Luku 13:19 - FỊAFỊA BAỊBỤLỤ

¹⁹ Anị kịkarị ye anie mie. Tomḅọ gbọrụ mọsịtadị sịn mgbọlị ọkị ḍiḅim ọ̀ ḍụọ ḅio. Anị so-paka ḍụḅa ḅo sịn sọ tẹso, feni amẹẹ nwẹnị anị aḅara ma ḅụ ịna awarị nama.”

Luku 13:19 Iomraidhean Croise

Sọlọmọnị Ḅẹlẹtẹịn Nume 4:12

Ì ḅioḅẹngbọ ḅẹlẹmarị tẹ, arị ịya-ḅẹ-ẹrẹḅọ ma anie ḅọị wararị ḍụọ, onu gbori pịrị wararị ḍụọ, sime ngẹrị ḅọ pịrị ngụngụḅa;

Sọlọmọnị Ḅẹlẹtẹịn Nume 4:16

Saakị, Ọgọnọ-jụ ḅẹ fẹrụ, Abajị fẹrụ, fie ḅoo! anị ḅẹ kụnụ mẹ ọ̀ ḍụọ la tẹ anị ḅẹ iḅitẹịn mgbọlụ mẹ fị.

Sọlọmọnị Ḅẹlẹtẹịn Nume 6:2

Ị̀ ḅẹlẹmaḅọ so ọ̀ ḍụọ mu tẹẹ, kụnụaị sụa-sụa asịn ma so-pakarị yọ mẹ. Ọ̀ mịẹ tẹ ori anana-ogbo mẹ ye fịarị ḍụọ mẹ ḅio ori pịkị lili nwẹn-sịn afịlawa kaịn-arị.

Sọlọmọnị Ḅẹlẹtẹịn Nume 8:13

Yee àrị ị́ pọkọ naa ḍụọ mẹ ḅio, ị̀ ḅẹlẹmaḅọ; ị̀ na mẹnjịarị apụ ma koruarị ini ị́ ẹkwẹn-arị ye naa.

Ayịzaya 53:1

Tomi ma pakịrịarị, “Mịọkụ wa ḍukoarị ye mẹ mininim nwẹn ḅẹẹ ḅọ tụḅọ? Tụḅọ inetẹ miemẹ ḅio KỊNỊNYANAḄỌ ḅe kụrọ ẹrị?

Ayịzaya 53:10

KỊNỊNYANAḄỌ ḅe mẹẹ: À ḅiim mịnẹ ọ̀ tọrụsiẹrị; Ọ̀ fịị mẹ kẹ si-wẹrịso dogi-ḅo ḅẹ agba tẹ mịẹ ye. Tẹ anie ḅụ ori ò furo-ḅẹ-apụ ma ẹrị ḅa; Ọ̀ nangwọ ḍumo kọn ḅa, tẹ ọ̀ ḅụụ ḅụ mie à mịẹ ḅẹ tẹ tọn ye mẹ ḅọrọtẹ mịẹ tẹ ye sọ ḅarịye.

Ayịzaya 58:11

Tẹ sakị mamgba àrị ị́ datụkụma tẹ ị́nịna dein koro ḅẹ iḅi-aị kẹ ị́ pịrị ḅa. À mịẹ tẹ ị́ kụrọ tẹ í oju iḅi ḅa. Í minji nyana lama wararị fịlawa ḍụọ kịka ḅa, ngụngụḅa tẹ minji fa-faa ye ọkụ.

Ayịzaya 61:11

Kiri ḅio ḍiḅi sịn mgbọlị piki-pikiye-ofori ḅara kẹ so-pakarị gbọrụ ḅara mẹ Mie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ori atomi ḅọrọma ḅarị ḅara, tẹ sịẹ mamgba ò tokini ḅa.

Ayịzaya 9:7

Ori ama nyana kụrọ mẹ tọrọkọ-tọrọkọ mu ḅa, Ọ̀ daarị yọ mẹ ḅụ sakị mamgba dein sime ḅa. Ori Ama-da Devidi tọrụ-ḍimaḅọ ḅara kẹ ḅẹrẹtọn ḅa, Ọ̀ kụrọ mẹ kuraye na ọrụḅọ-ọrụḅọ la kiri kẹ mḅọ pịrị na ḅụ sịẹsime ḅa, mịọkụ ọkị mu sakị kunoma la. Kụrọmamgba nyana KỊNỊNYANAḄỌ ḅe tọn pẹlẹ tẹ mịnẹ mie-mẹmgba mịẹ ḅa.

Jerimaya 31:12

In ḅo tẹ Zayọnị Tụndụ ọgọnọ nume-su ḅa ḍereku ḅụ, tẹ ị̀ aḍiepịrị-aị ma ịna ḅioḅẹlẹma ḅa mbịaka na, ịn kẹ waịnị sịn iru na, olivu-olo na ḍiepịrị-aị ma, anana na opu anama na ḍiepịrị-aị ma. In minji iḅiọkụ laarị ḍụọ kịka ḅa ịn nyana na-iḅi ye goyegoye ịn nyana ḅa.

Izikẹlị 31:6

Feni ḅara-ḅara anị aḅara suku-ḅio amịna awarị namam; Piri-ḅio-ḅẹ anama anị suku-ḅio sịḅị-kikimatẹ ịna awọmẹ iyim; Tomikiri ḅẹ asịẹ ma anị aḅara suku-ḅio sịḅị-kikima tẹ ịnyọsaram.

Danẹlị 4:12

Anị ḅẹ ịnyịnya ma ḅụụ-ḅẹlẹmam, tẹ sịnmgbọlụ anị ḅụ sụa sara wararị — tomikiri-ngisịẹ mamgba inetẹ fị furo ḅinma ḅarị asịnmgbọlụ. Piri-ḅio-ḅẹ anama anị suku-ḅio ịnyọsaram, tọnwa afeni pịkị anị ḅẹ aḅara ḅụ warị namam, tẹ ḍumo wararị ye goyegoye anị ḅẹ sịnmgbọlụ nwẹn fịm.

Danẹlị 4:21

Anị ḅẹ ịnyịnya ma ḅụụ-ḅẹlẹmam, anị pịkị tomikiri-ngisịẹ mamgba inetẹ fị furo ḅinma ḅarị asịnmgbọlụ sụam. Piri-ḅio-ḅẹ anama anị suku-ḅio ịnyọsaram, tọnwa afeni pịkị anị ḅẹ aḅara ḅụ warị namam.”

Zẹkaraya 2:11

Anị ene mẹ ḅụ, tọnwa asịẹ KỊNỊNYANAḄỌ ḅe dama-ḅo tẹ ori atomi sọ ḅa. Ori ọmịna ogboku anga ḅa, tẹ ó nimi ḅa mịnẹ ori ị̀ kẹ ọ́ fịrịmam.

Matiyo 17:20

Jizọsị nwẹnị pakịrị, “Ó gotẹ ine-a ye, ọ́ nyana minini boowa. Yẹrị ọ́ ḅẹẹarị, ọ́ nwẹnị ịrụ mọsịtadị nwẹn-sịn sịn mgbọlị mẹ na gbasị minini ngẹrị nyana wararị sọ, ọmịnị inetẹ mị tụndụ mẹ ḅẹẹ ḅa, ‘Mịanga saakị so mu osi anga simee’, tẹ anị mu ḅa. Ọmịnị inetẹ mịẹ ḅịa ye ofori!”

Makị 4:30

Jizọsị nwẹnị gbela, “Wa tiye kẹ Tamụnọ Ama-da sakị mẹ tọnma ḅẹ? Wa tọ egberi gbaa tẹ kẹ anị ḍuko giregirema ḅẹ?

Luku 17:6

KỊNỊNYANAḄỌ ḅe nwẹnị pakịrị, “Ọmịna minini ịrụ mọsịtadị mgbọlị na gbasị sọ, ọ́ sịẹ wararị sịn ḅẹẹ mịnẹ anị suku-na-suku-na saakị mu tọrụ koro, tẹ anịanga sịẹsime ḅẹẹ kụma, anị ọ́ ḅẹẹ ḅara mịẹ ḅa.

Fịrịmẹnjịapụ 2:41

Tẹ ini ḅẹ tọnwa-apụ nwẹnị ò ḍuko ye mẹ minini tẹ minji sara, tẹ anị gbọrụ ene mẹ ḅụ kịnị sọnọma ẹndẹ oyia asi finji ịna ḅụụ sọm.

Fịrịmẹnjịapụ 21:20

Ini ò poki tuma tẹso, inimgba Tamụnọ bomam. Anịtẹso ịn nwẹnị ḅẹẹ, “Mbire Pọlụ, ị́yẹrị sọ ẹrị tẹ ḅara Juu-ḅẹ-apụ ma kịẹnkịẹn-ọkụ-ofori ḅara kẹ Jizọsị minini apụ sọ tẹẹ, anịsọ ịn paa ịna Oloko mẹ ọlọ kụrọma wararị.

Fịrịmẹnjịapụ 4:4

Kụma ịn kọn ẹkwẹn mẹ naa apụ ḅụ ḅẹ tọnwa apụ Jizọsị mininim; tẹ ịna kịẹn-ḅịḅị nwẹnị paka-ḅo kịnị oyi maa ẹndẹ finji na kịnị oyia asi na la.

Romu 15:19

ḅụụ-buama-aị na, ḅụụ-gbiripuma aị na, kụrọ ḅụ na, pịkị Tamụnọ Iḅi Tẹmẹ ḅe kụrọ na ḅụ. Mie ḅụ, Jeruselemu ḅụ ọkị mu Ilirikọmụ la à ḅin tẹ ḅara kẹ Kịrayịsị gboloma Iḅi Oku mẹ ḍuko pakama tẹ.

Mịẹfinji 11:15

Anịtẹso sọnọma karama enjẹlị ḅe ori ọdụ ofurom, tẹ So-ḅio tọnwa apọkọ oloku-oloku tẹ ḅẹẹm, “Tomikiri ḅụ ḅẹrẹtọn kụrọ mẹ mịọkụ ḅo wa Nyanaḅọ ḅe na ọ̀ Mẹsaya ḅe na ḅara sọ tẹ, ọ̀ ḅẹrẹtọn mu ḅẹẹ-sakị ḅẹẹ-sakị la ḅa!”