Luku 14:11 - FỊAFỊA BAỊBỤLỤ

¹¹ Amịna ḅụụ saakị-gelema ḅọ, gelema ḅọ, mḅọ iderima ḅa; anị sakị amịna ḅụụ iderima ḅọ, iderima ḅọ mḅọ opu sọ ḅa.”

Luku 14:11 Iomraidhean Croise

2 Samụẹlị 22:28

Ị́ ḅụụ iderima atomi ḍụa-ḅọrọmam, kụma ị́ atọrụngbọ ḅụụ-gelema ḅọ ḅe iderim ḅẹ tẹ ori ọgọnọ gbanam.

Ẹsịta 6:10

Anịtẹso amadaḅọ ḅe nwẹnị Emanị ḅẹẹ, “Fọnya mịẹ, opu akapa ma na, asụ ḅe na ọkị, tẹ ị́ wẹrịtẹ ḅẹẹ ḅara, ọkọ kẹ Mọdịkaya Juu-ḅẹ-ḅọ ḅe tẹ amadaḅọ ḅe ogigo-ḅọkọ lẹgị-sime wararị ḅọ ḅe mịẹ. Ị́ kịẹn sara ḅara ḅụ gberie-sọ wẹrịso ma.”

Jobu 22:29

Kẹ gotẹ ọkọ ḅẹẹarị, Tamụnọ opu amịẹaị mịẹ ḅọ ḅe iderimarị, kụma ori ideri kiri ḅụ sime ḅọ ḅe ḅọrọmarị.

Devidi-Anume 138:6

Tụkụmaye ị́ kpọma gele fa à wararị sọ, í iderima kiri sime apụ kẹ ye-sịn-arị, tẹ ḅụụ-gelema apụ ma inetẹ ị́ ḅụụ ịna aḅụụ ḅọị ḅịa.

Devidi-Anume 18:27

Ị́ ḅụụ iderima apụ ma ḅọrọmarị, kụma ị́ ḅụụ-gelema apụ ma iderimarị.

Egberima-Ẹkwẹn 15:33

Kụn kẹ KỊNỊNYANAḄỌ ḅe pịrị mẹ kịngẹ sọ ye-ḍawọye. Ị́ ḅụụ-lẹgịma-a ogbo, í inetẹ kụn nyana akiri nyana ḅịa.

Egberima-Ẹkwẹn 18:12

Tomi mangịmarị gbọrụḅọ-sọ ofori ḅụụ-iderimarị ḅọ sikima; opu ẹkwẹn kọn-arị apụ ma ịn mẹnjị mu gulugulu-faa ḅẹ muarị.

Egberima-Ẹkwẹn 25:27

Ḅẹm taḅa ḅụrama iḅi ị́ pịrị-a ḅara anie ḅụụ-kọsị tẹ tokini ḍọkị ḅaka sọ iḅi-a ḅara.

Egberima-Ẹkwẹn 29:23

Opu ẹkwẹn ị́ ḅịkị dogi-ḅo ḅa, kụma ị́ ḅụụ-lẹgịmarị ḅẹḅẹ, tomi kụn kẹ ị́ pịrị ḅa.

Ayịzaya 2:11

Gbọrụ ene ḅaka ḅoarị, tomina ḅụụ-gelema kuno tẹ in tomina Opu ẹkwẹn mẹ ḅaa siin ḅarị sakị. Anịtẹso ịn KỊNỊNYANAḄỌ ḅe ngẹrị gelema ḅa.

Ayịzaya 2:17

Tomḅọ opu ẹkwẹn mẹ ideri ḅa, tẹ tomina ḅụụ-gelema mẹ ḅo ḅụụ-iderima ḅa; KỊNỊNYANAḄỌ ḅe ngẹrị Geleḅọ sọ ḅa anị ene mẹ ḅụ,

Ayịzaya 57:15

“Yẹrị anie gele tẹ fịafịa Tamụnọ ḅe tẹ ḍumo mu ḅẹẹ-sakị ḅẹẹ-sakị laarị ḅọ ḅee. Geletẹ fịafịa yọ ḅụ mie arị angarị, kụma à pịkị ḅụụ-iderima tẹ si ḅụ pịkị tẹmẹ nyana apụ na simearị, mịẹ tẹ arị inetẹ ịn pịkị-ḅo amịna ḅụụ-nimi na ḅiokpọ na ḅụ suu ḅẹ ḅara.

Matiyo 23:12

Amịna ḅụụ-gelemarị ḅọ, ini mḅọ iderima ḅa, amịna ḅụụ iderimarị ḅọ ini mḅọ kẹ opuḅọ mịẹ ḅa.

Luku 1:51

Ori ọ̀ kụrọtẹ opu ḅara sụn-pakama tẹ opu amịẹaị atomi ma gala-galama tẹ, ịna ḅiotọn aị ma na ini na.

Luku 1:52

Ori opu amadapụ ma siin koroma tẹ ịna emine ma ḅụ, tẹ iderima kiri ḅụ sime apụ ma iwoma tẹ.

Luku 14:12

Anịtẹso Jizọsị nwẹnị warị nyanaḅọ ḅe ḅẹẹ, “Jen sakị í fịye kẹ kịnị sịn-arị ḅẹḅẹ, í ikiapụ, anịanịa ị́ amịnapụ, anịanịa ị́ na kpeki tẹ anga igbigi nyana apụ, ḍiki tẹ sịn ma, ini sọ ḅofa fịye kẹ ị́ sịn tẹ ị́ kẹ ịn pịrị fịye kẹ ị́ gbẹẹ.

Luku 18:14

Jizọsị nwẹnị ḅẹẹ, à ḍuko ọ́ pịrịarị, ama-igbigi da ḅọ ḅe mie Tamụnọ na ḅẹrẹ-fama tẹ ye, ọ̀ warị la sakị, Farịsiiḅọ ḅe-a. Gbala amịna ḅụụ gelema ḅọ, gelema ḅọ ini mḅọ iderima ḅa, tẹ amịna ḅụụ iderima ḅọ, iderima ḅọ ini mḅọ kẹ opu sọma ḅa.”

Jemụsị 1:9

Kịrayịsị ḍukamẹnjịḅọ tẹ igoin kiri ḅụ Tamụnọ saakị-gelema ḅọ mẹ, mḅọ ḅioḅẹlẹẹ,

Jemụsị 4:10

Ọ́ KỊNỊNYANAḄỌ ḅe tọrọkọ ḅụ ḅụụ lẹgịma, anịsakị ori ọ́ saakị-gelema ḅa.

Jemụsị 4:6

Kụma Tamụnọ kẹ tomi pịrịarị ḍiki-ḅụụjịrị mẹ kụrọ anị nẹngịm. Anie Fịafịa Ḍiri mẹ ḅẹẹarị ḅara, “Tamụnọ opu amịẹaị mịẹ apụ na tụḅụrụarị, kụma ò ḍiki-ḅụụjịrị nyana ḅụụ iderima apụ ma pịrịarị.”

1 Pita 5:5

Ọmịnị asawọ ma sọ ọkọ ḍikima tẹ sịḅị-tuu omongiapụ ma pịrịị, tẹ ọmịnị-mgba ḅụụ iderima kẹ tọrọkọ kikima ḅịtẹ sọma tẹ fịrịmẹnjị jụmọ-jụmọ pịrịị, kẹ gotẹ ọkọ ḍukoarị, Fịafịa Ḍiri mẹ ḅẹẹarị, “Tamụnọ ḅụụ-gelemarị ḅọ na tụḅụrụarị, kụma ḅụụ iderimarị ḅọ mẹ mie ori iḅi tọrụ kẹ ḍikiarị.”

1 Pita 5:6

Ọkọẹrẹsị, ọmịnị ọmịna ḅụụ iderimaa, Tamụnọ kụrọtẹ ḅara mẹ suku-ḅio ḅụ, mịẹtẹ ori iḅi sakị ḅụ ọ̀ nwẹnị ọ́ saakị-gelema ḅẹ ḅara.

1 Samụẹlị 15:17

Samụwẹlị nwẹnị ḅẹẹ, “Í soku-ḅẹ atọrụngbọ ḅụ ị́ ịrụ wararị ḅẹsọ, Izirẹlị ḅẹ afuro ma ḅẹ sịḅịdaḅọ ị́yẹrị-a? KỊNỊNYANAḄỌ ḅe pulo kẹ ị́ sịḅị sara tẹ ị́ kẹ amadaḅọ mịẹ Izirẹlị pịrịm,