Luku 13:28 - FỊAFỊA BAỊBỤLỤ

²⁸ Ọ́ kpọma owu tẹ pịkị aka farị ḅa, ọmịnị Ebira-amụ na, Ayịzịkị na, Jekọbụ na, ịkịankoroapụ ma na ẹrị ḅẹ sakị, Tamụnọ Ama-da yọ mẹ ḅụ, tẹ ini ọmịnị ma sukuruma pakama ḅa.

Luku 13:28 Iomraidhean Croise

Matiyo 25:30

Ḅie gberie ḅụ sọ ofori fịrịmẹnjịḅọ ḅe kịngẹ kụma, ọmịnị ò sukuruma etela pakama, ò mu kanakana ḅio sime; anịanga ḅụ ori owu-owu tẹ aka farị ḅa.’

Matiyo 22:13

Anịtẹso amadaḅọ ḅe ḍuko fịrịmẹnjịapụ ma pịrịm, ‘Ọmịnị ọ̀ ḅara na ọ̀ ḅụọ na fịnaa, tẹ ọ̀ kẹ gbin pakamaa, tẹ ọ̀ kanakana mẹ ḅio sime. Anịanga ori owu tẹ pịkị aka farị ḅa.’ ”

Mịẹfinji 21:8

Kụma mịẹ ḅẹ ye ẹrị tẹ ḅụụ gwẹ-gwẹarị apụ na, tomi kẹ ja apụ ḅara-ḅio dẹrịmarị apụ na, amịna ḍumo kọn pengemarị apụ na, kịnị-ḅaapụ na, ḅụụ wẹrị kpaịnma-a apụ na, ḍiri ibiam tii-arị apụ na, oru tẹkẹ apụ na, iruo apụ mamgba na, arị atomi ma sime anga anie, ọpọlị balị kọrị ḅara kọrịarị tọrụ mẹ ḅio, aniemẹ anie maaịn karama fịị mẹ.”

2 Tẹsalonịka 1:5

Ma ma ḍie-pakamarị mịnẹ Tamụnọ ḅẹrẹkọn mẹ karakaram, tẹ ọmịnị ẹrịarị tọrụsiẹrị mẹ dogi-ḅoarị ye anie, ọ́ mịẹtẹ ọmịnị ori ama mẹ la gbẹẹ apụ sọ ḅẹ ḅara.

Mịẹfinji 22:15

Kụma opu ama mẹ ḅio sọ-a apụ ma anie amịna ḍumo kọn pengemarị apụ na, ḍiri ibiam tii-arị apụ na, ḅụụ kpaịnma-a ḍumo kọn-arị apụ na, kịnị-ḅaapụ na, oru tẹkẹ apụ na, pịkị iruo-apụ na, ịn kọn-arị ẹkwẹn ma na ịna amịẹaị na ḅụ.

2 Pita 1:11

Mị ḅọkọ ḅụ mie Tamụnọ gbọrsịḅị ḅintẹ kụrọ kẹ ọ́ pịrị tẹ ọ́ kẹ wa Nyanaḅọ pịkị wa Ḅọrọmaḅọ Jizọsị Kịrayịsị sime gbamaso ama mẹ ḅio sọ-mu ḅarịye.

Luku 16:23

Tẹ Ḍuḅu ḅio ḅụ ori opu akụye daarị ogbo ọ̀ nwẹnị tọrụ saakị tẹ ala-jụ ḅio Ebira-amụ ẹrị, Lazarọsị ori akaka lẹgị-sime wararị.

Luku 14:15

Fịye mẹ suku lẹgị sime gbọrụḅọ nwẹnị miemẹ naa, tẹ Jizọsị ḅẹẹ, “Tamụnọ Ama-da yọ mẹ ḅẹ dẹbịlẹ mẹ suku ye fị ḅarị apụ ma, ḅioḅẹlẹ sime ịn pịrị wararị!”

Luku 10:15

Kepanọmụ, ị́yẹrị kịngẹ kụma, í ḅiotọn-arị í gele mu so la ḅẹ? Ini ị́ kẹ gbin iderima-ḅo ḍuḅu ḅio suu ḅa!”

Matiyo 24:51

Ọ̀ nyanaḅọ ḅe si fịrịmẹnjịḅọ ḅara kẹ ori ọkị, tẹ fịrị ḅụ ọ̀ dasịẹma, tẹ mịẹtẹ si-mịẹapụ ḅụụ paka-paka ye ọ̀ ḅụụ paka ḅa. Anịanga mie ò sime tẹ owu-owu tẹ ori aka farị ḅarịye.

Matiyo 13:50

tẹ ịn kẹ biin-biin-a fịnị ḅio gbin suu ḅa, tẹ anịanga ini owu-owu tẹ ịna aka farị ḅa.”

Matiyo 13:42

tẹ ịn kẹ biin-biin-a fịnị ḅio gbin suu tẹ ini anịanga owu-owu tẹ ịna aka farị ḅa.

Devidi-Anume 112:10

Si-sịḅịḅio-sụa apụ ma miemẹ ẹrị tẹ ịganịarị, in ḍiki-ḅioḅu kẹ bio-bioma ḍiki tẹ so tẹ kịnị ḅarị ini ẹrị-a, ịn kẹ ḅiokpọma sime aị ma fa gbamaso tẹ.