngbọ-pụụntẹ-apụ na, ekeliapụ na kẹ pịkị ḅoo.’

Luku 14:21 Iomraidhean Croise

Devidi-Anume 2:12

Ọmịnị oju sẹkịma mu ọ̀ tọrọkọ iḅoo; ọkọ-a kụma ori ịganị ala-a saakị ḅa, tẹ ó ḅiotọn-a sakị kẹ fịị ḅa. Ḅioḅẹlẹ sime ọ̀ ḍọkụma-ḅo tẹ ọ̀ gbaịn-arị apụ ma pịrịm.

Devidi-Anume 38:7

Akọm mịẹ tẹ gbala à fịnị ḅio dọkịarị: tẹ ịnyọ biin kịngẹ ị̀ ḅara kọnm.

Ayịzaya 33:23

Ọmịna arụ ḅio pike wararị asịn ma kpọkọrọ-kpọkọrọ tẹẹ, opu vala sịn mẹ suku kụrọ-a ẹrẹsị vala mẹ ọ̀ sụa-a. Anịtẹso tọnwa fọịn aị paka tẹ kịnị ḍiema-ọkị ḅa, tẹ ekeliapụ sọ ye fọịn so ḅa.

Ayịzaya 35:6

Ekeliapụ ḍosi-ḍosi sẹkị ḅa, tẹ inetẹ ẹkwẹn-a apụ ma oloku ḅa ḍereku ḅụ. Ịkpa mẹ ḅio kuroro puu, puu tẹ minji mẹnjị ḅọrọ ḅa;

Jerimaya 5:1

Jeruselemu ḅẹ apụ, ọ́ mangị etela ma ikelemaa! Ó ḍiki ikelemaa! Ọ́ ḅarana ẹrịị! Ó bebe ogumaḅiri mẹ ḍọkị-ḍikii! Ọmịnị inetẹ gbọrụḅọ ẹrị ḅẹ ḅoto, kuraye mịẹarị ḅọ tẹ ḅụụkụrọma tẹ ḅioḅẹngbọ kẹ ḅụụ ḅụ gbana na-iḅi ḅara sime Tamụnọ pịrị-ḅọ? Í inetẹ ḅarị ḅẹḅẹ, KỊNỊNYANAḄỌ ḅe si-wẹrịso Jeruselemu pịrị ḅa.

Zẹkaraya 11:11

Mie ḅụ ọḅọkụ mẹ kaan-som anị ene ḅụ. Anana ma fẹ tẹ dẹrị-apụ ma à mịẹ ye kẹ elekima sụarị, tẹ nimim mịnẹ KỊNỊNYANAḄỌ ḅe à mịẹ ye mẹ ḅụ ḅọrọ tẹ ẹkwẹnm.

Zẹkaraya 11:7

Anana ma fẹ tẹ dẹrị-apụ ma ị̀ ọkọm, tẹ à nwẹnị ịn ḅaa ḅẹ-muarị anana ma ḍikiḍikiḅọ sọ. À nwẹnị maa sịn ikiḅa ọkị, à gberie sịnm “Iḅi-mịẹ,” tẹ osi ye “Gboloma.” Tẹ à nwẹnị anana-ogbo mẹ ḍikiḍiki.

Matiyo 11:28

“Ọmịnị ị̀ ḍọkụma-ḅoo, ọmịnị-mgba tẹ iku ye dogi nwenii tẹ ịnyọ-pọkọta tẹ apụ tẹ arị ịnyọsara kẹ ọ́ pịrị ḅa.

Matiyo 11:5

tọrụngbọ-pụụntẹ-apụ inetẹ ye ẹrịarị, ekeliapụ inetẹ mẹnjịarị, sofịnị-obi-kọnapụ ma gwọọ fịafịarị; ḅeri-iningiapụ ye naarị, ịn fịtẹ-apụ saakịmarị fịị ḅụ, tẹ ịn pịkị Iḅi-oku mẹ ḍuko igoin-apụ pịrịarị.

Matiyo 15:12

Anịtẹso ò ḍukamẹnjịapụ ma ọ̀ dama-ḅo tẹ ḅẹẹm, “Ị́ kọkọ nimi, mịnẹ í ḍuko ye mẹ Farịsiiapụ ma ḅụụ-ḅẹsọm?”

Matiyo 18:31

Osi afịrịmẹnjịapụ ma pakaye mẹ ẹrị sakị, anị ịna ḅụụ si lamam, tẹ ịn nwẹnị mu ye goyegoye ḍuko amadaḅọ ḅe pịrị.

Matiyo 20:7

Ịn nwẹnị pakịrị, ‘Gbọrụḅọ-sọ kọrịnama kẹ wa pịrị kọrị-a.’ Ọ̀ nwẹnị ịn ḅẹẹ, ‘Ọkọ ḅẹḅẹ, iḅim, ọmịnị sọ mu girepu-ḍụọ mẹ ḅio kọrịnama kọrịị.’

Luku 14:13

Kụma ị́ fịye gotẹ kịnị sịn ḅẹ sakị, igoin-apụ na, ngụrọ-kọnapụ na, ekeliapụ na, tọrụngbọ-pụụntẹ-apụ na mie ị́ sịn ḅarịye.

Luku 14:20

Jụmọ ḅẹẹm; ‘Mịọkụ, mịọkụ àrị ẹrẹḅọ simem, ọkọẹrẹsị àrị inetẹ ḅo ḅịa.’

Luku 14:22

Ala-a kụma fịrịmẹnjịḅọ ḅe ḅo tẹ ḅẹẹ tẹ, ‘Ị̀ nyanaḅọ, àrị ị́ ḅẹẹ ḅara mịẹ tẹ, kụma kiri paa foo ja apụ pịrị wararị.’

Luku 14:24

À ḍuko ọmịnị-mgba pịrịarị mịnẹ tarị sịn apụ ma ḅẹ gbọrụḅọ-sọ ị̀ ḅoḅiri fịye mẹ kẹ ḅịḅị lama ḅịa!’ ”

Luku 24:47

tẹ ori ẹrẹ ḅụ in si ḅụ pịkị na, si-wẹrịso na oku mẹ ḍuko sịẹ mamgba pịrị ḅa, Jeruselemu ḅụ saakị.

Luku 9:10

Jizọsị fịrịmẹnjịapụ ma nwẹnị pịkịma ḅo tẹ ịn kọrị ye goyegoye ḍuko ọ̀ pịrị. Tẹ ori na ini na ngẹrị nwẹnị so Bẹtịsayịda nwẹn-sịn ama mu.

Jọnị 9:39

Jizọsị nwẹnị ḅẹẹ, “À gbala ḅẹrẹkọn ḅẹ tẹ mị tomikiri mẹ ḅo ye ọkụ, mịẹtẹ tọrụngbọ-pụụntẹ-apụ ma ye ẹrị, tẹ ye ẹrịarị apụ ma ḅo tọrụngbọ-pụụntẹ-apụ sọ.”

Hiburu 13:17

Ọmịnị ọmịna asịḅịdapụ ḅịḅị poki tẹ ịn ḅẹẹ ye mịẹ. Ini anie ọmịna atẹmẹ ma ḍikiḍikiarị apụ, ịnyọ sara-a ḅara ḅụ, ini ịna fịrị mẹ mẹnjị ḅara mẹ ḍuko Tamụnọ pịrị ḅẹ onyo-sẹịn wararị sakị goyegoye. Ọmịnị ịna ḅịḅị pokiarị kụma, in ḅioḅẹlẹ ḅara kẹ ịna kọrịnama kọrị ḅa; ọkọ-a kụma, kururu ḅụ mie ini anị mịẹ ḅarịye, tẹ aniemẹ ḅarasụa nyana ọ́ pịrị ḅịa.

Hiburu 2:3

Nwẹnị ọkọ kụma, ndẹẹ fomu-ḅara wa gbarị ḅẹ ḅara wa nwẹn sime opu ḅọrọma mẹ kẹ ye-sịn-a kụma? KỊNỊNYANAḄỌ ḅe ḅioju ḅarana tarị mị ḅọrọma mẹ ḍuko wasamam, tẹ ó ḍuko ye mẹ naa apụ ma kẹ wa ḍie tẹ mịnẹ oku mẹ karakaraye.

Jemụsị 2:5

Ị̀ iḅi amịnapụ, ó pokii! Tamụnọ mị tomikiri mẹ ḅẹ igoin-apụ ma sẹlẹ-ọkịm, in ḅo minini ngọ-kọn tẹ ò minini ọ̀ ḅẹlẹma apụ pịrị Ama mẹ nyana.

Mịẹfinji 19:15

Ọ̀ ḅịḅị-ḅio oḅuarị okologie emi, anie mie ọ̀ kẹ sịẹ, sịẹ ma nẹngịma ḅarịye. Kụrọ ḅara mie ọ̀ kẹ ḅẹrẹtọn ịn pịrị ḅarịye, tẹ pịkị iru pọnjị pakama-ḅo ḅara kẹ Kụrọmamgba Nyana Tamụnọ ḅe opu ịganị mẹ pọnjị pakama-ḅo ḅarịye.

Mịẹfinji 22:17

Tẹmẹ ḅe na Ịya ḅẹ ẹrẹḅọ ma na mẹẹ, “Ḅoo!” Miemẹ naa ḅọ, naa ḅọ sọ tẹ ḅẹẹ, “Ò ḅoo!” Minji pọkọ tarị ḅọ, tarị ḅọ ḅoo; ḅii ḅọ, ḅii ḅọ ḅo ḍumo minji mẹ ọkị ḅuu, ḍiepịrịye ḅara ḅụ.

1 Samụẹlị 2:8

Ọ̀ fọọn mẹ ḅio igoinḅọ ḅe saakị-gelemarị, kpoli wararị fọọn mẹ ḅụ, ori ngiri-ngiriḅọ ḅe saakị-gelemarị; mịẹ tẹ in sịḅịdapụ na lẹgị, tẹ kụn nyana ịkasiye nyana ḅẹ ḅara. Gbala tomikiri mẹ ḅẹ ḅeriaị ma KỊNỊNYANAḄỌ ḅe aị, tẹ arị ọgọnọ ò tomikiri mẹ nama tẹ ẹrẹsị.

1 Samụẹlị 25:12

Anieḅụ Devidi asawọ ma vuunma pịkị-som, tẹ ḅo mie mẹmgba ḍuko ọ̀ pịrịm.