Luku 13:35 - FỊAFỊA BAỊBỤLỤ

³⁵ Ọkọẹrẹsị ị́ Tamụnọ-warị mẹ ini anị koroma mangị ḅa. À mịẹtẹ í nimiarị mịnẹ ị́ ḅarị ị̀ ẹrị ḅịa nwenii sakị ḅo tẹ ị́ ḅẹẹ ḅa, ‘Tamụnọ KỊNỊNYANAḄỌ ḅe ẹrẹ ḅụ ḅoarị ḅọ ḅe bomaa.’ ”

Luku 13:35 Iomraidhean Croise

Devidi-Anume 118:26

Yee Tamụnọ, KỊNỊNYANAḄỌ ḅe ẹrẹ ḅụ ḅoarị ḅọ ḅe boma! KỊNỊNYANAḄỌ ḅe Warị mẹ ḅio wa sime tẹ í bomarị.

Devidi-Anume 69:25

Yee ịna akpụrụ-awarị in kobiri tẹ simearị anga mẹ ḅụ kịnị mamgba mangị-so; yee gbọrụḅọ-sọ ḍumo sime ma ịna akpụrụ-awarị ma ḅio.

Ayịzaya 52:7

Tụndụ ma saḅa-koro saḅa-koro tẹ iḅi-oku kẹ ḅo ḅọ ḅe ẹrị mẹ kpọma ḅụụ-buama ḅara ḍikii, ori iḅi-oku ọkị-ḅoarị, dein oku mẹ! Ori owu-ḅara-iḅi ḍuko wasama tẹ Zayọnị, ḅẹẹarị, “Ị́ Tamụnọ anie amadaḅọ!”

Jerimaya 22:5

Kụma ọmịnị ì oloko ma poki tẹ mịẹ-a ḅẹḅẹ, à karị ọ́ pịrịarị mịnẹ mị amada-warị mẹ ḅịkị tẹ sii kọsị ḅa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 35:17

Mịọkụ mie ḅụ, yẹrị, Kụrọmamgba nyana KỊNỊNYANAḄỌ ḅe, Izirẹlịapụ tẹkẹarị Tamụnọ ḅẹ, à minini guluguluma mamgba ọkị-ḅo ọmịnị Juda na Jeruselemu na ḅẹ apụ ma ọgọnọ gbana ḅa. À miemẹ mịẹ ḅa arị ẹkwẹn ọ́ pịrị sakị ó poki ḍụkụ-a ẹrẹsị, tẹ à pịkị ọ́ sịn sakị sọ ọ́ pakịrị ḍụkụ-a.”

Mayịka 3:12

Anịẹrẹsị ó gotẹ, ịn ḍụọ ḍiḅi ḅẹ kiri soku ḅara kẹ Zayọnị soku ḅa, Jeruselemu si-aị nguma kpoli sara sọ ḅa, tẹ Tamụnọ warị mẹ nama tụndụ mẹ ḅo opu piri sọ ḅa.

Zẹkaraya 12:10

Devidi furo-ḅẹ-apụ ma na Jeruselemu ḅụ simearị osi apụ ma na arị ọkụrụkụrụ tẹmẹ na tẹkẹ tẹmẹ na kẹ ịna aḅụụ suu ḅinma ḅa. Ini ini ogie kẹ temi ḅaa ḅọ ḅe ḍiki ḅa, tẹ ò ḍuu ḅa, ngẹrị tụḅọ ḍuu ḅara kịka ḅara. Ini akụ tẹmẹ kẹ ḍuu ḅa, amịna mgbe fịị ḍuuarị apụ kịka ḅara.

Zẹkaraya 14:2

KỊNỊNYANAḄỌ ḅe sịẹ-sịẹ mamgba kobiri ḅo tẹ in Jeruselemu kẹ ọmụ kiri sọma ḅa. Ini opu ama mẹ ọkị ḅa, warị-warị ma fọịn, tẹ nwẹnị kụrọ ḅara kẹ ereme ma na tii. In tomi ma kẹ maa anga ḍie ḅa, gbọrụ anga kun-so mu jen sịẹ ḅụ angama ḅa, kụma ịna ḅụ kirikọn-apụ ma opu ama mẹ ḅio ini ini ọkị so ḅịa.

Matiyo 21:9

Tomina-ogbo-ogbo ma tẹ Jizọsị tọrọkọ tarị apụ ma na, ori ọḅụ ḍuka-mu apụ ma na nwẹnị saakị oloku tẹ ḅẹẹ, “Devidi Tụḅọ ḅe tokinii! Tamụnọ, KỊNỊNYANAḄỌ ḅe ẹrẹ ḅụ ḅoarị ḅọ ḅe bomaa! Ọ́ Tamụnọ tokinii!”

Matiyo 23:37

“Jeruselemu, Jeruselemu! Ị́yẹrị ịkịankoroapụ ma ḅaa tẹ pịkị ḍụḅarị kẹ Tamụnọ kẹ oku kẹ ị́ fịrịma apụ gbin-arị ama! Nda asakị à nwẹn kẹ ị́ atomi mamgba kobiri ì kuḅu ḅio suu ḅẹ ḍọkị tẹ, ịyọrọ ọḅọkọ pamba kẹ amịna awọmẹ gbaịn ḅara, kụma ị́ ḍụkụ ị̀ pịrị-a!

Luku 19:41

Ò ḅo opu ama mẹ kpeki tẹ anị ẹrị tẹso, ọ̀ nwẹnị anị gotẹ owu,

Luku 21:24

Ini okologie kẹ ja apụ ḅaa ḅa; ini ikoliapụ ḅara kẹ osi apụ kun so ja asịẹ mu ḅa; tẹ oru nimi apụ Jeruselemu mẹ ḅio anga tẹ mẹnjịma, mẹnjịma nwenii ịna sakị kara ḅa.

Jọnị 12:13

Mie ḅụ ịn nwẹnị ọrọrọ ḅara dogi tẹ oloku-ma paka ori na bịama ḅẹ mu. Ini mẹẹ, “Tamụnọ tokinii! KỊNỊNYANAḄỌ ḅe ẹrẹ ḅụ ḅoarị ḅọ ḅe Tamụnọ ò bomaa! Tamụnọ Izirẹlị Amadaḅọ ḅe bomaa.”