Luku 13:4 - FỊAFỊA BAỊBỤLỤ

⁴ Maa apụ fa si ma tẹ Silohamụ ḅụ gele warị paịn-sara tẹ ponoma ḅaa apụ ma ḅọrọ tọ-ḅara? Ó kuromarị in sii osi apụ tẹ Jeruselemu ḅụ sime apụ ma nẹngị?

Luku 13:4 Iomraidhean Croise

1 Amadapụ 20:30

Kirikọn apụ ma nwẹnị mangị Afẹkị opu ama mẹ ḅio sọ; tẹ ama mẹ ḅẹ onu mẹ nwẹnị ḅịkị tẹ kọn apụ ma ḅụ kịnị tẹra apuku na, sọnọma ẹndẹ na, kịnị oyia asi na (27,000) ḅaa. Bẹnị-hadadị sọ nwẹnị mangị mu opu ama mẹ ḅio gbọrụ kala-ḅio ḅụ sọ

Nehimaya 3:15

Salumu, Kolozẹhi owiḅọtụḅọ, Mizipa tomi kpo mẹ ḅẹrẹtọnḅọ ḅe Minji-sararị Ogigo-ḅọkọ mẹ tẹlẹmam; ò sin anị nama tẹ isun ịkasị anị gbaịnm, tẹ anị ḅẹ ḅọkọ na, jụkoroma na, ẹngbẹsẹ ma na sụam; ori amadaḅọ ḅe ḍụọ mẹ ḅẹ Sẹla Minji-koko-anga mẹ ḅẹ onu mẹ nama mu Devidi Opu ama mẹ ḅụ mẹnjị ideri tanjịye mẹ lam.

Jobu 1:19

tẹ ḍikii ḅẹ sakị, gburo-gburotẹ kụrọ fẹrụ nwẹnị fie ịkpa mẹ saḅa koro tẹ warị mẹ ḅẹ inia ịkọlị ma sukuruma-gbin, arị nwẹnị ḅịkị asambịrịma atomi ma ọgọnọ koro tẹ ịn fịị tẹ; tẹ yẹrị ngẹrị mie ḍumo-mangị kọn tẹ ḍuko ị́ pịrị ḅẹ ḅo ye.”

Ayịzaya 8:6

Ori mẹ, “Mịna apụ ma Siloha ḅẹ aḍaḅa ma ḅụ deinma mẹnjị ḅoarị minji mẹ sịkị tẹ ẹrẹsị, tẹ Ama-da Rezini na Ama-da Pẹka na tọrọkọ oju sẹkịarị,

Matiyo 18:24

Ò ḅo saakị ọkọ mịẹ sakị, ịn nwẹnị fịrịmẹnjịapụ ma ḅẹ gbọrụḅọ kẹ ḅo, ọ̀ ḅara kịẹnkịẹn-ọkụ-ofori igbigi saa ọlọ ḅọ.

Matiyo 6:12

Wa mịẹ-irima tẹ aị ma wẹrịso wa pịrịị, wa ja apụ kẹ wa iri tẹ aị ma wẹrịso ịn pịrịarị ḅara.

Luku 11:4

Wamịna asi wẹrịso wa pịrịị, wamịnị sọ wẹrịso si kẹ wa mịẹ ḅọ, mịẹ ḅọ pịrị-pịrị ḅara. Tẹ ḍụkụ tẹ wa mu kụrọtẹ daaḍiki ḅio sọ ma.

Luku 13:3

Gbala-gbala, ọkọ-a! À ḍuko ọ́ pịrịarị, ọmịnị ọmịna asi ḅụ pịkị-a ḅẹḅẹ ọmịnị-mgba ịn fịị ḅara fịị ḅa.

Luku 13:5

Gbala-gbala, ọkọ-a! À ḍuko ọ́ pịrịarị, ọmịnị ọmịna asi ḅụ pịkị-a ḅẹḅẹ, ọmịnị-mgba ịn fịị ḅara fịị ḅa.”

Jọnị 9:11

Ọ̀ nwẹnị pakịrị, “Jizọsị nwẹn-sịn tomḅọ lịka wọlọ tẹ kẹ ị̀ atọrụngbọ ḅọrọma tẹ ị̀ ḅẹẹm à Silohamụ mu tẹ ị̀ tọrụ sịkịrịị. Mie ḅụ à nwẹnị mu tẹ sịkịrị gbọrụ sakị àrị inetẹ ye ẹrịm.”

Jọnị 9:7

tẹ ḅẹẹ, “Mu tẹ Silohamụ nwẹn-sịn ḍaḅa mẹ ḅio ị́ tọrụ sịkịrịị.” (Mị ẹrẹ mẹ fiearị ye anie “Fịrịmam.”) Mie ḅụ tomḅọ ḅe mu tẹ ọ̀ tọrụ sịkịrị tẹ ye ẹrịma pịkịma-ḅom.

Fịrịmẹnjịapụ 28:4

Ododo ḅe ọkọ kẹ Pọlụ ḅara lọkụ-lọkụarị mẹ mịẹtẹ ama nyana apụ ma nwẹnị jụmọ-jụmọ ḅẹẹ, “Ḅieḅe arịḅọ ḅa; abajị ḅio ọ̀ fa-a so tẹso, kụma ọ̀ kọn tẹ iri-mịẹye mẹ paa ọ̀ ḅaa ḅẹ tẹ ò ḍukamẹnjịarị.”