Luku 13:16 - FỊAFỊA BAỊBỤLỤ

¹⁶ Mịọkụ mie Ebira-amụ tụḅọ tẹ Ekwesu maa kụra fa si na gbasị ye kẹ fịna koroma ḅọ ma kụma ọmịnị mẹẹ Ịnyọsara-Ene ḅụ á fima ma?”

Luku 13:16 Iomraidhean Croise

Devidi-Anume 107:14

Ori ịn pakama-ḅom ịna furu na kanakana na ḅio tẹ ịna ikoli ma anyịma kọsịma saram.

Matiyo 4:10

Anịtẹso Jizọsị nwẹnị pakịrị, “Ekwesu, mịanga ini ị́ fọnọ ḅelemaa! Fịafịa Ḍiri mẹ ḅẹẹm, ‘KỊNỊNYANAḄỌ ị́ Tamụnọ ḅe tẹkẹ tẹ fịrịmẹnjị ori ngẹrị pịrịị.’ ”

Makị 2:27

Tẹ ẹkwẹn gbaịn ḅụ Jizọsị nwẹnị ḅẹẹ, “Tomina iḅi anie Tamụnọ gotẹ Ịnyọsara-Ene mẹ tọn pakama yee, ò tomi tẹmẹ tẹ kẹ Ịnyọsara-Ene mẹ pịrị-a.

Luku 16:24

Mie ḅụ ọ̀ nwẹnị oloku pakama, ‘Ḍa Ebira-amụ! Sisi paa ì ḍiki sịḅị-jịrị tẹ Lazarọsị fịrịma tẹ ọ̀ ḅara-tụngbalị kẹ minji gbọn tẹ kẹ ị̀ ḅẹlẹ deinma, gbala opu akụ ḅio àrị emi mị kọrị fịnị mẹ ḅio!’

Luku 19:9

Jizọsị nwẹnị ọ̀ ḅẹẹ, “Mịmgba ḅọrọma ḅo mị warị la tẹ; ḅieḅe sọ kọkọ Ebira-amụ furo-ḅẹ-ḅọ.

Luku 3:8

Ọmịna asi ḅụ ọ́ pịkị tẹ mẹ ḍie-pakama ḅẹ amịẹaị ọ́ nwẹn mịẹ, tẹ ḅarị ḅẹẹ ma mịnẹ Ebira-amụ anie ọmịna atẹngịḅọ. À ḍuko ọ́ pịrịarị mịnẹ Tamụnọ inetẹ mịna aḍụḅarị ma kẹ awọ sọma Ebira-amụ pịrị ḅa!

Jọnị 8:44

Ọmịnị ọmịna ḍaḅọ Ekwesu ḅe awọmẹ, tẹ ọ́ ḍọkịarị ọmịnị ọmịna ḍaḅọ ḅiiarị ye mịẹ. Ye tarị sakị kụra-ḅio sọ ori anie kịnị-ḅaḅọọ, tẹ jen sakị, jen sakị amụ ọ̀ pịkị karakara mẹ na gbọrụ jụ ḅọrọ-a, ọ̀ ḅụụ karakara nwẹn-sịn ye ofori ẹrẹsị. Ori iruoarị sakị, iruoarị sakị ọ̀ kọn-kọn ḍumo ḅara mẹ mie ọ́ kọn-arị ye, ori anie iruoḅọ, tẹ pịkị iruo mamgba ḍaḅọ ẹrẹsị.

Fịrịmẹnjịapụ 13:26

Ì pembema Izirẹlịapụ, Ebira-amụ furo paka apụ, na ọmịnị mịanga simearị Ja asịẹ ḅẹ apụ mamgba tẹ sunsin Tamụnọ pịrịarị apụ na: mị ḅọrọma oku mẹ wamịnị-mgba mie Tamụnọ anị kẹ fịrịma ye.

2 Timoti 2:26

Anịtẹso ịn naa-ḅo tẹ ịna karakara kuroma ḅụ sọ tẹ Ekwesu ḅe ḍiein mẹ ḅio pụkọ-pakaḅo ḅarị ḅara, anie in kuun-sịẹma tẹ ini ọ̀ ḅịḅị pokiarị ye mẹ ḅio.