Luku 13:17 - FỊAFỊA BAỊBỤLỤ

¹⁷ Ọ̀ pakịrị ḅara mịẹtẹ Jizọsị na fịya-a apụ ma nwẹnị ḅụụ-jịrị, tẹ tomi ma nwẹnị Jizọsị mịẹ ḅụụ-buama-aị ma go ḅioḅẹlẹ.

Luku 13:17 Iomraidhean Croise

Devidi-Anume 109:29

Yee si kẹ ị̀ tọn apụ ma tọrụ-tuu; yee ịn ḅụụ-jịrị kẹ kapa kịkama tẹ sụa.

Devidi-Anume 111:3

Ọ̀ mịẹarị aị mamgba kụn na ḅaka na arị ḅụ ḅin wararị; ọ̀ karakara mịẹ mẹ sime gbamasom.

Devidi-Anume 132:18

À mịẹ tẹ ḅụụ-jịrị si kẹ ọ̀ tọn apụ ma gbaịn ḅa, kụma ori ama-da yọ mẹ lolo tẹ ḍụḅa tọrọkọ-tọrọkọ mu ḅa.”

Devidi-Anume 40:14

Yee owu gbọrsịḅị ị̀ ḅaa ḅẹ ḍọkịarị apụ ma ḅara si fama, tẹ in pikiri-pikiri. Yee à ḅụụ-fụka daarị mẹ gotẹ ḅioḅẹlẹarị apụ ma pịkị ọḅụ da tẹ ḅụụ-jịrị.

Paka-so 15:11

Yei KỊNỊNYANAḄỌ, oru-atamụnọ ma ḅụ, ị́ kịkaḅọ tụḅọ? Ama-da opu ḅụ fịafịa, ị́ kịkaḅọ tụḅọ? Ebube nyana amịẹaị ḅụ ḅalafama, tẹ ḅụụ-gbiripuma-aị kọrịarịḅọ tụḅọ?

Ayịzaya 4:2

Anị ene mẹ ḅụ, KỊNỊNYANAḄỌ ḅe mịẹtẹ amakiri mẹ ḅụ ḍiḅi wararị sịn goyegoye, opuye-o kalaye-o, ḍụḅa ḅaka ḅa, pịkị iḅi ḅa. Izirẹlịapụ mamgba tẹ fịị-a so apụ ma, anị goo ḅioḅẹlẹ ḅa pịkị kẹ ḅụụ-tọn ḅa, amakiri mẹ pakama-ḅoarị afịaị ma ḅụ.

Ayịzaya 45:24

Ịn ḅẹẹ ḅa mịnẹ ị̀ ḅụ ngẹrị ḅụ mie kịnị owu-ḅara-iḅi na ịnyọ na ḍọkị nyana ḅarịye; kụma ì ḍiki-ḅioḅuarị apụ mamgba tọrụsiẹrị ḅụ tọrụ-tuu ḅa.

Ayịzaya 66:5

Ọ́ KỊNỊNYANAḄỌ ḅe ḍukoarị ye mẹ pokii, ọ̀ mangịma tẹ ọ̀ ḅịḅị pokiarị apụ, “Ọmịnị ì minini wararị ẹrẹsị, ọmịna atomi ma ḅẹ jen-apụ ó ḍiki-ḅioḅu tẹ ḅarị ọmịnị na gbọrụ mịẹ ye sọ mịẹ gboloma ḅẹ ḅii-a. Ini ó kombo tẹ ḅẹẹarị, ‘Yee KỊNỊNYANAḄỌ ḅe ori opu ḍie-pakama tẹ ọ́ ḅọrọma, mịẹ tẹ wa ẹrị tẹ ḍereku ḅẹ ḅara.’ Kụma ini ma ḅioju sọ ịna tọrụ-tuu ḅa!

Luku 14:6

Kụma miemẹ ini inetẹ pakịrị-a.

Luku 18:43

Anị gbọrụ sakị ḅụ ọ̀ nwẹnị inetẹ ye ẹrị, tẹ Jizọsị ḍukamẹnjị, tẹ ịmịẹtẹ kẹ Tamụnọ ḅẹẹ. Tomina-ogbo mẹ anị ẹrị sakị inimgba Tamụnọ tokinim.

Luku 19:48

Kụma sakị mamgba ò tolumaye mẹ pokiarị atomi ma gotẹ ini ine-a; tomi ma ḅii-a ori ẹkwẹn ma ḅẹ gbọrụmgbọ-sọ ịn gbarị.

Luku 20:40

Mie ḅụ ịn ḅarị ọ̀ tọrụ inetẹ jaị kẹ ò gbela-a.

Fịrịmẹnjịapụ 4:21

Mie ḅụ Kobiri mẹ nwẹnị kụrọma ịna ḅeri nụnụ tẹ ịna ḅụ ḅara-siin. Ini ẹrịm mịnẹ ịn mịẹtẹ ḅụụ-fụka kẹ ịn pịrị ḅẹ ọkụ ofori, tomi mamgba mịẹ ye mẹ gotẹ Tamụnọ tokinim ẹrẹsị.

2 Timoti 3:9

Kụma in mu la ḅaka ḅẹ anga ofori, kẹ gotẹ ọkọ ḍukoarị, ịna ḅụ ọrụḅọ-ọrụḅọ ẹrị ḅa mịnẹ ịn oḅori-sọ lama tẹ. Anị gbọrụ ḅara mẹ mie anị paka Janẹsị na Jamụbẹrẹsị na pịrị ḅara.

Tayịtọsị 2:8

Ẹkwẹn mgbọ mgbọ ma tẹ ị́ kẹ ẹkwẹn ḅụ suuarị aị ma yela aị sọọ, kịnị inetẹ kura-aye ḍọkị-ẹrị ḅịa ḅara, anie si kẹ ị́ tọn apụ ma ḅụụ-jịrị ḅarị ḅara, ini ị́ ḅụụ ḍuko ḅẹ siye ḅarị ofori sakị.

1 Pita 3:16

kụma ó gbene na mangịma na kẹ anị mịẹ. Ọmịnị ọmịna tẹmẹ ḅioḅẹngbọ wẹrị fịafịamaa, mịẹtẹ ini ọ́ mịẹ-sima ḅarị sakị, ọmịnị Kịrayịsị ḍukamẹnjịarị apụ ḅara ḅụ, ọ́ kọn-arị iḅi-yemịẹ-ḅara ḍumo mẹ ḅụ siye ḍukoarị apụ ma ḅụụ-jịrị ḅarị ḅara.