Luku 13:29 - FỊAFỊA BAỊBỤLỤ

²⁹ Ịrụa mẹ saakịarị anga na anị tuuideriarị anga na ḅụ tomi ḅo ḅa, pịkị ọgọnọ-jụ na abajị-suku na ḅụ sọ, tẹ lẹgị tẹ alalị fịye mẹ fị ḅa Tamụnọ Ama-da yọ mẹ ḅụ.

Luku 13:29 Iomraidhean Croise

Suku-saakị 28:14

anịsakị í furo-ḅẹ-apụ kiri-ḅio ḅẹ fọọn mẹ ḅin ḅara ḅin ḅa, tẹ í wasama mu ịrụa-ideriarị-anga mẹ na, ịrụa-saakịarị-anga mẹ na, ọgọnọ-jụ mẹ na, suku-jụ mẹ na ḅụ sara ḅa; anịsakị ị́ ḅụụ ḅụ mie tomikiri mẹ ḅẹ afuro mamgba boma nyana ḅarị ye.

Ayịzaya 43:6

Arị ọgọnọ-jụ mẹ ḅẹ tẹ anị ịn wẹrịso tẹ in so ḅa tẹ suku-jụ mẹ ini ọlọ ọḅụ pịrị ḅịa. Yee ị̀ atomi sụma-jụ ḅẹ amakiri ma ḅụ pịkị-ḅo, tomikiri mẹ ḅụ ḅẹ pakịrị-pakịrị goyegoye ḅụ.

Ayịzaya 49:6

KỊNỊNYANAḄỌ ḅe ị̀ ḅẹẹm: Ị̀ fịrịmẹnjịḅọ, à tarị fịrị mẹ nẹngị ye nyana ị́ pịrị wararị. Ị́ Izirẹlịapụ tẹ fịị-a so apụ ma kẹ ḅo elemu in nyana opu mẹ lama ḅarị mẹ kịngẹ-a, kụma à pịkị ị́ kẹ bele sọma sịẹ-sịẹ ma pịrị ḅa, mịẹ tẹ bebe tomikiri mẹ ḅọrọma ḅẹ ḅara.

Malakayị 1:11

Tomikiri mẹ ḅẹ gbọrụ ịkọlị ḅụ ọkị mu osi ịkọlị la tomi ị̀ kụn-arị. Anga-anga ḅụ ịn kụnụaị dọkịma ị̀ pịrị tẹ kẹ agba mịẹ-mịẹ ị̀ pịrịarị. Inimgba ị̀ kụn-arị!

Matiyo 8:11

Ó nimi mịnẹ bebe tomikiri mẹ ḅụ tọnwa-apụ ḅo tẹ Ebira-amụ na, Ayịzịkị na, Jekọbụ na ḅụ sọ tẹ lẹgị tẹ ye fị ḅa, Tamụnọ Ama-da ḅo laa sakị.

Makị 13:27

Ori enjẹlị apụ kẹ tomikiri ḅẹ ini ịkọlị ma fịrịma tẹ ịn Tamụnọ sẹlẹ-ọkị tẹ atomi ma kobiri ḅa, tomikiri ḅụ gbọrụ ịkọlị ḅụ mu osi anga la.

Luku 13:30

Anị sakị ḅụ mịọkụ ọḅụkọn apụ ma ḅo tarị apụ sọ ḅa, tẹ mịọkụ ḅụ tarị apụ ma ḅo ọḅụkọn apụ sọ ḅa.”

Fịrịmẹnjịapụ 28:28

Ḍuko gbaịn ḅụ Pọlụ ḅẹẹm, “Ọkọẹrẹsị ó nimii mịnẹ, Tamụnọ ḅọrọma oku mẹ, ịn kẹ Ja asịẹ ḅẹ apụ ma fịrịma tẹ, tẹ ini anị poki ḅa.” [

Kọlọsị 1:23

Ye wẹrị tẹ sime-ḅara ḅụ, ọmịnị ọmịna minini mẹ, tẹ karakara suku mẹ ọgọnọ sịẹ wararị ye mẹ ọlọ kụrọmaa; ọ́ ḍụkụ tẹ gbọrụḅọ-sọ mịẹtẹ ọmịnị iḅi-oku mẹ naa sakị ọ́ nyana ḅiokpọ mẹ jikema. Mị iḅi-oku mẹ ḅẹ fịrịmẹnjịḅọ mie yẹrị Pọlụ sọ ye — mị iḅi-oku mẹ mie in ḍuko ḅẹḅọ-ḅẹḅọ pịrị tẹ ye mẹ tomikiri mẹ ḅụ.

Kọlọsị 1:6

Iḅi oku mẹ boma, boma ọkị-ḅoarị, tẹ anị pịkị tomikiri mẹ kana-koroarị, anie ọ́ tarị Tamụnọ ḍiki-ḅụụjịrị mẹ gbolomaye naa tẹ ḅo karakara ḅara kẹ anị sime-ḅara lekiri kụra-ḅio anị ọmịna ogboku mịẹarị ḅara pembe ḅara.