Luku 12:7 - FỊAFỊA BAỊBỤLỤ

⁷ Mị-ḅara ḅụ ọmịna sịḅị-ḅẹ-inume ma sọ kịẹn fama wararị. Ọkọẹrẹsị ọ́ ḅalafa ma; ó ye la tọnwa opulo-ngịangịa nẹngịm.

Luku 12:7 Iomraidhean Croise

2 Samụẹlị 14:11

Anịtẹso á nwẹnị ḅẹẹ, “À tẹkẹm, yee amadaḅọ ḅe KỊNỊNYANAḄỌ ị́ Tamụnọ ḅe kụrọ sịn saakị, mịẹ tẹ ọmbie gbẹẹfị ḅii ḅọ ḅe ḅarị jen-maaịn kẹ ḅaa ḅịa, tẹ ì owiḅọtụḅọ ḅe fịị ḅịa ḅara.” Ọ̀ nwẹnị pakịrị, “KỊNỊNYANAḄỌ ḅe ḍumo sime wararị ogbo, í owiḅọtụḅọ ḅe sịḅị-ḅẹ-inume ḅụ gbọrụmgbọ-sọ siin-koro kiri mẹ la ḅịa.”

Jobu 35:11

oriḅe tẹ ye kẹ wa toluma tomikiri ḅẹ anama ma nẹngịma ḅọ ḅe, tẹ mịẹ tẹ wa ye-nimi fiin-arị afeni ma nẹngị ḅọ ḅe?

Devidi-Anume 8:6

Ị́ ọ̀ tọnm ori ị́ tẹmẹ ye goyegoye kẹ sịḅịdaa; bebe tẹmẹ ye mamgba ị́ kẹ ò suku-ḅio suum:

Matiyo 12:12

Anịsakị tomḅọ yela anana nẹngị ḅara ḅaka wararị! Miemẹ ẹrẹsị wamịna Oloko mẹ minini wa pịrị wararị mịnẹ wa ḅarasụa kịnị pịrịị Ịnyọsara-Ene mẹ ḅụ.”

Matiyo 6:26

Ó So-tọrụ fiin ma ḅọrọarị afeni ma ḍikii: ịn ḍụọ ḍiḅi tẹ, soku tẹ, fịaị kobiri mu koko ḅụụ wẹrịma-a: anịsọ ịn paa ye fịarị, ọmịna Ḍaḅọ So-ḅio simearị ḅọ ḅe mie in kokoarị! Ọmịnị ma ọ́ kpọma ye la feni ma nẹngị-a?

Luku 21:18

Kụma ọmịna sịḅị-ḅẹ-inume ḅẹ gbọrụmgbọ sọ faa ḅịa.

Fịrịmẹnjịapụ 27:34

Sisi, ọ́ paa fịye kala ye kẹ ḅịḅị lama anị ịnyọ kẹ ọ́ pịrị, ọmịna sịḅị-ḅẹ-inume ḅẹ gberie-sọ faa ḅịa.”

1 Samụẹlị 14:45

Anịtẹso tomi ma nwẹnị Sọlụ ḅẹẹ, “Jonatanị ḅe ọ̀ fịị ḅarị mọ, oriḅe tẹ mị gburo-gburotẹ owu-ḅara-iḅi mẹ kọrị ḅọ ḅe Izirẹlị ḅụ? Iḅieri! KỊNỊNYANAḄỌ ḅe ḍumo-sime wararị ogbo, ọ̀ sịḅị ḅụ inume gbọrụmgbọ-sọ siin-koro kiri la ḅịa; kẹ gotẹ ọkọ ḅẹẹarị, Tamụnọ ọ̀ ḅụụ sọ tẹ kọrịnama kọrịm mịmgba.” Anị ḅara mie tomi ma kẹ Jonatanị ḅọrọma tẹ ọ̀ ḅarị fịị-a ye.