Luku 13:15 - FỊAFỊA BAỊBỤLỤ

¹⁵ KỊNỊNYANAḄỌ ḅe nwẹnị ọ̀ pakịrị, “Ọmịnị mịẹ tomi ḍie apụ! Ọmịna ḅụ tụḅọ Ịnyọsara-Ene mẹ ḅụ amịna nambulo, anịanịa asụ, fima tẹ kẹ paka mu tẹ ò minji ḅuu ḅịa?

Luku 13:15 Iomraidhean Croise

Jobu 34:30

Mịnẹ tamụnọ nimi-a tomḅọ ama-da na-iḅi-a; mịnẹ ò ḍiein tuu tomi ma pịrị na-iḅi-a.

Egberima-Ẹkwẹn 11:9

Tamụnọ kẹ ye-sịn-a apụ ma ẹkwẹn inetẹ ị́ sima fama ḅa kụma karakaraye-mịẹapụ ma nimi mẹ inetẹ ị́ ḅọrọma ḅa.

Ayịzaya 29:20

Anị nwẹnị ja apụ ponomarị tẹ Tamụnọ ḍiki iderimarị apụ kunoma sọ ḅa. Tamụnọ si-mịẹḅọ goḅọ-goḅọ ḅaa sin ḅa.

Matiyo 15:14

Ọmịnị ịn bala ma! Ini ma anie tọrụngbọ-pụụntẹ-apụ tẹ jen tọrụngbọ-pụụntẹ-apụ tọrọkọ-tarị apụ; tẹ tọrụngbọ-pụụntẹḅọ jen tọrụngbọ-pụụntẹḅọ tọrọkọ-tarị sakị goyegoye, ini maa apụ ma mu ḅịkị olulu ḅio sọ ḅa.”

Matiyo 15:7

Ọmịnị anie mịẹ kịnị ḍie atomii! Ayịzaya ọmịna ḅụ koro ịkịan mẹ kura ḅara ḍikii!

Matiyo 23:13

“Ọmịnị Oloko Tolumapụ na, Farịsiiapụ na, ọ́ tẹkẹlẹtẹ ḅara ḍikii! Mịẹ tomi ḍie apụ! Ḅọrọ sọ-mu Tamụnọ Ama-da suku-ḅio simearị atomi sọ ḅọkọ mẹ, ọ́ sọ-mu ḅẹ apụ ma tọrọkọ anị gbaịn tẹ; ọ́ sọ-mu ḍụkụ-a, kụma ọ́ pịkị ḍụkụ tẹ ḅụụkụrọma sọ-mu ḅẹ ḍọkịarị apụ ma sọ sọ-mu mu-a!

Matiyo 23:28

Mị gbọrụ ḅara mẹ ḅụ, ọgọnọ, ọgọnọ ọmịnị iḅi-apụ sọ wararị, ḅẹḅọ-ḅẹḅọ tọrọkọ, kụma ọmịna aḅụụ ḅio oḅori kẹ kịnị sịn akuroma na, si, si, si na, mie emi ye.

Matiyo 7:5

Ị́yẹrị mịẹ tomi ḍie ḅọ! Tarị, tarị ị́ tọrụngbọ gbaịn wararị sịn ikiḅa mẹ sin, anịtẹrẹmẹ ị́ inetẹ ye ẹrị banabanama tẹ ị́ mịnaḅọ ḅe tọrụngbọ ḅio simearị fun kalịye mẹ sin pakama ḅo ḅa.

Luku 12:1

Tomi ẹndẹ, ẹndẹ ma kobiri ḅin tẹ jụmọ-jụmọ ḅụọ ọgọnọ sịẹ ḅara sime tẹso, Jizọsị nwẹnị tarị ò ḍukamẹnjịapụ ma ḅẹẹ, “Ọ́ Farịsiiapụ ma ye sunmaye mẹ ḍiki ḅụụ-kịẹn, à fiearị ye anie, ịna mịẹ tomi ḍie amịẹaị ma.

Luku 14:5

Anịtẹso Jizọsị nwẹnị ịn ḅẹẹ, “Ọmịna ḅụ tụḅọ emi, tẹ mḅọ tụḅọ, anịanịa nambulo, Ịnyọsara-Ene ḅụ ḅịkị suḅe ḅio koro kụma anị gbọrụ sakị ḅụ ọ̀ pakama-ḅo ḅịa?”

Luku 6:42

Ndẹẹ ị́ ị́ mịnaḅọ ḅe ḅẹẹ ḅẹ ḅara, ‘Sisi, ị̀ mịnaḅọ, yee àrị ị́ tọrụngbọ ḅio simearị fun kalịye mẹ sin,’ í nye ḅio simearị sịn ikiḅa mẹ sọ í inetẹ ẹrị-a sakị? Ị́yẹrị tomina tọrọkọ iḅi ọkị ḍọkịḅọ! Tarị ị́ tọrụngbọ ḅio simearị sịn ikiḅa mẹ sin, anị sakị rẹ mie í inetẹ banabana ḅara kẹ ị́ mịnaḅọ ḅe tọrụ ḅio fun kalịye mẹ ẹrị tẹ siin pakama-ḅo ḅarịye.

Luku 7:13

KỊNỊNYANAḄỌ ḅe árị ẹrị sakị ori á ḍiki tọrụ-kụrụkụrụ lamam. Tẹ ọ̀ nwẹnị á ḅẹẹ, “Owu ma, ị́ na.”

Luku 7:19

fịrịma mịnẹ in mu KỊNỊNYANAḄỌ ḅe gbela, “Ḅo ḅẹ tẹ Jọnị ḍuko ḅọ ḅe mụnọọ wa paa jụmọ ḍiki ḅẹ?”