Luku 13:6 - FỊAFỊA BAỊBỤLỤ

⁶ Anịtẹso Jizọsị nwẹnị mị egberi mẹ gbaa ịn pịrị: “Gbọrụ sakị, gbọrụ tomḅọ nwẹnị ọ̀ girepu-ḍụọ ḅio ịla sịn ẹrị anị so-pakarị. Ò mu-mu tẹ ịla mẹ ọgọnọ ḍikim, kụma gbọrụ mgbọlụ sọ anị sụa-a.

Luku 13:6 Iomraidhean Croise

Jerimaya 2:21

Iḅi tẹịn kụrọ-sịn mgbọlị ḅara ḅụ mie à kẹ ị́ sẹlẹ pakama-ḅo tẹ ị́ kẹ ḍiḅi ye. Kụma í ḅo sime tẹ ḅara ḍikii! Í ḅo ḅụrụ tẹ kẹ mịẹ-mịẹ ye ofori kụrọ kịka tẹẹ.

Jerimaya 8:13

“À ḅiim à tomḅọ fịaị soku sakị ò soku aị kobiri ḅara kẹ ì atomi kobiri, kụma mgbọlụ sụa-a kụrọ-sịn mie ịn kịkarị, gbala ịla sịn tẹ ịla mgbọlụ sụa ye ọkụ. Ọkọ ẹrẹsị à minini anị gboloma-a apụ pịrịtẹ ini amakiri mẹ ọkị ịna nye sọmaa.”

Luku 13:5

Gbala-gbala, ọkọ-a! À ḍuko ọ́ pịrịarị, ọmịnị ọmịna asi ḅụ pịkị-a ḅẹḅẹ, ọmịnị-mgba ịn fịị ḅara fịị ḅa.”

Luku 3:9

Ó nimi mịnẹ ịn kumbu farị sịn ma wẹrịma tẹ; iḅi mgbọlụ sụaa sịn, ini anị pẹlẹ-gbin ḅa kuno ḅụ, tẹ anị kẹ kọrị fịnị ḅio gbin suu dọkịma ḅa.”

Jọnị 15:16

Ọmịnị ị̀ sẹlẹ-ọkị-a, yẹrị rẹ ọ́ sẹlẹ-ọkị tẹ tọnm mịnẹ ó mu mgbọlụ sụa lama, anie sime ene la ḅarị mgbọlụ. Mie ḅụ ọmịnị ị̀ ẹrẹ ḅụ ḅii ye, ḅii ye, Ḍaḅọ ḅe anị kẹ ọ́ pịrị ḅa.

Galesiya 5:22

Kụma Fịafịa Tẹmẹ ḅe pakama-ḅoarị aị anie ḅẹlẹma na, ḍereku na dein na; ye-inema na, iḅi-yemịẹ-ḅara na iḅi na; ḅioḅẹngbọ-kẹ-sịrẹrẹ-niḅi ḅara sime na,

Filipayị 4:17

Anị fie-a mịnẹ à ḍiepịrị-aị ḅiiarị; anie nakara, à ḅiiarị mịnẹ arị ọ́ mịẹ ye mẹ ḅẹ sọye kẹ sụa ọ́ pịrị.

Ḅẹrẹkọn-apụ 9:11

Kụma ịla opu sịn mẹ nwẹnị ḅẹẹ, ‘Àrị à kọn-arị ḅẹlẹ mẹ na, ị̀ iḅi sịnmgbọlụ mẹ na wẹrịso tẹ mu yọngọ ama-ḅara na, ere-ḅara na, ọḅụ-na-kuḅu-na da opu asịn ma pịrị ḅẹ?’