Luku 13:24 - FỊAFỊA BAỊBỤLỤ

²⁴ “Ọmịnị inetẹ ḅara, inetẹ ḅara ọ́ nwẹn mịẹ tẹ kpasị wararị ḅọkọ mẹ ḅụ tolu-ḅọrọ sọ-muu; à gotẹ ọkọ ḅẹẹarị, piki-pikiye-ofori ḅara ḅụ, tọnwa tomi ḅụụkụrọma tẹ sọ mu ḅẹ ḍọkị ḅa, kụma ini inetẹ ḅịa.

Luku 13:24 Iomraidhean Croise

Egberima-Ẹkwẹn 14:6

Ḅụụ-gelemarị apụ inetẹ gbala-gbala ḅo ye-nimiapụ sọ ḅịa, kụma sịḅịḅio nyana apụ sarasarama ye ḍawọ ḅoarị.

Egberima-Ẹkwẹn 21:25

Kọrịnama kọrị ḅụụ-sarasara nyana-a tẹ ḍụkụ tẹ kọrịnama kọrị-kọrị-a ḅọ mẹ mḅọ mịẹarị ye jen-a, amịna ḅụụ ḅaa;

Nimi Tolumaḅọ 10:15

Oḅori tomḅọ ḅe kọrịnama anie lịlị ḅụụ ḅaa tẹ ḅarị etela nimi tẹ so ama mu-a.

Ayịzaya 1:15

“Ọ́ ḅara saakị so da tẹ tẹkẹ ḅarị sakị arị ó ḍiki ḅịa. Ọ́ tẹkẹ mu laa ḅara laa ḅara sọ, à poki ḅịa, kẹ gotẹ ọkọ ḍukoarị, ọmbie ọmịna aḅara ọmbịma fama wararị.

Izikẹlị 33:31

“Mie ḅụ ị̀ atomi gbii-gbiima paịn sọ-ḅoarị ị́ nyana tẹ ḍuko ḅẹ ye naa ḅẹ ḅara, kụma ị́ ịn ḅẹẹm mịẹ ḅẹ ḅara ịn mịẹ-a. Ini ị́ ẹkwẹn ma kẹ ye ḅụ sọ-a anume ḅara ọkị tẹ paa ịna pọkọ-sịkịrịtẹ etela ma ḅụ mẹnjịarị.

Matiyo 11:12

Jọnị saakị ọ̀ kẹ ḅo oku mẹ ḍuko ene ḅụ ḅo mịmgba la, Tamụnọ Ama-da mẹ kpọma kụrọnị amịẹaị da tẹ, tẹ kụrọ-kụrọ amịẹaị mịẹ apụ kụrọ ḅara ḅụ anị ọkị ḅẹ ḍọkịm.

Luku 13:23

gbọrụḅọ nwẹnị ò gbela, “Ị̀ Nyanaḅọ, boowa kala apụ ngẹrị mie ḅọrọma ḅarịye aro?” Jizọsị nwẹnị ịn pakịrị,

Luku 21:36

Sakị mamgba ọmịnị ẹbị tẹ tẹkẹẹ, ọmịnị ịnyọ nyana tẹ paka ḅe aị mamgba da-tolu tẹ ḅo Tomḅọ Tụḅọ ḅe tọrọkọ sịẹ ḅarị ḅara.”

Jọnị 13:33

Ị̀ awọmẹ, à ḅarị ọmịnị na sime alama ḅịa. Ọmịnị ị̀ ḍọkị ḅa; kụma mịọkụ à tarị ḍuko Juu-ḅẹ ḅẹrẹtọn-apụ ma pịrị ye mẹ à nwẹn ḍuko ọ́ pịrịarị, ‘Ọmịnị inetẹ à muarị anga mu ḅịa.’

Jọnị 5:4

gbala sakị sakị ḅụ KỊNỊNYANAḄỌ ḅe enjẹlị ḍaḅa mẹ koro tẹ minji mẹ jikema-jikemam. Minji mẹ ọkọ kẹ jikema tẹ tarị koro ḅọ, koro ḅọ mḅọ kọn obi sime-ḅara, sime-ḅara sọ anị gwọm.

Jọnị 6:27

Ọ́ ḅụrụ-ḅụrụ fịye gotẹ kọrịnama kọrị ḅụụ-ḅaa ma, kụma ọ́ kọrịnama kọrị sime mu gbamaso ḍumo laarị fịye mẹ rẹ pịrịị. Miemẹ anie Tomḅọ Tụḅọ ḅe kẹ ọ́ pịrị ḅarị fịye mẹ, gbala Tamụnọ Ḍaḅọ ḅe ọ̀ kọrịnama iḅim ḅẹ elekima kẹ ọ̀ ḅụ sụa tẹ.”

Jọnị 7:34

Ọmịnị ị̀ ḍọkị ḅa kụma ọmịnị ị̀ ẹrị ḅịa, anie à mu sime ḅarị anga mẹ ọmịnị inetẹ mu ḅịa ẹrẹsị.”

Jọnị 8:21

Jizọsị jen kẹ ịn ḅẹẹm, “À so ḅa; ọmịnị ị̀ ḍọkị ḅa, kụma ọ́ mịẹarị asi ma ḅụ mie ó sime tẹ fịị ḅarịye. Yẹrị muarị anga mẹ ọmịnị inetẹ mu ḅịa.”

Romu 10:3

Tamụnọ ḅọrọ tẹ tomi kẹ ọ̀ ḅụụ karakara ḅụ wẹrịarị ḅọkọ mẹ in nimi-a; anie nakara ini ḅarana ḅụụkụrọma tẹ ḅọkọ ḍọkị amịna ḅụụ pịrịarị; miemẹ ẹrẹsị in ḍụkụ tẹ sịḅị-tuu Tamụnọ kẹ tomi kẹ karakara ḅụ wẹrịarị ḅọkọ mẹ pịrị-a.

Kọlọsị 1:29

Miemẹ mịẹ mie à gotẹ nụnụ tẹ pịkị lịgị-lịgịarị, Kịrayịsị kẹ ị̀ pịrịarị opu ịnyọ mẹ tẹ, ị̀ ḅụụ ḅio sime tẹ kọrịnama kọrị ye mẹ kẹ mịẹye ḅụ suu ḅụ.

Hiburu 4:11

Ọkọ ẹrẹsị, ó yee wa inetẹ ḅara, inetẹ ḅara mịẹ, tẹ anị ịnyọsara mẹ wamịna ḅara la, mịẹtẹ wamịna ḅụ anị gbọrụḅọ-sọ gbarị ḅịa ḅara, anị in minini nyana-a ẹrẹsị ịn gbarị ḅara mẹ.

Jọsụwa 7:3

Ịn nwẹnị pịkịma Jọsụwa ḍọkụma-ḅo tẹ ọ̀ ḅẹẹ, “Yee tomi mamgba mu ma, kụma yee kịnị sọnọa ẹndẹ (2,000) anịanịa kịnị sọnọma ẹndẹ, oyia asi finji (3,000) pembe atomi mu tẹ owu kẹ Ayị paka; mịẹtẹ bebe tomina-ogbo mẹ ḅụụ nụnụ anịjụ mu ma, kẹ gotẹ ọkọ ḅẹẹarị, ịn boowa.”

2 Pita 1:10

Ọkọẹrẹsị, ị̀ amịnapụ, ọ́ ḅụụkụrọma mịẹ tarị ọ́ mịẹ-mịẹ ḅara nẹngị, tẹ mịẹtẹ Tamụnọ ọ́ sịn tẹ ọ́ sẹlẹ-ọkị ye mẹ gbọrsịḅị ọmịna aḅụụ ẹnwẹịn gbamaso; ọmịnị ọkọ mịẹ-mịẹ ọ́ ḅarị ọmịna minini sịkị tẹ apụ sọ ḅịa.