Luku 13:8 - FỊAFỊA BAỊBỤLỤ

⁸ Kụma ḍụọ ḍikiḍikiḅọ ḅe nwẹnị pakịrị, ‘Ị̀ nyanaḅọ, anị wẹrịsoo, tẹ pịkị jen gbọrụ kụra kẹ anị pịrịị; àrị anị suku soku ikelema tẹ ḅụrụtẹ afun kẹ sara ḅa.

Luku 13:8 Iomraidhean Croise

Devidi-Anume 106:23

Tamụnọ ori atomi ma ḅaa guluguluma ḅẹ tẹ ḍuko sakị, Mozizi, ori sẹlẹ ọkị tẹ fịrịmẹnjịḅọ ḅe, Tamụnọ kikim, tẹ ḍụkụ tẹ ori ịganị mẹ ịn ḅaa guluguluma-a.

Paka-so 34:9

tẹ ọ̀ nwẹnị ḅẹẹ, “Yei KỊNỊNYANAḄỌ à nwẹnị mịọkụ í ḍiki-tọrụ ḅụ ị́ ḅụụ-ḅẹlẹarị ḅẹḅẹ, yee KỊNỊNYANAḄỌ ḅe wamịna ogbo ḅio sọ-mu, arị ị́ tẹkẹm, wamịnị kọngọ-kụrọtẹ atomi ḅẹsọ; tẹ wamịna mịẹ-irima na, wamịna si na wẹrịsoo, tẹ wa ọkị ị́yẹrị nyana apụ sọmaa.”

Jerimaya 15:1

Anịtẹso KỊNỊNYANAḄỌ ḅe ị̀ ḅẹẹm: Mozizi na Samụwẹlị na ị̀ tọrọkọ sịẹsime tẹ in gotẹ ị̀nịna ḅịḅị-ọkịyam sọ, gbọrụ ọkụrụkụrụ sọ à nyana mịna apụ ma pịrị ḅịa. Mịẹ tẹ in so; mịẹ tẹ ini ị̀ tọrọkọ sikima.

Jerimaya 18:20

Si anie ịn kẹ iḅi gbẹẹ ḅẹ ye aro? Anịsọ ini olulu soku ị̀ pịrị tẹẹ, à ḅịkị sọ ḅẹ ḅara. Kẹ ḅiokoroma arị ịna sịḅị gotẹ ị́ dama-ḅo tẹ ẹkwẹn ị́ pịrị ḅara, mịẹ tẹ ị́ ịganị kẹ ini na mịẹ ḅịa ḅara.

Jowẹlị 2:17

Yee agbamịẹapụ ma tẹ fịrịmẹnjị KỊNỊNYANAḄỌ ḅe pịrịarị apụ ma agbamịẹ-anga mẹ na ḅọrọ Tamụnọ warị mẹ sọarị yọ mẹ na ogboku tẹkẹ tẹ ḅẹẹ: “KỊNỊNYANAḄỌ, ị́ atomi ḍiki-sịḅị-kụrụkụrụụ. Wa ḅelemaa mị ḅụụ-jịrị mẹ ḅio; ḍụkụ tẹ igoniapụ ma wa ḍiki-sima ma. Ndẹẹ jen sịẹ wa kombo tẹ gbela ḅẹ ḅara, ‘Ọmịna Tamụnọ ḅe ọ̀ tọ-anga emi?’ ”

Luku 13:7

Anie ḅụ ọ̀ nwẹnị ọ̀ ḍụọ ḍikiḍikiḅọ ḅẹẹ, ‘Ḍikii, tẹra kụra na gbasị ye à nwẹn kẹ ḅo, ḅo tẹ mị ịla sịn mẹ ḅụ mgbọlụ ḍiki tẹ, kụma gberie-sọ àrị ẹrị-a. Anị pẹlẹ gbin! Anị gotẹ kiri mẹ fama ḅẹ ye ofori.’

Luku 13:9

Anịtẹso ịla mẹ jen kụra ḅụ mgbọlụ sụa, sụa iḅim, ọkọ-a ḅẹḅẹ anị sakị rẹ í inetẹ anị pẹlẹ-gbin ḅa.’ ”

Luku 14:35

Kiri ḅụ sọ anị mịẹ ḅẹ ye ḅarị ofori, kẹ ye ḍiḅi ḅẹ fun na sara gboloma ḅụ sọ anị ḅarị iḅi-a. Anị kẹ sara nguma kịngẹ mie anị sime pịrị tẹ ye. Naa ḅii ḅọ naa!”

Romu 10:1

Ị̀ amịnapụ, arị ì ḅioḅẹngbọ mẹmgba kẹ ḅiiarị mịnẹ ị̀ ama ḅẹ apụ ma paa ḅọrọma. Arị ịn gotẹ kpọma tẹmẹ-la ḅara kẹ Tamụnọ tẹkẹarị.

Romu 11:14

Ẹbịsịya anị ḅụ ḅo ye ì pembema Juu-ḅẹ-apụ ma ḅụụ-sịnịsịnịma tẹ ini ḅẹ ja apụ ḅọrọma ḅarị ḅoto.

2 Pita 3:9

KỊNỊNYANAḄỌ ḅe ò minini ye mịẹ ḅụ ọ̀ sakị fama fama-a, ja apụ kuromarị mịnẹ ọ̀ sakị famarị ḅara mẹ. Anie nakara, ọmịna ḅụ, ò ye-inemarị, ò ḅii-a gbọrụḅọ-sọ fịị gulugulu ẹrẹsị, kụma ò ḅiiarị inweni-mgba ịna asi ḅụ pịkị.