Luku 13:34 - FỊAFỊA BAỊBỤLỤ

³⁴ “Jeruselemu, Jeruselemu! Ị́yẹrị ịkịankoroapụ ma ḅaa, tẹ, pịkị ḍụḅarị kẹ Tamụnọ kẹ oku kẹ ị́ fịrịma apụ gbin-arị ḅọ! Nda asakị à nwẹn kẹ ị́ atomi mamgba kobiri ì kuḅu ḅio suu ḅẹ ḍọkị tẹ, ịyọrọ ọḅọkọ pamba kẹ amịna awọmẹ kobiri gbaịn ḅara, kụma ị́ ḍụkụ ị̀ pịrị-a!

Luku 13:34 Iomraidhean Croise

Nehimaya 9:26

“Anịsọ in ḅịḅị poki-a, tẹ sịḅị kụrọma ị́ pịrịm, tẹ ị́ oloko kẹ ịna ọḅụ gbin koromam. Ini ịkịankoroapụ ma tẹ ịn pịkị-ḅo ị́ pịrị ḅẹ apụ ma ḅaam tẹ gburo-gburoma ḅịḅị kẹ ị́ lamam.

Nehimaya 9:30

Ị́ tọnwa kụra kẹ inoma fị in pịrịm, tẹ ị́ ịkịankoroapụ ḅụụ ḅụ ị́ Tẹmẹ kẹ fịrịmatẹ ịna ḅeri nụnụm. Anịsọ in poki-a. Anịẹrẹsị ị́ ịn kẹ ama ma ḅio ḅẹ atomi ma ḅara-ḅio sunm.

Devidi-Anume 149:2

Izirẹlị, ḅioḅẹlẹẹ, ị́ Tẹmẹḅọ ḅe gotẹ Zayọnị ḅẹ apụ, ó ḍerekuu, ọmịna amadaḅọ ḅe gotẹ!

Devidi-Anume 17:8

Ị̀ gbaịn, ị́ kẹ ị́ atọrụngbọ mịẹ ḅẹ ḅara pembe ḅara: ị́ apamba suku-ḅio ị̀ ḅọị

Devidi-Anume 36:7

Yei Tamụnọ, í kuno-a ḅẹlẹma mẹ kpọma yelam! Ị́ ị́ apamba kẹ wa gbaịn-arị.

Devidi-Anume 57:1

Ọkụrụkụrụ nyana ị̀ pịrịị, Yei Tamụnọ, ọkụrụkụrụ nyana-a; ye ḅarị ị̀ la ḅịa ḅara ẹrẹsị arị ị́ ḍọkụma-ḅom. Ị́ pamba suku-ḅio mie à ḅọị ḅẹ anga simearị, nwenii ḍarịarị erise ma ḅọrọ.

Devidi-Anume 81:13

À kpọma ḅiim mimgbe ị̀ atomi ma ì poki tẹẹ; à kpọma ḅiim mimgbe ini ị̀ ḅịḅị poki tẹẹ!

Devidi-Anume 91:4

Ori amịna apamba kẹ ị́ gbaịn ḅa; ori í ḍikiḍikiarị ogbo ị́ la ḅẹ ye ofori; ḅioḅẹngbọ kẹ ọ̀ ḅụụ ḅụ gbana na-iḅim mẹ ị́ gbaịn tẹ ị́ ḅọrọma ḅa.

Ayịzaya 30:15

Tẹịn ḅẹrẹtọn KỊNỊNYANAḄỌ ḅe, Izirẹlị tẹkẹarị Fịafịa Ḅọ ḅe, tomi ma ḅẹẹarị, “Ọ́ pịkị-ḅo tẹ sịḅị yaụma tẹ ị̀ kẹ ḅiokpọmaa. Anịtẹso ọ́ kụrọ sịẹ tẹ ye ḅarị ọ́ la ḅịa.” Kụma ọ́ ḍụkụ tẹ anị mịẹ-a!

Ayịzaya 50:2

Tiye ẹrẹsị ị̀ atomi ị̀ na gbọrụ-ḅịḅị-fiea so àrị in ḅọrọma ḅẹ mu sakị? Tiye ẹrẹsị ini ị̀ ḅịḅị ọkị-a arị in sịn sakị? Àrị à kẹ in ḅọrọma ḅẹ ịnyọ nyana-a mụnọọ? Àrị inetẹ tọn tẹ abajị mẹ samụnọ ḅa, tẹ tọrụ ma pịkị-ḅo ịkpa sọma ḅa, mie tẹ arị ḅio ḅẹ inji ma minji ofori mẹ kẹ fịị ḅa.

Jerimaya 2:30

Arị í fomum, kụma anị gbọrụ iḅi sọ kẹ ị́ mịẹ-a. Ị́ ḍụkụ tẹ arị ị́ datụkụma-a. Í ekirearị ọkụkụ kịka tẹ ị́ ịkịankoroapụ ma ḅaa tẹ.

Jerimaya 26:23

Ini ọ̀ kẹ pịkị-ḅo Ama-da Jehohakịmụ pịrịm, tẹ ọ̀ nwẹnị ọ̀ ḅaa tẹ ori oju akpakpa mẹ kẹ ama ḍụẹịn ḍiḅi piri-ḅio gbin koroma.)

Jerimaya 35:14

Jonadabụ furo-ḅẹ-apụ ma ọ̀ sụa ịn pịrịm ini iru ḅuu ma nwẹn ḅẹẹ oloko mẹ kokoarị, tẹ ḅo mịmgba ḅẹ ene mẹ la sọ ịna ḅụ gbọrụḅọ-sọ gbọrụ iru sọ ḅuu-a. Kụma yẹrị ẹkwẹn, siin ẹkwẹn ọ́ pịrịarị, tẹ ọmịnị ị̀ ḅịḅị poki-a.

Jerimaya 35:17

Mịọkụ mie ḅụ, yẹrị, Kụrọmamgba nyana KỊNỊNYANAḄỌ ḅe, Izirẹlịapụ tẹkẹarị Tamụnọ ḅẹ, à minini guluguluma mamgba ọkị-ḅo ọmịnị Juda na Jeruselemu na ḅẹ apụ ma ọgọnọ gbana ḅa. À miemẹ mịẹ ḅa arị ẹkwẹn ọ́ pịrị sakị ó poki ḍụkụ-a ẹrẹsị, tẹ à pịkị ọ́ sịn sakị sọ ọ́ pakịrị ḍụkụ-a.”

Jerimaya 6:16

KỊNỊNYANAḄỌ ḅe ori atomi ḅẹẹm, “Ọmịnị etela ma jen-jen saḅa-ḅọrọ wararị anga mẹ ḅụ sịẹsime tẹ ḍiki. Ọmịnị elemu sakị ḅẹ mẹnjị ḅọrọ ayọ ma gbela nimii, pịkị iḅi tẹịn etela mẹ simearị anga na. Ọmịnị anị ḅụ mẹnjị, anịsakị ó dein ḅụ anga ḅa.” Kụma ini mẹ, “Ẹn-ẹn, wa mịẹ ḅịa!”

Kururu Owu-apọkọ 1:16

“Mịna aị ma gotẹ à tẹmẹ-la ḅara kẹ owum; owu-minji pre-pre-prema ị̀ tọrụ saram; ì dedema ḅẹ ḅọ sọ ị̀ na kpeki-a, ì ḅiokpọ mẹ sịn-saakịma ḅarị gbọrụḅọ; ị̀ awọmẹ fị fama tẹẹ, gbala owu ọmụḅọ ḅe ḅara iḅi tẹ ẹrẹsị.”

Kururu Owu-apọkọ 4:13

Miemẹ anie árị ịkịankoroapụ asi ma na, árị agbamịẹapụ amịẹ-irima ma na gotẹ, inima tẹ árị ogboku ḅụ, karakaraye-mịẹapụ ḅaa apụ ma.

Hosiya 11:2

Kụma àrị ọ̀ sịn-sịn-sịn ḅara, mie ọ̀ kẹ ị̀ ḅụ pịkị-so so ḅara. Ị̀ atomi agbamịẹ Balị pịrịm; ịn kụnụaị dọkịma oru-afụḅara pịrịm.

Hosiya 11:7

Ini ịgbanịarị ini ị̀ ḅụ pịkị so. Ịna kọngọ jịjịmarị kọngọ-kpọ-sịn mẹ gotẹ ini oloku pakama ḅa, kụma gbọrụḅọ-sọ anị saakị sin ịn pịrị ḅịa.

Jowẹlị 2:23

Zayọnị ḅẹ apụ, ó ḅioḅẹlẹẹ, ó ḍerekuu, KỊNỊNYANAḄỌ ọmịna Tamụnọ ḅe mịẹ ọ́ pịrị ye ḅụ. Ori ọmịnị na iḅi ḅẹ ḅara kẹ ḍụọ soku sakị ḅẹ eene kẹ ọ́ pịrị tẹẹ; ori ịwọ eene ọsụma sara ọ́ pịrị tẹẹ, pịkị ḍiḅi-aị ịwọma pakarị sakị ḅẹ eene mẹ sọ, tarị anị mịẹ-mịẹ ḅara ḅụ.

Zẹkaraya 1:4

Ọmịnị ọmịna elemu aḍapụ ma kịka ma. Alatẹ sakị ḅụ ịkịankoroapụ ma ì oku da-saḅama ịn pịrịm, ịn ḅẹẹarị mịnẹ ịn ḅarị jen kẹ siye mịẹ ma. Kụma ini ì poki, anịanịa à ḍuko ye mịẹ ḅẹ ḅii-a.

Matiyo 22:3

Ọ̀ nwẹnị ọ̀ fịrịmẹnjịapụ fịrịma in mu alalị mẹ ḅo ḅẹ tẹ ịn sịn apụ ma ḅẹẹ tẹ in ḅo, kụma in ḅo ḅẹ ḅii-a.

Matiyo 22:6

tẹ osi apụ fịrịmẹnjịapụ ma kun fomu tẹ ịn ḅaam.

Luku 15:28

“Ye mẹ omongiḅọ ḅe ḅụụ-ḅẹsọ la ḅara gotẹ ọ̀ ḅarị warị sọ ḍụkụ-a; mie ḅụ ọ̀ ḍa nwẹnị paka-ḅo tẹ ọ̀ tẹkẹ mịnẹ ọ̀ warị sọọ.

Luku 19:44

Ini ị́ kan sara fama tẹ í ḅio sime atomi mamgba ḅaa fama ḅa. Ịn kẹ í onu mẹ nama wararị aḍụḅarị mamgba jen ḅarị jen ọgọnọ sime ḅịa, mie mẹmgba dogi ḅoarị ye anie Tamụnọ ḅarana ḅo ị́ ḅọrọma ḅẹ sakị mẹ í lekiri-a ẹrẹsị!”

Luku 23:28

Jizọsị nwẹnị pịkị ịn da tẹ ịn ḅẹẹ, “Jeruselemu ḅẹ ereme! Ọmịnị ì gotẹ owu ma, ọmịnị ọmịna aḅụụ na, ọmịna awọmẹ na gotẹ owuu.

Fịrịmẹnjịapụ 7:52

Ịkịankoroapụ ma ḅụ ọmịna atẹngịapụ ḅaa-ḅọkọ kẹ ḍọkị-a ḅọ emi? Tamụnọ oku-mẹnjịapụ ma tẹ iḅere-iḅerea kụra-ḅio ọ̀ karakara mịẹ Fịrịmẹnjịḅọ ḅe ḅo ḅa ḅẹ ye ḍuko apụ mamgba ịn ḅaa sin famam. Tẹ mịọkụ ọ́ kọkọ ọ̀ kẹ dẹrịma tẹ ọ̀ ḅaa tẹ.

Fịrịmẹnjịapụ 7:59

Ini ḍụḅarị tan, tan ò gbin-arị sakị Sitivini KỊNỊNYANAḄỌ ḅe sịn olokuarị, “KỊNỊNYANAḄỌ Jizọsị, ị̀ tẹmẹ ọkịị!”

Fịrịmẹnjịapụ 8:1

Anị gbọrụ ene mẹ ḅụ mie ịn saakị tọrụ-kpọma ḅaa-ḅọkọ kẹ Jeruselemu ḅẹ sọsị mẹ ḍọkị ye. Fịrịmẹnjịapụ ma sikima Jizọsị minini apụ mamgba mangị gala-gala mu Judiya na Sameriya na ibe ma ḅụ sọm.

Ditẹrọnọmị 32:29

Ịn ye-nimi namịna, ịn miemẹ fieye naa ḅa, ini ịna kunoma sime ḅẹ ḅara sẹlẹ nimi ḅa.

Ditẹrọnọmị 5:29

Yei, ịn nwẹnị sakị mẹmgba ì mangịma tẹ ì oloko mamgba koko ḅẹ nwẹn sime ḅioḅẹngbọ nyana kụma, mimgbe anị iḅi ini na, ịna awọmẹ ma na pịrị gbamaso tẹẹ.

Mịẹfinji 11:8

tẹ ini ịna oju akpakpa ma kẹ anị opu ama mẹ ḅio ḅẹ etela-ogbo gbin koroma ḅa, anie ini in Nyanaḅọ ḅe kẹ ẹngbẹsẹ-sịn ḅụ ḅakụ anga mẹ. Egberima-ẹkwẹn ḅụ anị ama mẹ ẹrẹ anie Sọdọmụ anịanịa Ijiputi.

Rufu 2:12

KỊNỊNYANAḄỌ ḅe ị́ mịẹ ḅara mẹ mịẹ ị́ pịrịị, anịsakị KỊNỊNYANAḄỌ ḅe, Izirẹlịapụ tẹkẹarị Tamụnọ ḅe ḅintẹ gbẹẹ-ye kẹ ị́ pịrịị, oriḅe tẹ í ḅo warị-ḅọkọ kẹ suha ḅọ ḅe.”