Luku 14:13 - FỊAFỊA BAỊBỤLỤ

¹³ Kụma ị́ fịye gotẹ kịnị sịn ḅẹ sakị, igoin-apụ na, ngụrọ-kọnapụ na, ekeliapụ na, tọrụngbọ-pụụntẹ-apụ na mie ị́ sịn ḅarịye.

Luku 14:13 Iomraidhean Croise

2 Samụẹlị 6:19

tẹ tomi mamgba ogbo-ḅio, bebe Izirẹlị tomina-ogbo mẹ fịturu kpo-kpo na, fọịtẹ nama pakịrị-pakịrị na, ịn kẹ rezini sịn sịnmgbọlụ kẹ mịẹ kịkị na kẹ ḍie owiapụ-o, ereme-o gbọrụḅọ-gbọrụḅọ pịrịm. Anịtẹrẹmẹ tomi mamgba gbọrụḅọ-gbọrụḅọ so amịna warị mum.

2 Paka-aị 30:24

Hẹzịkaya, Juda ḅẹ amadaḅọ owi-nambulo maa ẹndẹ oyia asi finji (1,000) na, anana tẹra ẹndẹ fa si anana oyia asi na (7,000) kẹ kobiri-ogbo mẹ pịrịm kẹ agba mịẹ, tẹ sịḅịdapụ ma nwẹnị owi-nambulo maa ẹndẹ oyia asi finji (1,000) na, anana puku sọnọ ẹndẹ finji (10,000) na kẹ kobiri-ogbo mẹ pịrị. Agbamịẹapụ ma nwẹnị gburo-gburotẹ kịẹn-aḅịḅị ḅụ ịna ḅụụ mịẹ fịafịama.

Nehimaya 8:10

Anịtẹso ọ̀ nwẹnị ịn ḅẹẹ, “Ó sọ tẹ ḅẹlẹkị mẹ taḅa, tẹ mẹnị-mẹnị iru ḅuu, tẹ kẹlẹ kẹ anị ḅọ mẹ tẹ gberie sọ tẹlẹma pịrị-a ḅọ mẹ pịrịị; kẹ gotẹ ọkọ ḅẹẹarị, mịmgba mẹ anie wamịna KỊNỊNYANAḄỌ ḅe ḅụụ ḅụ fịafịa eneḅaka; tẹ ḅioḅuma, kẹ gotẹ ọkọ ḅẹẹarị, KỊNỊNYANAḄỌ ḅe ḅioḅẹlẹ anie ọmịna ịnyọ.”

Nehimaya 8:12

Tẹ tomi mamgba nwẹnị so ịn ḅo anga mu, tẹ fị, pịkị ḅuu tẹ kẹlẹ kẹ nyana-a apụ fịrịma, kẹ gburo-gburo ḅioḅẹlẹ mịẹ pakama ịn gbala mịẹfinji ịn pịrị tẹ ẹkwẹn-aḅịḅị ma fieye naa tẹ ẹrẹsị.

Jobu 29:13

Oriḅe tẹ fịị-faa ḅẹ tọn ḅọ ḅe boma, ḅo ị̀ ọgọnọ gbanam, tẹ à mịẹ tẹ diḅọ-fịtẹ-ẹrẹḅọ ma ḅioḅẹngbọ ḅioḅẹlẹ ḅụ nume-sunm.

Egberima-Ẹkwẹn 14:31

Í igoin-apụ ponomarị ḅẹḅẹ, ị́ ịn tẹmẹ Tamụnọ ḅe mịẹ-simarị; kụma í iḅi kẹ igoin-apụ mịẹarị mẹ anie í sunsin Tamụnọ pịrịarị.

Egberima-Ẹkwẹn 22:9

Ḅara sarasara tẹ ị́ fịye kẹ igoin-apụ ma na ḍiya. Í boma nyana gbamaso ḅa.

Ayịzaya 58:10

ị́ fịye kẹ ḅuru-pọkọtarịḅọ pịrị fị, tẹ ḅụụ-fụka nyana wararị apụ ḅụụ-fụka mịẹ pẹlẹ ịn pịrịarị ḅẹḅẹ, anịsakị ị́ gbaịn wararị kanakana mẹ ḅo eneḅaka-fịafịa-ogbo ḅịya ḅara ḅịya ḅa.

Ayịzaya 58:7

Í fịye kẹ ḅuru-pọkọtarịapụ ma na fịị, tẹ ị́ ḅọkọ finji sime-yọ nyana-a igoin-apụ ma pịrịị. Kapa kẹ sụa ḅẹ ye nyana-a apụ ma pịrị sụa, tẹ ḅarasụa ị́ amịnapụ pịrị mẹ sịkị ma.”

Matiyo 15:30

Opu tomina-ogbo-ogbo, ekeliapụ na, tọrụngbọ-pụụntẹ-apụ na, ngụrọ-kọnapụ na, oḅu amẹẹ na, pịkị tọnwa ja obi apụ na ịn nwẹn ọkị-ḅo Jizọsị ḅụọ suku koromam; tẹ ọ̀ nwẹnị ịn gwọ.

Matiyo 22:10

Mie ḅụ fịrịmẹnjịapụ ma mẹnjị paka mu tẹ etela ma ḅụ ini inetẹ ẹrị apụ, ẹrị apụ sịn ḅom, iḅi-apụ-o, si-apụ-o gbọrụ ḅara; tẹ tomi nwẹnị ere-ịya warị mẹ ḅin.

Luku 11:41

Kụma ọ́ tarị ọmịna kọpụ ma na ẹfẹrẹ ma na ḅio sime aị ma kẹ igoin-apụ pịrịị, anịsakị ye goyegoye, anị mịẹ-mịẹ ḅara ḅụ, fịafịa ọ́ pịrị ḅa.

Luku 14:12

Anịtẹso Jizọsị nwẹnị warị nyanaḅọ ḅe ḅẹẹ, “Jen sakị í fịye kẹ kịnị sịn-arị ḅẹḅẹ, í ikiapụ, anịanịa ị́ amịnapụ, anịanịa ị́ na kpeki tẹ anga igbigi nyana apụ, ḍiki tẹ sịn ma, ini sọ ḅofa fịye kẹ ị́ sịn tẹ ị́ kẹ ịn pịrị fịye kẹ ị́ gbẹẹ.

Luku 14:14

Anị sakị ini ma ini inetẹ ị́ gbẹẹ ḅịa sakị í ḅo boma ḅa. Iḅi apụ fị-ḅụ-saakị ḅẹ ene mẹ ḅụ Tamụnọ kẹ ị́ gbẹẹ ḅa.”

Luku 14:21

“Fịrịmẹnjịḅọ ḅe nwẹnị arịmgba ḍuko ọ̀ nyanaḅọ ḅe pịrị. Ịganị ḅụ ọ̀ nwẹnị fịrịmẹnjịḅọ ḅe ḅẹẹ, ‘Fọnya ama ḅio ḅẹ etela ma na, ọpọkụrụ ma na mu tẹ igoin-apụ na, ngụrọ-kọnapụ na, tọrụngbọ-pụụntẹ-apụ na, ekeliapụ na kẹ pịkị ḅoo.’

Fịrịmẹnjịapụ 9:39

Mie ḅụ Pita nwẹnị tẹlẹma tẹ ini na mu. Ò mu la tẹso ịn nwẹnị ori na ḅekin-warị mẹ kpọlị iwo. Anịanga sime diapụ-fịtẹ-ereme mamgba nwẹnị ò gbori-ikelema tẹ owu-owu tẹ Dọkasị ḍumo wararị sakị á gbin ịn pịrị akapa ḅara-ḅara ma kẹ ò ḍie.

Ditẹrọnọmị 14:29

tẹ Livayị furo-ḅẹ-apụ ma tẹ ọmịnị na ḍiekiri anịanịa sime anga nyana-a apụ ma na, jen sịẹ ḅẹ igoniapụ ma na, ḍaḅọ-na-iyingiḅọ-na-fịtẹ-awọmẹ ma na, diapụ-fịtẹ-ereme ma na, tẹ ọmịna ama ma ḅio simearị apụ ma, ḅo fị furo ḅinma ḅa; mịẹtẹ KỊNỊNYANAḄỌ ọmịna Tamụnọ ḅe kọrịnama mamgba tẹ ọmịnị ọmịna aḅara kẹ kọrị-ye kọrị-ye ḅụ ó boma ḅẹ ḅara.

Ditẹrọnọmị 16:11

anịsakị ọmịnị na, ọmịna owiapụ-awọmẹ na, ọmịna eremịna-awọmẹ na, ọmịna fịrịmẹnjị-owiapụ na, ọmịna fịrịmẹnjị-ereme na, ọmịna ama ma ḅio simearị Livayị furo-ḅẹ-apụ ma na, jen sịẹ ḅẹ igoniḅọ ḅe na, ḍa-na-iyingi-na-fịtẹ-awọmẹ ma na, diapụ-fịtẹ-ereme ma na tẹ ọmịna ogbo-ḅio simearị apụ ma na ḍereku ḅa anịanga mẹ tẹ KỊNỊNYANAḄỌ ọmịna Tamụnọ ḅe sẹlẹ-ọkị tẹ mịẹtẹ ori ẹrẹ mẹ sime ḅe anga mẹ ḅụ.

Ditẹrọnọmị 16:14

Ọmịnị na, ọmịna owiapụ-awọmẹ na, ọmịna eremịna-awọmẹ na, ọmịna fịrịmẹnjị-owiapụ na, ọmịna fịrịmẹnjị-ereme na, ọmịna ama ma ḅio simearị Livayị furo-ḅẹ-apụ ma na, jen sịẹ ḅe igoniḅọ ḅe na, ḍa-na-iyingi-na-fịtẹ-awọmẹ ma na, diapụ-fịtẹ-ereme ma na, ọmịna kopini afịaị ma ḅụ sọ tẹ ḍereku ḅa.

1 Timoti 3:2

Sọsị sịḅịdaḅọ mẹ mḅọ ḅụụ ḅụ ḅẹẹ ḅẹẹ ye pakama; mḅọ gbọrụ ẹrẹḅọ ngẹrị simee; mḅọ sịḅịḅio kuḅu tẹ, ḅụụ ọlọ tẹ ọrụtọn ḍumo kọn; mḅọ tọrụ-nimi-a atomi da warị suu; mḅọ inetẹ ye-tolumaa;

1 Timoti 5:10

tẹ pịkị iḅiye mịẹ ḅụ tomi iḅima lekiri wararị ḅọ. Karakara ḅara kẹ amịna awọmẹ ḍikiḍiki pakama-ḅo tẹ ẹrẹḅọ. Tọrụ nimi-a apụ daa á warị suu tẹ ḅọ. Ḅụụ-iderima tẹ fịrị mẹnjị á pembema Kịrayịsị ḍukamẹnjịapụ pịrị tẹ ḅọ. Ḅarasụa ḅụụ-fụka kiri ḅụ sime apụ pịrị tẹ ḅọ; tẹ nwẹnị gbọrsịḅị amịna ḅụụ saakị iḅiye mịẹ pịrị tẹ ẹrẹḅọ.

Tayịtọsị 1:8

Mḅọ ja anga ḅo apụ da warị suu tẹ iḅiye ḅẹlẹmaa. Mḅọ ḅụụ-ọlọ na, kịnị mingirima-a na, fịafịa na kpaịn na ḍumo nyana-a.

Filimọnị 1:7

Ì iḅi mịnaḅọ, ị́ ḅẹlẹma mẹ opu ḅioḅẹlẹ na ḅakatẹ ḅiokpọ na dogi-ḅo ị̀ pịrị tẹ! Ị́ Tamụnọ atomi mamgba aḅioḅẹngbọ feke-fekema tẹ.

Hiburu 13:2

Ọ́ kẹ ḅiokoroma tẹ amụ ọ́ tọrụ nimi-a apụ da ọmịna awarị suu. Anie mẹ mịẹtẹ, nimi-a ḅara ḅụ, enjẹlị apụ da warị suu tẹ ja apụ emi.