Luku 14:1 - FỊAFỊA BAỊBỤLỤ

¹ Gbọrụ Ịnyọsara-Ene ḅụ, Jizọsị mu gbọrụ opu Farịsiiḅọ warị ye fị ḅẹ mu sakị, tomi ori ẹbị lamam.

Luku 14:1 Iomraidhean Croise

Devidi-Anume 37:32

Si-sịḅịḅio-sụa tomḅọ ḅe ẹbịarị, ori iḅi tomḅọ ḅe ḅaa ḅẹ ḅara.

Devidi-Anume 41:6

Ì obi kiri mẹ ḅụ ị̀ ẹrị ḅẹ ḅoarị apụ ma ịn karakara tẹmẹ kẹ ḅo-a; ini ì gboloma si-aị ḍọkị mu ḍuko-ḍuko ama-kanarị.

Devidi-Anume 62:4

Ò simearị kụn nyana kiri mẹ ḅụ ọ̀ nụnụ iderima-ḅo kịngẹ mie ó ḅiiarị; iruo aị mie ọmịna tọrụ ḅẹlẹmarị. Boma ẹkwẹn mie ọ̀ kọn-arị, kụma ḅioḅẹngbọ ḅụ ọmịnị ò gboarị.

Egberima-Ẹkwẹn 23:7

Ọ̀ ḅẹẹarị, “Ḅoo, tẹ jen ọkịị,” kụma ori ọ̀ mịẹ ḅẹ ye ḍuko-a. Ò kuromarị ḅara mẹ anie sụntẹ ò sime-ḅara.

Matiyo 12:12

Anịsakị tomḅọ yela anana nẹngị ḅara ḅaka wararị! Miemẹ ẹrẹsị wamịna Oloko mẹ minini wa pịrị wararị mịnẹ wa ḅarasụa kịnị pịrịị Ịnyọsara-Ene mẹ ḅụ.”

Makị 3:2

Anịanga sime apụ ma ḅẹ ja apụ mịẹkọn kẹ Jizọsị sịḅị sẹịn ḅẹ tẹ simem; mie ḅụ ini ori ẹbị lamam Ịnyọsara-Ene mẹ ḅụ ò tomḅọ ḅe gwọ ḅarị ḅoto.

Luku 11:37

Jizọsị ẹkwẹn fama tẹso, Farịsiiḅọ nwẹnị ọ̀ sịn ò ḅo ori na ye fị; tẹ ọ̀ nwẹnị mu tẹ ye mẹ fị ḅẹ tẹ lẹgị.

Luku 14:2

Anịanga ḅuru-obi kọn-arị gbọrụḅọ Jizọsị dama-ḅom.

Luku 17:20

Farịsii ḅẹ ja apụ nwẹnị Tamụnọ Ama-da mẹ ḅo ḅẹ sakị kẹ Jizọsị gbela. Mie ọ̀ pakịrị ḅịḅị, “Tamụnọ Ama-da mẹ tomi ẹrị ḅẹ ḅara kẹ ḅo ḅịa.

Luku 20:20

Miemẹ ḅụ ịn nwẹnị ini na-iḅi ḅẹ sakị ḍọkị. Ini ọḅụ kẹ ja atomi pịrị fịm mịnẹ ini ịna ḅụụ kẹ ó ḍukamẹnjịarị karakara atomi elekima, tẹ ini ịn kẹ fịrịma tẹ in mu ọ̀ ḅịḅị ḅụ ye naa ḅo, tẹ ịn kẹ ọ̀ kẹ Romu ḅẹ Ḅẹrẹtọnḅọ ḅe opu kụrọ ḅara-ḅio suu ḅẹ ḅara, kịrị-kịrị aị kẹ Jizọsị gbela ḅụ.

Luku 6:7

Anịanga sime Oloko toluma apụ na Farịsiiapụ na ḅẹ ja apụ nwẹnị Jizọsị ẹbị lama, Ịnyọsara-Ene mẹ ḅụ ori obi gwọm ḅẹḅẹ ini anị kẹ oloko kẹ ori ọlọ ḅẹ ḅara.

Jọnị 3:1

Juu-ḅẹ gbọrụ opuḅọ simem, ori ẹrẹ Nikodimọsị, ori Farịsiiḅọ.

Fịrịmẹnjịapụ 5:34

Kụma ịna ḅụ ḅẹ gbọrụḅọ, tẹ Farịsiiḅọ, ori ẹrẹ Gamalịyẹlị, ori ḅe oloko tolumaḅọọ, tẹ tomi mamgba pịkị ọ̀ kụn lamarị, nwẹnị Sịẹ-Kobiri mẹ ḅụ saakị sịẹ. Ọ̀ tọnm mịnẹ ịn fịrịmẹnjịapụ ma pakamaa.