Luku 14:12 - FỊAFỊA BAỊBỤLỤ

¹² Anịtẹso Jizọsị nwẹnị warị nyanaḅọ ḅe ḅẹẹ, “Jen sakị í fịye kẹ kịnị sịn-arị ḅẹḅẹ, í ikiapụ, anịanịa ị́ amịnapụ, anịanịa ị́ na kpeki tẹ anga igbigi nyana apụ, ḍiki tẹ sịn ma, ini sọ ḅofa fịye kẹ ị́ sịn tẹ ị́ kẹ ịn pịrị fịye kẹ ị́ gbẹẹ.

Luku 14:12 Iomraidhean Croise

Egberima-Ẹkwẹn 14:20

Gbọrụḅọ-sọ, ọkị-ḅo ori na kpeki tẹ angarị ḅọ la, igoinḅọ ḅe ḅẹlẹma-a, kụma ngọ-kọn ḅọ ḅẹ tọnwa ikiapụ nyana wararị.

Egberima-Ẹkwẹn 22:16

Í ḍiepịrị-aị kẹ ngọ-kọnapụ ẹrẹ pịrị, anịanịa igoin-apụ ma ponoma, tẹ ngọ-kọn-arị ḅẹḅẹ, í ḅioju sọ igoin ḅa.

Matiyo 5:46

Ị́ nwẹnị ị́ ḅẹlẹmarịapụ ngẹrị ḅẹlẹmarị ḅẹ kụma Tamụnọ gotẹ gbẹẹ-ye kẹ ị́ pịrị ḅẹ ye tiye? Mị-ḅara mie ama-igbigi da apụ ma sọ kọkọ mịẹarị!

Luku 1:53

Ḅuru pọkọ-tarịarị apụ ma ori iḅi aị kẹ ịn pịrị fị furo ḅinma tẹ, ngọ-kọnapụ ma ọ̀ papaa ḅara ḅụ in dee-siin tẹ.

Luku 1:58

Árị na kpeki tẹ anga apụ na árị amịnapụ na nwẹnị KỊNỊNYANAḄỌ ḅe kẹ á mịẹ opu ḅụụ-buama iḅi mẹ naa tẹ ḅo árị na sọ tẹ ḍereku.

Luku 14:11

Amịna ḅụụ saakị-gelema ḅọ, gelema ḅọ, mḅọ iderima ḅa; anị sakị amịna ḅụụ iderima ḅọ, iderima ḅọ mḅọ opu sọ ḅa.”

Luku 14:13

Kụma ị́ fịye gotẹ kịnị sịn ḅẹ sakị, igoin-apụ na, ngụrọ-kọnapụ na, ekeliapụ na, tọrụngbọ-pụụntẹ-apụ na mie ị́ sịn ḅarịye.

2 Kọrịntị 6:13

Mịọkụ àrị ị̀ awọmẹ ḅara kẹ ẹkwẹn ọ́ pịrịarị: wa sụa ọ́ pịrị iḅi ḅioḅẹngbọ mẹ, ọmịnị sọ ọmịnị ọkọ sime ye sụa wa pịrị wararị nwẹn ḅẹẹ ye kẹ wa ḍie. Ọmịnị ọmịna aḅioḅẹngbọ finji sara wa pịrịị.