Luku 13:14 - FỊAFỊA BAỊBỤLỤ

¹⁴ Ama-warị mẹ ḅẹ fịrịmẹnjịḅọ ḅe, Jizọsị Ịnyọsara-Ene mẹ ḅụ obi gwọ ye mẹ gotẹ ịganị tẹ tomi ma ḅẹẹm, “Sonio aḍin wa nwẹn nyana tẹ kẹ kọrịnama kọrị ḅẹm, ọmịnị arị ene ma ḅụ ḅo gwọọ. Ịnyọsara-Ene mẹ ḅụ-a!”

Luku 13:14 Iomraidhean Croise

Paka-so 20:9

Sonio aḍin mie ọ́ kẹ kọrịnama kọrị tẹ ọ́ nyana kọrịnama mamgba kọrị ḅarịye;

Paka-so 23:12

“Sonio aḍin ḅụ ọmịnị ọmịna kọrịnama kọrị ḅa, kụma sọnọma aḍin karama ene mẹ, ḅụ ọmịnị ịnyọsara ḅa; mịẹtẹ ọmịna pootẹ-nambulo na ọmịna yedogi-nama na ịnyọsara, tẹ ọmịna furo ḅẹ owiḅọtụḅọ ḅe na, ị́ warị bịan igoniḅọ ḅe na sọ ịwọ ịnyọ sụa ḅẹ ḅara.

Izikẹlị 20:12

Àrị Ịnyọsara-Ene mẹ koko kẹ àrị ini na fị ọḅọkụ mẹ ḅẹ elekima mịẹm, kẹ ịna ḅiokoroma mịnẹ yẹrị KỊNỊNYANAḄỌ ịn wẹrị ḅelema tẹ.

Izikẹlị 34:21

Ọmịnị obiarị aị ma sukuruma ḅelema tẹ ịfalị kẹ in jine siin tẹ anana-ogbo mẹ ḅụ.

Lẹvitikọsị 23:3

Sonio aḍin mie ọ́ kẹ kọrịnama kọrị ḅarịye, kụma sọnọma aḍin karama ene mẹ anie tẹmẹ la ịnyọsara fịafịa kobiri ene; gbọrụ kọrịnama sọ ọ́ kọrị ḅịa; ọmịnị angarị anga mamgba ḅụ anị ene mẹ anie KỊNỊNYANAḄỌ ḅe Ịnyọsara-Ene.

Matiyo 12:2

Farịsiiapụ ma ini ọkọ mịẹ ye mẹ ẹrị tẹ Jizọsị ḅẹẹm, “Í ḍukamẹnjịapụ mịẹarị ye ḍiki; ini Ịnyọsara-Ene mẹ ḅẹ Oloko mẹ kan-arị!”

Makị 5:22

Anịanga ḅẹ ama-warị mẹ ḅẹ opu fịrịmẹnjịḅọ, Jayịrọsị nwẹn-sịn ḅọ, nwẹnị ḅo la, tẹ ò Jizọsị ẹrị tẹso, ori amịna ḅụụ sẹma-kiri-gbinm ori aḅụọ suku,

Luku 6:11

Tomi ma nwẹnị ịganị tẹmẹ lama tẹ ịn kẹ Jizọsị mịẹ ḅẹ ye kẹ ḅịḅị ọkị-a.

Luku 6:7

Anịanga sime Oloko toluma apụ na Farịsiiapụ na ḅẹ ja apụ nwẹnị Jizọsị ẹbị lama, Ịnyọsara-Ene mẹ ḅụ ori obi gwọm ḅẹḅẹ ini anị kẹ oloko kẹ ori ọlọ ḅẹ ḅara.

Luku 8:41

Anịtẹso ama-warị mẹ ḅio kọrịnama kọrịarị, Jayịrọsị nwẹn-sịn gbọrụḅọ nwẹnị ḅo Jizọsị ḅụọ suku amịna ḅụụ sẹma-kiri-gbin, tẹ ọ̀ tẹkẹ mịnẹ ọ̀ paa ọ̀ warị ḅo,

Fịrịmẹnjịapụ 13:15

Tẹ ama-warị mẹ ḅio kọrịnama kọrịarị apụ ma Mozizi Oloko mẹ ḅio paka-ḅo ye na ịkịankoroapụ ma kẹẹ aị ma ḅẹ aị na go fama tẹso, ịn nwẹnị fịrịma tẹ ḍuko ịn pịrị, “Mịnapụ, ọ́ kẹ tomi ma ḅiokpọma ḅẹ ẹkwẹn emi-emii, wa ḅii ḅa ọmịnị ẹkwẹn ịn pịrị.”

Fịrịmẹnjịapụ 18:17

Inimgba nwẹnị ama-warị mẹ sịḅịdaḅọ, Sosịtinisi kun tẹ ḅẹrẹkọn warị mẹ tọrọkọ ḅụ ò fomu. Kụma anị kẹlẹ sọ kẹ Galiyo tẹmẹ jike-a.

Fịrịmẹnjịapụ 18:8

Kirisipọsị, ama-warị mẹ ḅẹ sịḅịdaḅọ ḅe na ọ̀ warị ḅẹ apụ mamgba na KỊNỊNYANAḄỌ ḅe mininim, tẹ Kọrịntị ḅẹ tọnwa ja apụ sọ oku mẹ naa tẹ, minini tẹ in minji kẹ ịn saram.

Romu 10:2

Àrị àrị ine-ḅara, ine-ḅara mịẹ tẹ ó nimi ḅẹ ḅara mịnẹ ini ma ịn tẹmẹ-la ḅara kẹ Tamụnọ ḅụụ sịrẹrẹ wararị, kụma ịn kẹ ọ̀ ḅụụ sịrẹrẹ ḅara mẹ karakara nimi anị ḅụ ofori.

Ditẹrọnọmị 5:13

Sonio aḍin mie ọ́ kẹ kọrịnama kọrị tẹ ọ́ mịẹ ḅarị aị mamgba mịẹ ḅarịye;