Luku 13:33 - FỊAFỊA BAỊBỤLỤ

³³ Anịsọ mịmgba na ḅaa na berembe na àrị ị̀ mẹnjị kọn ma mu ḅa; ḅẹ anga, ḅẹ anga tẹ ịkịankoroḅọ ḅaa na-iḅi anga ofori, Jeruselemu sikima.

Luku 13:33 Iomraidhean Croise

Matiyo 20:18

Ò ḍuko ịn pịrịm, “Ó pokii, wa iwo Jeruselemu muarị, tẹ anịanga ḅụ in Tomḅọ Tụḅọ ḅe kun tẹ kẹ mu agbamịẹapụ ma na, Oloko Tolumapụ ma na pịrị ḅa. Ịn ḅaa-ḅẹrẹ pẹlẹ ọ̀ pịrị ḅa,

Matiyo 21:11

Tomina-ogbo-ogbo ma nwẹnị pakịrị, “Ḅieḅe anie ịkịankoro Jizọsị ḅe, tẹ Galili ḅẹ ama Nazarẹtị ḅụ sime tẹ ḅo ḅọ ḅee!”

Luku 9:53

Kụma ama mẹ ḅụ ḅẹ apụ ma nimim mịnẹ ọ̀ ḅọrọ Jeruselemu muarị gotẹ ini ọ̀ daa-ọkịa.

Jọnị 11:54

Mie ḅụ Jizọsị ḅarị kịnị nimi ḅẹ ḅara kẹ Judiya ḅụ mẹnjị-a, kụma ọ̀ sọ-mu ịkpa mẹ kpeki anga Iferemu nwẹn-sịn ama ḅụ ò ḍukamẹnjịapụ ma na simem.

Jọnị 11:9

Jizọsị mẹẹ, “Gbọrụ eneḅaka-ogbo oyi maa aso finji nyana wararị, ọkọ-a? Ọkọẹrẹsị eneḅaka-fịafịa-ogbo mẹnjịarị ḅọ pụmbụ-pụmbụ-a, tomikiri ḅẹ bele mẹ ḅụ mḅọ tọrụ ye ẹrịarị gotẹ.

Jọnị 12:35

Jizọsị pakịrịm, “Bele mẹ paa boowa kala-sakị kẹ ọmịnị na sime ḅa. Ọ́ mẹnjị ó muarị anga muu, bele paa emi sakị ḅụ, mịẹtẹ kanakana mẹ ḅo ọ́ gbaịn ḅịa ḅara; kẹ gotẹ ọkọ ḅẹẹarị, ye, kanakana ḅio mẹnjịarịḅọ mḅọ muarị anga nimi nimi-a.

Jọnị 4:34

Jizọsị nwẹnị ịn ḅẹẹ, “Ì fịye anie ị̀ kẹ fịrịma ḅọ ḅe ḅii ye mịẹ, tẹ ọ̀ kẹ ị̀ pịrịm à kọrị ḅẹ kọrịnama mẹ kọrị fama.

Jọnị 9:4

Ene amụ ḍin-a sakị goyegoye wa ị̀ kẹ fịrịma ḅọ ḅe kọrịnama mẹ kọrị ḅa; ḍin ḅoarị, gbọrụḅọ-sọ inetẹ kọrịnama kọrị ḅịa sakị mẹ.

Fịrịmẹnjịapụ 10:38

Nazarẹtị ḅẹ Jizọsị ḅe gbolomaye mẹ, anie Tamụnọ ọ̀ Fịafịa Tẹmẹ ḅe na kụrọ na kẹ ori ọgọnọ ọsụma sara ye mẹ sọ, ó nimi tẹ. Ò mu la-a anga ofori, tẹ iḅi mịẹ, pịkị Ekwesu ḅe kẹ omoni sọma sime apụ ma gwọm, Tamụnọ ori Jizọsị ḅe na emi ẹrẹsị.

Fịrịmẹnjịapụ 13:27

Kẹ gotẹ ọkọ ḍukoarị, ori ḅe anie Ḅọrọmaḅọ ḅe ḅara Jeruselemu ḅụ anga apụ na ịna sịḅịdapụ ma na anị nimi-a; ịkịankoroapụ ma ẹkwẹn ma Ịnyọsara-Ene goyegoye ḅụ goarị aị ma fie ye sọ ịn naa-a. Anịsọ ịn ḅaa-ḅẹrẹ pẹlẹ Jizọsị pịrị ye ḅụ ịn mịẹtẹ ịkịankoroapụ ma ḍuko ye paka tẹ.