Luku 14:10 - FỊAFỊA BAỊBỤLỤ

¹⁰ Anie nakara, ịn fịye gotẹ ị́ sịnm ḅẹḅẹ, mu iderima tẹịn anga lẹgị, tẹ warị nyanaḅọ ḅe rẹ ḅo ị́ ḅẹẹ, ‘Ì ikiaḅọ, mịanga rẹ mie ị́ lẹgị ye, sisi saakị iwoma iḅi mịanga nẹngị anga ḅoo!’ Anị nwẹnị inweni-mgba tọrọkọ kụn kẹ ị́ pịrị ḅa.

Luku 14:10 Iomraidhean Croise

Egberima-Ẹkwẹn 15:33

Kụn kẹ KỊNỊNYANAḄỌ ḅe pịrị mẹ kịngẹ sọ ye-ḍawọye. Ị́ ḅụụ-lẹgịma-a ogbo, í inetẹ kụn nyana akiri nyana ḅịa.

Ayịzaya 60:14

Í ponoma sime apụ ma owiapụ-awọmẹ ma ḅo ḅa Tẹ tuuideri tẹ kụn kẹ ị́ pịrị ḅa. Gbọrụ sakị í ḍiki-sima sime apụ mamgba ị́ aḅụọ suku sunsin ḅa. Ịn kẹ ị́ sịn ḅarịye: KỊNỊNYANAḄỌ Ḅe Opu Ama. Zayọnị, Izirẹlị Tẹkẹarị Fịafịa Ḅọ Ḅe Opu Ama.

Mịẹfinji 3:9

Ị̀ Pokii! Anị sime Ekwesu pịrị ogbo mẹ kụma, iruo apụ ma, tẹ Juu-ḅẹ-apụ-a tẹ amịna ḅụụ kẹ Juu-ḅẹ-apụ sịn-arị apụ ma, à mịẹtẹ in ḅo ị́ aḅụọ-suku kparakị ḅa. Tẹ inimgba nimi ḅa mịnẹ àrị ị́ ḅẹlẹmarị.

1 Samụẹlị 15:17

Samụwẹlị nwẹnị ḅẹẹ, “Í soku-ḅẹ atọrụngbọ ḅụ ị́ ịrụ wararị ḅẹsọ, Izirẹlị ḅẹ afuro ma ḅẹ sịḅịdaḅọ ị́yẹrị-a? KỊNỊNYANAḄỌ ḅe pulo kẹ ị́ sịḅị sara tẹ ị́ kẹ amadaḅọ mịẹ Izirẹlị pịrịm,